top of page

下星期就返Intern?有咩準備功夫要做?


【你準備好返Intern未?】同學係咪都準備開工返Internship啦?係咪既緊張又興奮呢?而返Intern當然唔只係買套新衫就可以😛每年到咗呢個月份,HKCareers都係時候提下同學有咩事情要做定準備,先可以令你順利拎到Return Offer 或 Fast Track!剛剛開始或就返Intern嘅你都唔可以錯過今日個Post!快啲Save低跟住去做啦!

.

💪🏽點解要做準備:

事情做好準備功夫,可以幫助你係on-board後即刻進入工作狀態,俾同事一個好印象!增加上司同同事對你嘅好感,同學唔會想像到,第一印象對你之後發展同做野有幾緊要!我地成日講Networking、relationship building,其實好多時都建關於印象分!

.

▶️新Intern必做準備一:返工前聯絡直屬上司

同學可以係返工一至兩星期前透過電郵、WhatsApp、Signal或Linkedin去聯絡直屬上司,打聲招呼同講返自己就on board啦,如果你嘅supervisor有時間,仲可以約佢做個Coffee chat 或電話傾下計,問下對方會唔會需要你預先做好咩準備!不過記住唔好一尼就自己打電話去俾對方,咁會太突兀啦!

.

▶️新Intern必做準備二:做好Research,了解上司嘅期望

咁無論係用咩方法聯絡上司,目標亦係為左了解佢對你工作內容嘅期望,好多時候直屬上司都會對實習生或Fresh Grad嘅工作內容有啲要求,你就要嘗試理解同準備自己去做到呢啲要求,咁當然同學自己都要做多啲research,包括係你所屬嘅團隊最近做緊咩大Project或有咩focus,咁係同上司溝通時就可以了解下佢地又會希望你點樣參與係其中,同提供啲咩幫助咁☝🏼

.

▶️新Intern必做準備三:準備好專業Skills或知識

通常同學係On board前唔只係知道自己會入邊個Department好似S&T或IBD咁,仲會知道自己會入邊條Team, 所以大家就可以做更多technical嘅準備,例如你之後原來要用好多Bloomberg Terminal或VBA,咁你就要記得去溫下書,熟習下啲function點用,咁去到返工時就可以立刻展現你專業嘅一面啦

.

▶️新Intern必做準備四:跟好市場走勢

好多同學都會係面試前先臨急抱佛腳尼睇新聞,但係入職就真係要跟緊返市場消息啦,因為市場變化同你地工作內容會有直接關係,特別係入投行、銀行同地產做Intern、MT同Grad Job的同學,一定要留意返你個領域入面嘅新聞同Market Outlook,如果去到On borad後先開始睇就太遲啦

.

▶️新Intern必做準備五:人靠衣裝👔

返工第一日最老尶係咩?就係你發現自己嘅衣著風格同條Team嘅同事差好遠。例如同學入左Back Office後台工作,原來同事嘅打扮都係Smart Casual,只係得你一個著左Full suit,咁就好似顯得你好無社會經驗,唔係好夠醒咁,又或者有啲公司對衣著要求比較嚴謹,但你件衫又皺曬皮,或者有啲同學只係得上莊件莊suit 咁,成日都係著同一套衫,咁都會有少少失禮

.

而係女仔方面,無論你身材幾好,都唔建議衣著太過清涼,可以化少少妝,但又唔好大濃妝,要配合返個專業形象。重點係要係返工前了解下個工作環境同氣氛,準備定啲返工衫,無論著係太正式或Casual都唔好!

.

之前 @iBankCoaching 就出咗個Post,講同學有咩返工前必知嘅小資買衫品牌可以去行吓,我地會再Share出多次出去Story,你記得去睇吓啦!

.

希望同學第一日返工都順順利利,如果係實習嘅同學就個個拎到Return offer!最後,除咗俾個♥️外,你當然要記得share篇文俾同你一樣準備緊開工嘅同學,提下佢有咩要準備好☺️!



Comentários


Categories
Recent Posts
bottom of page