top of page

大學生入投行及銀行前台必學!3分鐘學識寫Macroeconomic Research Report!



【睇完即刻Ready去做投行及銀行前台面試?】除咗Equity Research外,Macroeconomic Research Report亦係投行前台面試常問嘅另一種Investment Research Report!學識點樣分析宏觀經濟環境,對於去見1️⃣Rates、2️⃣FX、3️⃣Commodities同4️⃣Public policy insights相關嘅部門同職位都好重要!因此HKCareers今日就會話你知:

✅宏觀經濟分析做啲咩? ✅MRR嘅作用係咩?

✅完整嘅 Macroeconomic Analysis應該包括咩內容?

既然咁重要,你又點可以唔Save低今日篇文,好好學下點寫?

.

✅宏觀經濟分析做啲咩?

「宏觀經濟」就係對成個經濟行為嘅研究🧐,會研究唔同嘅經濟變數(economic variables)。我地可以透過分析呢啲指標,從而得知成個經濟體嘅情況,甚至可以用黎預測未來經濟狀況🤩,幫助消費者、公司同政府做出更好嘅決定👍🏼

.

「宏觀經濟分析」主要分析三樣嘢 – 📍GDP、 📍失業率,同埋 📍通脹。當然仲有 📍國民可支配收入(disposable income)同埋 📍政府嘅財政(fiscal)及貨幣(monetary)政策等

.

✅MRR嘅作用係咩?

MRR主要係用作提出你對發達及新興市場嘅利率💰、外匯、大宗商品、短期及長期經濟同埋公共政策等嘅見解🔍,再使用以上提過嘅經濟變數黎支持自己嘅分析

.

✅完整嘅 Macroeconomic Analysis應該包括咩內容?

唔知同學有無留意美國第一季嘅GDP呢?原來美國經濟今年萎縮左大約1.4%⬇️,所以大家都覺得經濟有機會進一步衰退😱,但BlackRock就做左一份宏觀經濟分析黎反對呢個睇法❗️就咁講MRR點寫可能比較難明,所以HKCareers今次就想借用BlackRock呢份分析報告做例子,去解釋MRR點寫,同學可以係圖片向左拉,方便理解:

.

1️⃣透過分析疫情前預期及實際GDP,認為經濟重啟尚未完成(圖1)。美國現時嘅實際GDP仍然比疫情前預期低2.5%,表明經濟仍有增長空間

.

2️⃣係圖2同學可以見到BlackRock就分析左G7經濟體同埋中國嘅增長前景(利用幾十個宏觀經濟指標嘅信息黎預測GDP增長 – 包括實際活動、就業、國家商業情緒等)。就發現到未來幾個月活動將會放緩,但仍繼續保持強勁(三個月嘅市場預測consensus forecast接近3%),雖然就低過當前嘅市場預測,但仍然遠高於疫情前嘅衝擊水平

.

3️⃣透過分析通脹率,結合新嘅信息來源去解讀主要經濟體的核心通脹前景(將核心通脹率和一系列嘅經濟指標之間嘅關係建模,呢啲指標就包括通脹預期同埋其他與通脹相關的數據,如提及通脹評論嘅文章,各種價格同埋工資數據)

.

圖3你可以見到,BlackRock分析每個經濟體嘅通脹係六個月內會處於嘅位置,而黃線就係佢哋實際報告嘅通脹。佢哋得出嘅結果就係:通脹應該會開始從歷史高位回落,美國核心PCE指數預計會由當前嘅普遍預期回落至接近3-4%嘅年率

.

4️⃣BlackRock亦分析埋唔同經濟體嘅整體金融狀況指標(FCI),即使今年出現對貨幣政策正常化(policy normalization)嘅擔憂同埋因俄烏戰爭造成嘅能源衝擊,但發現指標仍然支持增長前景(圖4)。FCI可以進一步估計未來嘅增長前景

.

💡小知識補充時間:其實金融資產價格唔單止可以驅動增長前景,亦都會受其驅動架!呢種反向因果關係意味著,對未經調整嘅市場價格進行加權平均(大部分FCI嘅做法)可能會對金融狀況產生誤導。而BlackRock亦都不斷通過剔除與增長前景,而非風險溢價相關嘅金融市場定價黎改進現有嘅FCI。FCI資料來源包括政策利率、政府債券收益率、公司債券利差、股票市場估值同埋匯率等,從而提高佢哋估計未來增長的能力

.

5️⃣最後因為俄烏戰爭等因素,導致最近嘅貿易局勢十分緊張,市場亦都有持續關注。所以BlackRock亦因時制宜,開發左一個貿易增長嘅實時指標(圖5)。發現預期貿易活動會繼續增長,而係2021年年尾仲係超出預期地高添啊!

.

BlackRock嘅指標匯總黎自50個與國際貿易相關嘅公開時間序列嘅實時信息,包括商業調查、及時嘅亞洲貿易數據、貨運量、資本支出訂單等

.

🔥更多補充:

當然啦,如果同學心水清,就會留意到BlackRock今次嘅報告,仲有好多因素(例如失業率)都未有分析到。而且,正如上文講到,好多時MRR都會針對▶️利率、▶️外匯、▶️大宗商品去做分析,特別係S&T同資產管理角度而言,呢三樣都係好經常會用尼做對沖/賺錢嘅Asset Class,即使BlackRock今個例子無包括,你之後做宏觀經濟分析時,都唔好忘記佢地!

.

相信同學睇完呢篇文都可以寫識做MRR✌🏼但如果你仲要啲時間去消化內容,就要記得Follow #HKCareers 同Save低篇文,方便之後睇返!😉💡




留言


Categories
Recent Posts
bottom of page