top of page

好書分享|想喺職場建立良好關係?5大必守法則!


【點先可以同上司維持良好關係?🤯】同學都開始返實習啦,除咗要應付同適應工作要求外,相信有好多同學要面對嘅難題,就係點樣同上司及同事建立良好關係,令到佢哋更願意同你分享自己嘅經驗、行業資訊,令你唔止可以順利完成實習,仲可以開始build up network!好彩嘅話,分分鐘俾埋個return offer你🤩今日IBankCoaching就想分享一啲返實習嘅Soft Skills,話你知喺職場上點樣應對人事,增加上司及同事對你嘅好感!唔好以為呢啲Soft Skills好虛無,當你正式返工以後,或者好快就會發現,其實儲人脈同應對人事,會比實際工作更有學問!快啲俾個like就睇落去!

.

以下呢5️⃣大重點都係來自於一本書叫《人性的弱點》,係美國著名人際關係學大師- 戴爾卡耐基嘅著作,作者嘅宗旨就係要教導群眾人際溝通及處理壓力嘅技巧。可想言之,呢5大重點有非常高嘅參考價值,save低個post再睇落去啦!

.

1️⃣對他人感興趣

⭕️同學首先要做嘅第一樣嘢就係要展示自己對其他人感興趣。人往往最關注既題材就係自己,所以如果想同新認識既同事建立親切感,有進一步既關係就要多主動問對方問題!

⭕️例子:放咗工之後可以上LinkedIn睇吓自己supervisor嘅profile,了解佢過往嘅工作經驗,有時傾閑偈嘅時候,就可以略略問吓佢「以前份工係點㗎?工作文化又係點?」,咁就可以自然地可以製造同supervisor之間嘅話題,又可以豐富自己嘅知識!

.

所以最重要都係保持一種好奇嘅心態,包你有意想不到嘅收穫😌

.

2️⃣記得每一個人名

⭕️如果可以正確咁記住對方既名,咁係代表住你非常重視嗰個人。記名對喺職場上建立個人形象都有好大幫助㗎!

⭕️例如:當同學出席大大小小meetings既時候,好多時候下次都會撞返同一個人。呢個時候如果你可以講得出對方嘅名,咁對方就會留下一個深刻嘅記憶。

IBankCoaching小提示:同學可以嘗試聽完個名之後,喺心裏面默念幾次,又或者透過某啲外貌特徵來認得對方嘅名,咁就唔怕唔記得啦!

.

3️⃣專注目的

⭕️好多投行都好講求teamwork,成team人有共同目標既話先會更快地完成手頭上既工作。喺溝通嘅過程中,同事之間難免會有唔同意見,呢個時候同學第一時間應該係同團隊傾清楚邊個option會對成條team最好,而唔係淨係堅持己見(咁樣對成件事係無幫助㗎!)

⭕️另一個例子就係:同事無喺約定好既時間做完佢個part既時候,會容易變得煩躁。但係同學要記住,指責同批評唔會幫到成件事。同學呢個時候可以提出自己願意用額外嘅時間幫隊友完成工作,咁先係好嘅團隊精神!到你下次有需要幫手嘅時候,自然大家都會肯幫你☺️

.

4️⃣投其所好

⭕️學識換位思考,依照對方講野既思考特質,運用相應的溝通技巧,達成自己想要既目的。有時遇上supervisor奇怪既要求,同學可以分析佢想要既特點,做野既時候儘可能迎合supervisor既心理。咁就可以滿足佢需要嘅同時,做嘢都事半功倍。

.

5️⃣戴高帽

⭕️Office就好似一個小型社會,各類型嘅同事都有。如果同學想同同事和睦相處,可以試下畀其他人戴高帽🎩揾多啲對方身上嘅優點,然後讚美佢。目的係令對方覺得你好重要,受到對方既重視。適當地畀人戴高帽,多讚賞同關心對方既事物,氹到對方開心。呢個技巧對日後見客傾合同都好有幫助!不過‼️同學切記唔好做多左,如果唔係就會變成積極既擦鞋仔🙈

.

最後,如果你有朋友唔識點同老細建立良好關係,咁就一定要Share呢篇文俾佢地😌仲有,記得follow @ibankcoaching 咁就可以第一時間接受最新投行資訊!

.


Comentarios


Categories
Recent Posts
bottom of page