top of page

想係呢個咁嘅市況絕地反擊?Winter Break必做嘅4件事!




【無Winter intern?Winter Break 做咩先可以幫你係搵工上立於不敵之地?】天氣凍冰冰,試又(差唔多)考完,終於有放Winter Break嘅感覺啦⛄️,如果同學已經有份Winter Internship Offer,當然係時候好好準備去返實習,但如果你並無冬季實習係手,今個Winter Break又諗好做啲咩未?今年Market咁差,如果你仲未有Offer,今個winter break將會係一個好重要嘅時刻,去俾你好好調整自己嘅狀態,係2023/24下半個Recruitment Season入面,殺出重圍,絕地拎返個靚Offer!講到咁大,實際上究竟有咩可以做?快啲俾個♥️就睇落去啦!

.

🤺2023/24絕地反擊之戰:Winter Break 有咩必做事項?

事實上,就算你手上已經有份Winter Intern,HKCareers依然會建議你,嘗試做埋以下幾件事,畢竟Winter Intern雖然可以幫你砌靚啲份CV,但通常都唔包有Return Offer,如果你Summer或Grad後仲未有著落,咁以下呢啲事情對你來說同樣重要:

.

1️⃣認真睇睇下學期時間表,Reg科時考慮選修或Minor Tech/IT科目!

有唔少院校,好似CityU咁,今個星期已經出咗Sem B嘅Reg科時間(城大同學可以上翻去AIMS睇),同學係呢個Winter Break都需要好好諗清楚,下個學期點樣選科先會幫到你提升競爭力。唔使HKCareers再多講,你都應該知而家個Market幾睇你有無Tech底,就算係我地之前講嘅Quant Industry,有Tech底都會易入勁多!

.

當然,同學可以自學Programming,但如果你有返個Minor,係公司嘅角度而言,當然會更加有說服力!但同樣地,你都唔會想俾呢啲科拉低你嘅GPA,因此就更需要係Winter研究好點樣Reg/Minor Tech科先可以不失霸氣!

.

2️⃣報讀CFA或FRM等等嘅專業認證

除咗係校內資源外,Winter都係時候好好開始去拎返啲專業認證!例如好多金融機構都睇重嘅CFA課程,早係2022年尾改制,同學係畢業前兩個學年,即係Year 3/4已經可以報考Level 1。

.

Level I考試一般會係每年2月、5月、8月和11月舉行,Winter Break就係時候好好Plan定啦!之前HKCareers就同CT Goodjob合作整理咗本大學生必知嘅專業認證全攻略!小編分享返出去Story,有興趣要嘅同學就自己去Request啦!

.

3️⃣重新檢視及修改你嘅報工策略——唔好衝落去啲死路啦!

老老實實,如果同學你係有乖乘聽HKCareers話,係8-9月已經有認真報工,如果去到12月都收唔到Offer,除咗因為市況唔好外,好多時都係因為報工策略出咗問題,又或者係睇見Market唔好,但反應唔夠快,無立即修改你嘅Strategy。咁去到12月啦,下個Sem你一定唔可以一錯再錯,繼續衝往一條死路!

.

咁咩叫死路呢?就係如果你之前報嘅行業,甚至係部門,無論你報幾多間都一樣無面試,或者去唔到Final In;無論你幾想入,又或者你覺得自己個底咁好,無理由連呢幾個部門都入唔到etc.,我哋都必須要調整心態,改去報一啲易入啲嘅部門,又或者係同一個行業2nd tier嘅公司,入唔到BB Bank咪報埋2nd tier嘅歐資行;入唔到前台,就報中後台;甚至唔好以為你只可以報死一個行業,例如之前HKCareers想提吓同學留意埋嘅Quant、今年必報埋嘅Big 4等。係潮退時最先反應過來嘅,先可以繼續游落去!

.

4️⃣學好啲Programming啦,好無?

同學唔好嫌我地長氣,但練好Programming係呢個年代真係好緊要!HKCareers經常同學做CV Consultation,發現有好多同學會號稱自己識不同Coding,但問落去嘅時候,就會發現同學都係寫住先😂,其實並無實際應用過呢啲語言,或者都只係有好基本嘅接觸!難得去到Winter Break,你又唔需要同時處理好多事情,係其他人放肆去玩嘅時候,如果你可以對自己狠下心,好好熟習啲Programming,咁係下個面試,當面試官深入追問你嘅時候,你就終於可以好好應對啦。係呀,呢啲真係無得臨急抱佛腳。你諗吓你之前Prep面試時,有十萬九千幾樣嘢去做,點可能仲有時間做呢啲Winter Break唔做,仲等幾時?

.

呢個假期話長唔長,話短唔短,就算你打算去個旅行,返到嚟都應該仲有好多時間!今年Market咁差,快啲把握呢段假期,早足準備,咁放完假當公司Resume所有嘅招聘同面試時,你先可以立於不敵之地,拎返個靚Offer!仲唔快啲Save低嗰Post,今個Winter逐一完成以上嘅事情?

.

最後,你都想有人時刻提住你Market發生咩事,你幾時又要做啲咩?咁就一定要Follow @hkcareers ,等我哋提住你,唔怕再做漏任何嘢啦😉!

.


Commenti


Categories
Recent Posts
bottom of page