top of page

投資市場最新消息:有關NFT與元宇宙,大學生必須知道的4件事!


【連投行面試都有問NFT?你準備好未?】相信你對NFT同元宇宙呢兩個名詞都唔會感到陌生,話晒連Ian都買咗MonkeyKingdom嘅NFT😆!不過同學又有冇諗過NFT同你報工都有關?最近投行面試已經開始問緊同學點睇NFT嘅投資價值!要識得答呢類問題,同學一定要知道1️⃣Blockchain、Crypto、NFT同Metaverse係咩? 佢哋之間又有咩關係!2️⃣HKMA有咩最新監管?今篇係超實用長文!記得Save低再睇落去

.

💡NFT及元宇宙同你報工面試有咩關係?

📍Credit Suisse Private Banking (Product Specialist)係一月嘅面試, 同學就被問到覺唔覺得NFT會係bubble?投資價值係咩?

📍係UBS PWMA嘅面試,面試官更加直接問同學會唔會建議客戶買NFT!

📍新世界同埋PwC都已經喺sandbox買咗地,相信FI都要開始思考係咪將業務擴展到元宇宙🧐

.

1️⃣區塊鏈、虛擬貨幣、NFT同元宇宙係咩? 有咩關係?

📍區塊鏈

▶️係一本由大量密碼組成嘅巨型帳本。傳統嘅交易通常係由一間交易所又或者銀行去做記錄,但係區塊鏈嘅主張同傳統交易完全相反,我哋稱之為去中心化。 去中心化意指交易唔係由一個機構記錄,而係由所有人去做記錄。區塊鏈同傳統交易另一差別在於每個人都睇到同一則交易, 同傳統交易嘅不透明性有好大對比

.

📍虛擬貨幣

▶️種類多元, 比較大路嘅有比特幣(BTC), 以太幣(ETH)等,而曾令大量玩家蝕到入肉嘅狗狗幣🐕(DOGE),都係虛擬貨幣嘅一種。 虛擬貨幣係由區化鏈衍生出來嘅貨幣。得到貨幣嘅過程同high frequency trading有異曲同工之妙:同樣都係要鬥快,鬥硬件設備,先會賺到錢

.

▶️同學不時聽到嘅礦工即係擁有高端設備嘅人員,挖礦時會用上超級電腦,搭配電腦程式,與其他礦工鬥快,驗證一啲人哋未發現到嘅交易,為交易添加timestamp,再將交易添加到區塊鏈內。挖礦後,礦工可獲得虛擬貨幣作為酬勞。虛擬貨幣嘅數量係固定嘅,就好似傳統嘅金礦終將耗盡。所以只要你開採得越早越快越密,收到嘅報酬就會越多💵

.

📍NFT

▶️建基於區塊鏈技術, 喺Opensea等NFT交易所交易, 用虛擬貨幣買賣嘅虛擬資產。傳統嘅貨幣,甚至加密貨幣,都有統一單位。 NFT與之相反, 每一個代幣嘅價值都有分別。而藝術作品之所以可以用呢個形式交易,係源於區塊鏈嘅特性。 喺區塊鏈入面,區塊與區塊之間係由加密算式扣連, 所以冇人可以竄改任何記錄,造就NFT獨一無二嘅特性。 所以NFT就好似一張鑒證書,能夠證明商品的真偽

.

▶️有部分NFT喺網上隨處可得嘅圖像、影音、短片,所以肉眼係睇唔出正版同盜版嘅分別。NBA Top Shot 之前就將LeBron James灌籃嘅片段整成NFT, 成為左一張動態嘅球員卡,受到唔少人追捧。 因為個個都可以睇到呢條片,所以有人覺得收藏呢類NFT好唔抵🤪

.

▶️NFT現時主要用喺出售數位藝術方面,不過佢嘅應用層面非常廣,無論係醫療或金融範疇,只要係需要憑證嘅地方,都可以用上NFT,發展前景相當唔錯,或者同學可以建議銀行搵一啲NFT交易所或相關公司做客戶,協助佢地上市

.

📍元宇宙

▶️可以話係將The Sims變成現實嘅平台。分別在於喺模擬市民入面,同學操控嘅係一個人,係元宇宙入面,你自己成為咗一個avatar👧🏻, 透過AR、VR、MR技術, 喺虛擬世界生活。 Meta同MS都有提議將工作融入喺元宇宙入面,以後開會嘅時候,就唔會淨係用Zoom咁死板,而係有親歷其景嘅感覺。Epic Games旗下嘅Fortnite都曾經同Ariana Grande合作,舉辦左虛擬演唱會;就連林俊傑都有喺decentraland買咗地,可能我地以後都要係元宇宙撲飛啦😂同學都可以建議銀行買定地,為開設虛擬銀行做準備

.

▶️NFT可以係元宇宙入面嘅資產。LV、Gucci都已經用NFT嘅形式出咗名牌手袋👜, 就好似你課金買遊戲入面嗰啲裝備咁。日後買LV嘅NFT就同你喺現實生活中買手袋無分別

.

2️⃣HKMA 有咩最新監管?

▶️虛擬貨幣好多時都受到監管限制,同學記得答問題時記得睇埋新嘅監管措施,點樣影響銀行嘅部署。就好似內地已經全面禁止虛擬貨幣交易咁,金管局而家已經有意制監管加密資產,特別係用作支付用途嘅穩定幣。雖然佢哋依家正向各界徵求意見,但已經有初步嘅方向:

📍第一,監管與資產單一法定貨幣掛鉤嘅穩定幣及加密資產

📍第二,大部份與穩定幣有關嘅活動都需要獲得批准/ 發牌先可以進行

📍第三,監管範圍涵蓋香港公司及面向香港用戶嘅外國公司

.

同學睇完係咪明曬面試要點準備?如果你覺得今篇文好有用,唔好自私Save咗就算,記得Share✈️埋俾朋友,叫佢一齊Follow #HKCareers

✅掌握大學生必知嘅Intern/Grad Job求職資訊

✅學習令你畢生受用嘅搵工貼士💡

#achievewithus #Internship #mt #gradjob #hku #cuhk #hkust #cityu #hkbu #polyu #hkhsu #dse2021 #dse2022 #dse2023 #hongkong



Categories
Recent Posts
Archive
Follow Us
  • Facebook Basic Square
bottom of page