top of page

投資界11個傳奇人物!


【如果你可以邀請3個人共晉晚餐?你會請邊個?】呢條面試問題來自Citibank一次Assessment Centre。如果你可以隨意邀請3個人一齊請飯,你又會唔會諗起去邀請呢11個投資界嘅傳奇人物(假設佢哋都仲在生😛)?!原來你學緊用緊嘅投資法,好多都係源自呢11個Legendary Investors,如果你話自己想入投行,但完全唔認識佢哋,咁又點講得過去?Investopedia之前就整理咗「The World’s 11 Greatest Investors」,想知包括邊啲投資界大佬?佢哋嘅投資理念又點樣影響當今投行界/投資界嘅發展?快啲俾個♥️再睇落去!

.

Benjamin Graham

📌寫過兩本經典嘅投資作品:《證券分析》及《智慧型股票投資人》

📌被公認係奠基證券分析及價值投資呢兩個基本投資概念嘅人物

📌認為價值投資嘅本質,係任何投資嘅價值應遠超投資者支付嘅價格

📌相信基本分析,擅搵出具強勁資產負債表、少債務、高利潤率及現金流充裕嘅公司進行投資

.

Sir John Templeton

📌被譽為上世紀好頂級嘅反向投資家,曾係大蕭條期間低價買入,再喺互聯網繁盛時期高價賣出而廣為人知

📌創建左世界上最大及最成功嘅國際投資基金之一;1992年將基金賣比Franklin Group

📌1999生被Money雜誌稱為「可能係本世紀最偉大嘅全球股票選手」

.

Thomas Rowe Price Jr.

📌被譽為「成長投資法之父」

📌將金融市場視為一個循環,而佢嘅投資理念係,投資人必須長期關注個別股票選擇

📌佢成功嘅投資生涯,就係以紀律、過程、一致性及基本研究作為基礎

📌以佢名字命名嘅公司-T. Rowe Price,係一間全球知名嘅投資、共同基金及經紀公司

.

John Neff

📌1964年加入Wellington Management Co. ,任職超過30年

📌管理溫莎基金長達31年,回報率為13.7%,高於同一時期標準普爾500指數嘅回報率10.6%

📌會關注有低市盈率及高股息收益率嘅公司,因此被認為係價值投資者

.

Jesse Livermore

📌雖然無受過正統嘅股票交易教育,但憑個人嘅經驗,去進行投資

📌少年時期嘅佢已經開始交易,據說16歲已經有1,000美元嘅收益

📌年少嘅佢會透過對股票價格嘅走勢同交易所對賭賺錢

.

Peter Lynch

📌1977至1990年管理Fidelity Magellan Fund (FMAGX),基金資產從1,800萬美元成長到140億

📌被形容為一隻變色龍,因為佢可以順應時勢適應當時有效嘅投資風格

📌當選擇特定股票時,會堅持選擇佢熟悉/容易理解嘅股票

.

George Soros

📌擅長將宏觀經濟趨勢轉化為高槓桿嘅債券及貨幣投資

📌作為一位短期投機者,佢會大膽押注金融市場嘅走向

📌1973年創辦索羅斯基金管理嘅對沖基金公司,後來發展成為著名嘅量子基金,30年嚟嘅平均年回報率為31%

.

Warren Buffett

📌被稱為「奧馬哈的神諭」(Oracle of Omaha),係歷史上最成功嘅投資者之一

📌遵從Benjamin Graham提出嘅原則,透過Berkshire Hathawa公司購買股票及公司累積幾十億美元嘅財富

📌投資風格:紀律、耐心同價值投資,令佢喺幾十年黎喺市場上都表現優異

.

John ‘Jack’ Bogle

📌創辦了Vanguard Group共同基金公司,並發展成為世界上最大及最受尊敬嘅基金贊助商之一

📌開創咗無佣金共同基金,為數百萬投資者倡導低成本指數投資

📌1976年創立並推出第一個指數基金-Vanguard 500

📌佢指數投資理念主張投資廣泛基礎嘅指數共同基金獲取市場回報,而呢啲基金嘅特點係無負擔、低成本、低週轉率及被動管理

.

Carl Icahn

📌作為知名嘅激進投資者,佢利用對上市公司嘅持股位置,迫使改革以增加佢股份嘅價值

📌1970 年代末開始積極進行企業掠奪活動,並因1985年惡意收購環球航空而街知巷聞

📌華爾街嘅口頭禪「Icahn lift」(伊坎升降機),用嚟描述當Icahn開始買佢認為管理不善嘅公司股票時,公司股價通常會升

.

William H. ‘Bill’ Gross

📌被譽為「債券之王」,係全球領先嘅債券基金經理之一

📌作為PIMCO債券基金系列嘅創始人及董事總經理,截至今年2月,佢同團隊所管理嘅固定收益資產超過1.86兆美元

📌2014 年,喺內部管理鬥爭期間從PIMCO 辭職。直至 2019,都繼續管理佢曾為 Janus Henderson 等公司提供嘅大型債券投資組合

.

Market總係有起有跌,無可能永遠只有好,但都唔會永遠只係壞。就算係投資界嘅傳奇人物,雖然當我哋回頭去睇佢哋嘅成績,覺得好亮眼好勁咁,但係途中,佢哋其實一樣經歷過好多風浪,經過唔少努力同掙扎,先可以做到之後咁漂亮嘅成績表。

.

我哋都一樣。所有投資法,講到最尾都關「心法」事,無論Market幾好幾壞,能夠冷靜專注做好自己手頭上可以做嘅事情,先有機會beat the market,成為贏家。

.

希望各位同學都可以繼續加油。而睇完個Post就當然要記得Follow❣️ @HKCareers,等我地繼續為你提供✅大學生必知嘅Intern/Grad Job求職資訊,✅及搵工面試最實用嘅貼士!💡



Commentaires


Categories
Recent Posts
bottom of page