.png)
5條今年最奇怪嘅投行面試題目
【大癲！下個遇到呢啲問題嘅，可能就係你⋯】HKCareers💡經常會為同學分享最新嘅面題題目，幫助你哋準備好每個面試！但如果每個面試都只會問一樣嘅問題，咁公司又點會分到不同Candidates嘅高下？說話當然係咁講，呢啲投行同公司問嘅問題，也未免太過刁鑽啦嘛😂？係HKCareers多年嘅Coaching經驗入面，我哋自問都叫做見過唔少奇難雜題，但以下呢啲今年最新出嘅面試題目，都令我哋真心覺得大癲，究竟係邊個大佬諗出嚟？而你面試如果真係遇到啲咁嘅題目，又點算好，有咩方法破解所有面試奇難雜題？！想知就快啲俾個♥️再睇落去！
.
🗣5️⃣條最超乎你想像嘅投行面試題目
直入正題先！以下呢5條面試題目，全部都係投行同大公司今年最新問緊嘅問題，絕對唔係陳年舊Case。即係話，你都絕對有機會突然遇到呢啲問題，唔想被嚇到呆咗？快啲睇落去做定心理準備先：
.
▶️Allianz - SG:
1️⃣Imagine a comet was going to crash into Singapore in 24 hours, how will you get all the citizens out of Singapore?
如果有粒彗星會喺24小時內撞落新加坡，你會點樣令所有市民安全離開？
.
▶️Goldman Sachs - HK:
2️⃣If you can be David Solomon for 1 day, what would you do?
如果你可以成為David Solomon一日，你會做啲咩？
.
▶️US BB Bank - HK:
3️⃣ What’s your favorite cocktail?
你最喜歡嘅雞尾酒係咩？
.
▶️Citi - HK:
4️⃣If you need to open a shop downstairs at our office, what will the shop be?
如果你要喺我哋辦公室樓下開一間店嘅話，你會開咩類型嘅店？
.
▶️Citi - HK:
5️⃣A family has 2 children, given one of them is a boy, what is the probability that both of them are boys?
某個家庭有兩個小朋友，已知其中一個係男孩，咁兩個小朋友都係男孩嘅概率係幾多？
.
以上呢啲題目真係大癲，相信有唔少同學第一個反應都同小編一樣，喺度諗彗星撞地球關我報工咩事🤣，唔通我係報咗NASA?
.
但你有冇留意，會問呢啲刁鑽問題嘅，全部都係大大大投行同金融機構？好老實講，能夠入到呢啲公司嘅面試，全部嘅Candidates都一定有返咁上下料子：Technicals唔會弱、之前做嘅準備功夫唔會少、個人唔會蠢，學歷或Past Experience都唔會差得去邊😛
.
站喺公司嘅立場，如果我唔問啲奇難雜題，殺你一個措手不及，基本上冇可能分到每個同學嘅能力高下。結果就係，啲問題越嚟越刁鑽！不過又唔使咁驚住，其實呢啲問題背後都有跡可尋！繼續睇落去，HKCareers會話你知點樣破解所有面試奇難雜題！
.
💡兩招破解所有面試奇難雜題
1️⃣永遠諗咗hidden questions係咩先！
HKCareers嘅Interview Coaches成日都教，同學喺聽到公司嘅面試問題之時，一定一定要即刻諗埋，每條問題背後嘅hidden questions。究竟公司想考你嘅係啲咩？
.
以彗星撞地球嗰條為例，公司當然唔係想考你有冇人群管理或疏散嘅技巧。呢條問題講到底，都係【Market Sizing題型嘅變奏】，想考吓你會用咩方法去Estimate城市嘅人口：
▶️你會考慮邊啲因素去做Assumptions？係咪考慮得足所有細節？
▶️有無別出心栽嘅諗可以幫助到你達成目標？
▶️你能唔能夠係好短時間入面諗到方法，用最少資源同程序，最快咁完成目標？
▶️你識唔識得反問有建設性嘅問題，去幫助自己做判斷？
基本上，條題目表面點變，背後都係考緊呢啲嘢，只要你諗通咗，條題目就唔係想像中咁難答！
.
2️⃣面試奇難雜題9成都係Market Sizing或Brainteaser
事實上，公司可以發揮創意去設計嘅問題，好多時都會係Market Sizing或Brainteaser（或者一次過撈埋呢兩類）。換言之，都係轉個方法考你嘅反應、個人識唔識保持冷靜去應變（順便做Stress Test）同埋創意。當你之後殺咗入去呢啲大投行/公司工作，你會發現所有事情都發生得好快，你需要係有限資源入面快速咁做到正確判斷，呢類「嚇一嚇」你嘅問題，考嘅就係同一樣嘢！
.
雖然HKCareers俾咗好多問題例子你，但同學請記住，公司係一定會再轉個角度去問問題，就算你面試時遇到嘅問題有幾奇怪，你首先都要保持冷靜，再諗返以上兩點，盡己所能去考慮同闡述更多觀點，咁就算你嘅答案唔完美，你嘅冷靜同努力嘗試一樣會幫你加到分！
.
覺得呢類面試題目嘅分享同解答貼士好有用？想Keep住接收大學生搵工面試最實用嘅貼士？想掌握 #Intern／#GradJob 最新求職資訊？咁就即刻 【Follow @hkcareers 】啦！下次再講！
Comentarios