top of page

疫情市況更新——投資及市況面試攻略2021


隨住投行出緊Video Interview，同學都要開始準備market views相關試目！無論係報投行、Asset Man公司定銀行, 你嘅市場觸覺都係面試官好注重嘅能力！但日日都咁多大事發生，你對住一堆新聞唔知點準備🤔？今日就等HKCareers為你提供疫情市況Market Views懶人包！想知1️⃣點樣培養你嘅Market Views？2️⃣當下有咩疫情市況更新係投行銀行最重視？3️⃣市況對各Asset Class有咩影響?咁就要Save低篇文再睇落去！

.

1️⃣點樣培養你嘅Market Views？

想知投資者最重視嘅係咩，最直接嘅方法就係閱讀不同大行嘅Market Outlook。大行每星期/月/季都會出Market Outlook，等投資者知道市場發生咩事。我地開始建立Market Views時，可以由閱讀呢啲報告做起，慢慢你就會分辨到咩事件係緊要！

.

2️⃣當下有咩疫情市況更新係投行銀行重視？

⭕️宏觀而言：隨住歐美疫情穩定後，經濟環境已逐步好轉。亞太地區嘅情況中規中矩，不過隨住免疫人口上升，相信好快可以跟上歐美嘅步伐

.

⭕️歐美市場：

▶️負面數據：由 3 月底起，美國 10 年期國債收益率一直下跌，反映緊經濟活動嘅衰退。美國 2021Q2 嘅經濟增長年率都比預期低。主要係因為投資者對房地產嘅意欲較低同埋庫存減少。呢啲現象反映左勞動力短缺同物流中斷帶來嘅問題，同時亦係近期通脹嘅主因

.

▶️正面數據：隨住經濟復甦，企業盈利節節上升。係出左財務報表嘅 S&P500 公司入面，有90%嘅公司盈利高過市場預期。市場對於今年每股收益 (EPS) 嘅增長共識已經上升到 42.3%；見到經濟好轉，各國央行開始減少干預。加拿大央行已經縮減資產購買計劃。美國聯儲局(Fed)都好有可能係年底跟隨其後；而係歐洲，有83%嘅Stoxx 600公司嘅財務業績高於預期。 隨住疫情好轉，週期性行業（非必需消費品、金融、工業、能源和材料）都開始復甦

.

⭕️中國市場：

▶️今年中央開始實行反壟斷法，清算左騰訊、滴滴呢啲互聯網龍頭。最近，仲推出左“雙減”政策，導致教育同科技股嘅大幅拋售。 近日，政府又提出左禁打機嘅政策。如果確實執行，恐慌性拋售有機會再現

▶️雖然以上行業都受到波及，但係半導體、軟件、生態能源嘅前景樂觀

.

3️⃣市況對Asset Class有咩影響?

⭕️Bonds (債券)

▶️投資短期同高收益嘅債券仍然係高回報嘅關鍵。亞洲同新興市場嘅債券吸引力依然不減。但一啲新興市場嘅央行，例如俄羅斯、巴西同匈牙利已經開始左加息週期。而中央政府就有意為房地產價格降溫，收緊信貸政策，令投資者對行業前景持續擔憂

.

⭕️Equity (股票）

▶️ 歐美： 隨住防疫措施放寬，市場前景樂觀，預計今年全球每股收益 (EPS)增長19%。S&P500 同 NASDAQ 指數分別上漲 1% 同 0.23%，創下當月新高。個人消費係提升 GDP 同盈利嘅主要因素。英國係7月取消左英格蘭嘅社交距離政策，有助酒店等行業復甦。疫情帶來嘅供應短缺都帶動資本支出上升。如果需求持續，公司可以實現市場的盈利預期，推高股票價格

.

▶️中國 : 係7月恒生中國企業指數下跌11.3%，反映係香港上市嘅中國科技企業大受政策影響。滬深 300 指數下跌 5.3%，反映證卷市場嘅普遍憂慮。投資者對科技股嘅信心需要啲時間先會穩定

.

⭕️FX (外匯)

▶️歐元通脹增長快過市場預期，加上德國失業率急速下降。歐元兌美元呈上升趨勢。係先前美元疲軟嘅環境下，英鎊兌美元交易上升。美元近日回升，所以英鎊兌美元呈跌勢。製造業同非製造業採購經理人指數指數均跌至18個月低點。 而離岸人民幣並未受到中國經濟放緩影響，兌美元呈上升趨勢

.

⭕️Rates / Interest Rates (通脹)

▶️能源價格上漲令到全球通脹回升。隨住石油輸出國組織同俄羅斯同意每月增加 40 萬桶的產量，能源價格將會轉趨穩定，有望達到 Fed 下年 2% 嘅目標

.

▶️通脹同時導致全球消費者價格上升。係美國，6 月份基本核心通脹升到 4.5% 嘅年率，係30年來最快的增速。通脹亦會影響股市。上漲嘅生活成本令到工人要求更高人工，有機會減低企業利潤。如果商品價格升得太高，可能要通過“需求破壞”抑制增長，央行行長都有可能會重新採取寬鬆政策

.

同學係準備面試時一定要了解市況！特別係S&T、AM同PB呢啲專做投資嘅部門，正正需要你運用market views，去說服客戶購買你建議嘅投資產品，或俾你幫佢地管理投資組合！但要成日留意住新聞好似好難咁？唔知自己嘅理解夠唔夠準確？係唔係投行銀行面試最新問緊嘅題目？咁就要快啲去睇下 #HKCareers 嘅Career Coaching Program會點樣幫到你！立刻報名同了解更多🙂



Comentarios

Categories
Recent Posts
bottom of page