top of page

大學生必學:9招執靚Linkedin Profile


上星期我地講左Linkedin可以點幫到大家拎Offer同做networking,但無論想點用Linkedin都好,同學先要有個完整專業嘅profile💯。同學可以視呢個Profile為網上版嘅CV,重點係要俾其他人可以一眼👀了解你嘅背景、目標嘅工作領域、工作經驗同技能等。想知道自己個profiles 可以點樣再執好啲?咁就要睇落去啦: . 1⃣姓名:同學記得係Linkedin用全名(e.g. Peter Chan Tai Man),因為咁樣先會增加你個Profile嘅可信性,亦容易被之後嘅connections、同事或顧主認得你🕵🏻。 . 2⃣Headline:Headline係指會係你個名下面出現嘅一段文字,顯示嘅位置非常搶眼。如果同學係開Linkedin時已經輸入左基本資料,Linkedin會直接幫你顯示返你係邊到嘅學生,如「Student at University of Hong Kong」咁。呢個Headlines 其實都似CV嘅Summary,同學可以諗下點樣令到自己嘅Headlines 特別啲。例如可以試下加多少少有關你嘅資料,甚至唔用句子尼表示,如「HKU|Summer Intern at PwC|ACCA Candidate」等。Headlines一定要準確同清楚,嘗試融入啲同你想入個行有關嘅字眼(Keywords),仲要定時更新。如果有更多資料想寫,都可以係下面summary 嘅部分,但都唔好太長,正如執CV一樣,你嘅目標係要俾人係一眼間了解你🧐。 . 3⃣相:係CV上面我地一般唔太鼓勵同學放相,但係Linkedin就最好放,因為咁樣可以增加你個Profile嘅可信性。而張相最好係專業嘅商業肖像(Business Portrait),其實好多時career centres 或學會都會安排影樓去學校幫同學影呢類相,以半身、面帶自信微笑、著西裝(女仔可以化淡妝)同深色背景嘅相為上。盡量唔好放全身照、 衣著輕便或者太耐之前嘅相,因為都會俾人一種唔太專業嘅感覺。有啲同學亦會選擇放畢業相,但咁樣可能會俾人一種同學未準備好進入去專業領域嘅印象,都未必係最好🎓。 . 4⃣聯絡方法:同學可以選擇放唔放電話係Linkedin,但電郵就一定要放,可以增加其他人聯絡到你嘅機會。相比起公司或學校呢類暫時性嘅電郵,gmail呢類個人嘅電郵會更好,而個email都要有你嘅名同專業啲,個啲maryxxxbaby、captainmarcoabc嘅電郵名就可能要換下啦💼。 . 5⃣工作經驗:同CV一樣,同學最好放啲同自己有興趣個個行業有關嘅經驗,唔好將所有兼職、補習或無關嘅經驗都寫曬上去。最重要或近期個份工可以寫四句簡介,而其他無咁重要嘅工作經驗可以寫兩到三句簡介。但留意嘅係Linkedin 會自動幫你計算工作嘅年期,按時間順序尼排,同學亦都唔可以上下調動工作經驗,例如同學係Year 2嘅暑假參加左HSBC 嘅Apprenticeship Program,但Year 3暑假只係搵到細Firm嘅實習,你都唔可以調HSBC 嘅Apprenticeship Program去最上面 ,所以就要考慮下點樣突出Apprenticeship Program呢個經驗啦,如寫詳細少少嘅工作簡介咁📝。如果想知道多啲點寫靚個經驗,可以留意返我地先前CV既文章:http://bit.ly/cvarticle . 6⃣學歷:呢部分比較直接,只要寫返讀緊邊間大學同課程就得啦,一般都無需要寫中學,除非你係名校出身,想用Linkedin尼Connect中學嘅師兄姐💞。 . 7⃣Skills技能:同學可以為自己有嘅Skills分類,如Industry Skills或Tools and Technology咁。 當然要睇下同學目標係邊個行業,例如若果同學係想入Fintech/Business Analysis related 嘅工作,之前聽左我地建議而學左Python呢類Programming Language、VBA或者Bloomberg Terminal咁樣,就可以寫係呢到✍🏻。 . 8⃣Recommendations及Endorsements:如果同學有實習經驗,除左問supervisors拎推薦信外,都可以考慮請佢地係Linkedin 為你留Recommendations,稱讚下你嘅工作表現,或者係請佢地為你認證(endorse)返你真係識上面寫出尼嘅Skills✅。 . 9⃣興趣:Interests 雖然係Profile嘅最底,但由於Linkedin會用不同公司嘅Logo尼顯示你嘅interests,非常搶眼。呢啲公司最好係屬於你有興趣嘅行業,特別係你報緊或者做過實習嘅大公司🏦。 . Linkedin嘅玩法又點只呢九招? 我地準備左另一本有關Linkedin嘅Booklet俾大家參考,有興趣想要嘅同學可以係星期一3月25日之前,係下面Tag三個朋友仔同Like個Post,我地就會send俾你啦。唔好忘記Share💞同save📲低篇文方便之後睇返。

Categories
Recent Posts
bottom of page