過三爆四拎Offer的四個小技巧

考試嘅季節又尼到啦，GPA對搵工真係好重要，好多大公司都只會考慮GPA有3.3以上嘅同學，而同學如果無GPA3.5都幾難入iBank，我地今篇文就會俾啲考試嘅tips大家，想過三爆四拎大Offer🤩？快啲Loop落去睇：

1️⃣向出版社買Question Banks：

考試前要睇Pass paper大家都知，但其實好多試卷啲題目都未必係老師自己出，特別係教Statistic 或者會計科等需要處理大量數據同數字嘅考試，老師根本好難自己出曬成份卷🙅，所以佢地除左重用Pass Paper嘅題目外，好多時都會用出版社嘅題庫，或者修改下啲題目就拎尼用。

.

特別係如果個科有訂購教科書，或者有同出版社度身訂造左屬於該科嘅教科書時，出版社都會附贈一系列嘅題庫俾老師，好多時老師出功課、測驗或考試都會用返呢啲題目。同學可以電郵出版社，嘗試購買題庫做下練習，就算出唔中呢啲題目，題型可能都會好近似😈。

.

2️⃣分析歷屆題型：

溫書時大家都唔好死讀，而係要有技巧地讀比較容易會考嘅野。其實各大院校圖書館都會存起左各科嘅Pass paper，由三年到十年不等，大家係開始溫書前上網搵定，睇清楚邊啲題目係老師最常考嘅，會唔會隔兩、三年又出現一次咁，有系統地幫自己製訂一個溫習策略🤠。

.

3️⃣考試時分配好時間：

大家都考過公開試，應該好清楚係考試時最重要嘅其實係時間分配🕐，係開始作答前一定要花五分鐘睇清楚啲題目，決定好自己要花幾多時間尼做每一條題目。而呢樣亦係要睇pass paper嘅另一個原因，老師每年出卷就算題目轉，試卷個格式都未必會點大變，如果年年都係考兩個鐘，有易、中同難三個Sections，咁今年份卷都好大機會係咁嘅結構，你睇定左，臨場考試就可以節省啲時間去理解試卷。

.

4️⃣Appeal定Review of Grade 好？

到考完出左GPA啦，個遊戲都仲未完。好多同學分唔到Appeal同Review of Grade 的分別，其實Review of Grade 好多時只係將同學份卷嘅所有細分再加一次，睇下老師有無計錯或入錯分，而申請Appeal先係重改一次份卷。雖然各間院校嘅做法有少少唔同，Appeal可能係搵返科任老師再改一次，亦有可能係搵返Department入面有相同專長嘅另一位老師尼再改一次份卷，但Appeal已經包括左Review of grade 嘅功夫，所以如果同學都俾得錢去Review of Grade，最好都係直接去Appeal啦，改到Grade嘅機會會大少少↗️。

.

如果同學金錢上負擔得到，甚至可以將所有覺得Grade太差嘅科目都Appeal，如果成功改到Grade，好多院校都會安排退費，唔好浪費左學校呢個機制。

.

唔知以上呢四個Tips幫唔幫到大家，如果有用都唔好藏私，快啲send俾同你一樣係到埋頭苦讀緊嘅同學🤝。#achievewithus #hkcareers