做政府工真係咁好？

好多人都覺得政府工係鐵飯碗，一畢業就好想入去做，不過我地都想提供另一啲睇法俾大家參考，等同學考慮下入政府做嘅限制： . ⭕人工高？福利好？ 大家覺得AO或EO個人工唔錯，起薪點又唔低，最近6月11日又公佈左低中級加5.26%，高級加4.75%，不過大家都要留意公務員係有頂薪嘅，如果你做到Top，就無得加咖啦。而且做政府係無Bonus 嘅，更唔好講話好似投行、銀行同地產業咁Bonus可以有咁多，即係話打政府工唔會餓死，但又無咩可能發達。 . 再尼係福利方面，雖然公務員會有醫療，但留意好多時都係要係公立排。咁當然啦，同學都可能會覺得佢地房屋津貼好好，不過呢點亦唔係政府工特有，好多大公司好似地產或銀行都會有優惠或員工福利 . ⭕學習機會少 政府入面會有大量成世人只打一份工嘅同事，大家都可能耳聞過老海鮮有幾咁頑強同有能力，加上係政府工作嘅內容都主打Administrative(行政)，如果同學入左去做，學到嘅野都好有機會受限於行政領域，唔係咁多元化，呢個亦係好多時啲人話入左政府好難出返尼嘅原因，好似政務司司長張建宗尋日的講話就表現出係公務員體制入面嘅人，係會訓練成咩嘅樣子。 . 如果同學留係個市場入面，其實可以學到好多野，見多啲人，其實亦係投資緊係自己身上 . ⭕移民唔係咁易✈ 大家可以想像，如果你從商，學到的知識係可以帶走嘅，好似Advisory、Consulting或者你入左跨國大企業工作，都有機會帶住你專業嘅skillset同知識移民搵份好工，但係做AO同EO就算人工唔錯，如果移民去外國，其實無可能入返去人地個政府到做，維持返相同嘅薪酬水平 . ⭕難轉工，出路較窄 政府工流動性好低，唔係可以好似Advisory/Consulting咁可以轉去唔同Business Field，Banking又可以係唔同銀行跳來跳去。確實有好多同學可能希望追求穩定，唔鍾意成日轉工，但你地入政府前都要考慮下，自己係咪可以40年做死一份工，小編有唔少朋友做左公務員後都覺得好悶，但又轉唔到出去，最後就困左係到 . ⭕好難升到去Senior Management 其實返工都會想升職，但係做政府並唔係咁易升到最高位，例如局長副局長都係任命嘅，唔係睇你做到野就會升到，當中要做幾多見光唔見光嘅野，我地呢啲小市民都可能真係唔會知道。相反，係Banking或其他大企業，都真係會睇你本身係咪有料尼升職，只要夠勁，就算做唔到Division Head/Board Members，起碼都可以升到中高層 . 無論大家最後決定做咩工，Take咩Offer，希望都要記住一份工永遠唔會只係一份工，係會代表左你對人生嘅選擇，唔可以話「我打份工姐」就停止左反思。Tag你身邊想做政府工嘅朋友，等佢地了解多啲政府工嘅利與弊🙂 #hkcareers #achievewithus