top of page

設立目標的4個小絕招,幫你係2020年拎盡好Offer!


仲有4日,係4日,2019年就完啦😱😱!你係仲懊悔緊2019年唔知發生過咩事,定係已經開始為2020做好準備,計劃定一年嘅目標?今篇文小編想同大家一齊傾下點樣設定好目標,係2020年幫助自己拎個金光閃閃嘅Offer!唔想到2020年尾再懊悔自己浪費曬啲時間?咁就要睇下點做啦!

.

🥺點好好為未來一年做準備?

1️⃣先回頭看看上一年,有咩做唔到?❌

呢點大家都知有幾重要,但亦係最容易令大家陷於失落情緒嘅一步,大家好可能會不停死諗自己點樣失敗,然後沉溺係傷心之中😢反而浪費左好多時間。

.

其實呢步嘅重點係要快快快,唔可以俾自己停係情緒入面,小編建議大家可以搵張A4紙,或打開個Word,限自己係15分鐘內,用Point form寫完每件失敗事項嘅原因同解決方法。就好似考試咁,高度專中、不帶情感咁完成呢件事。

.

之後再拎曬啲A4紙出尼比較下你每件事嘅失敗原因,睇下有無共通點:例如上年好多份工報唔切,會唔會係因為自己有拖延症,執唔切CV?定係因為太遲Follow HKCareers,搞到錯過曬啲Deadline都唔知😂?當你知道自己最大問題係咩,2020年就可以對症下藥去解決啦!

.

2️⃣再回頭看看上一年,有咩做到左?⭕️

其實睇下自己2019年有咩Achieve到同樣好重要!好多時我地習慣左去責怪自己,怪自己點解一年過左啦,連上年嘅計劃一半都未做到,發下夢又一年,咁樣不斷打擊自己,係真係會打沉個人嘅⋯⋯就算你有好多野未做到,你係2019年總會有啲野係做得唔錯嘅,你可以試回想下過程同結果,稱讚同俾啲鼓勵下自己,咁你先會有動力繼續為2020而計劃同努力💪🏼

.

你可以再用A4紙,用5分鐘寫低你點解可以Achieve到呢啲目標,成功做到嘅會唔會係比較喜歡做,或者好容易上手嘅事情?咁樣分析有助你了解自己擅長啲咩,好似你可能之前報嘅工只要有做Case Disscussion 就會Pass到,成功率比只做interview高好多,咁你就會知道以後要點強化自己嘅長處,幫助你去Achieve你嘅目標💁🏻‍♀️

.

3️⃣為你嘅10大目標設立先後次序

係2018年年尾,我地出左篇文教大家為2019年做好計劃,其中有3點係:

1. 寫低10個你想係一年內Achieve嘅目標

2.將呢啲目標排先後次序

3.將呢啲目標拆細為一少個一少個可實行嘅行動

但經過左上面嘅回顧之後,大家好可能發現,有啲野係2019年尚未完成,係時間問下自己,呢啲目標做唔到,係因為你並唔覺得有urgency要去完成呢啲目標?定係因為用錯方法先會失敗?

.

跟住你就要再問,係Set今年嘅10大目標時仲要唔要放返呢個目標落去?之後先再排翻一次先後次序,重複上面嘅步驟😉

.

4️⃣1/3/5年後嘅你,會係邊度做緊咩?

呢條係面試常問題,同時亦可以幫助我地去設定2020年嘅10大目標。好多時我地Set嘅目標都有啲隨心,唔係好諗到彼此之間有咩關連,而其實我地今天每行一少步,會直接影響1/3/5年後嘅我地成為一個點樣嘅人。

.

如果你嘅目標係兩年後搵到份好嘅Intern,三年後就拎到return offer,入Bulge Bracket做iBanker,咁你呢刻set嘅十大目標,有幾多樣係朝著呢個大目標?人嘅時間精力係有限嘅,唔好俾其他小目標搞到你分神,記實你最想做到嘅係咩!

.

Offer 係唔會從天而降嘅,好好設定目標,落實去做先會得到Offer God眷顧!如果你覺得有邊個Friend混混噩噩唔知做緊咩,就快Share篇文俾佢啦!(今次唔好Tag佢啦,好傷咖),如果混混噩噩嘅係你,咁都記得Save低篇文,抽時間開始為2020做Planning😙

Categories
Recent Posts
bottom of page