UK大學生搵Internship同Grad Job必讀的五個重點！

有唔少係英國留學嘅同學都面對好多問題，例如發現當地嘅Career Support不足，發現因為學制唔同而令自己難左搵到好嘅Internship或Grad Job，搵工時又要考慮留係英國定返香港好等，有見及此HKCareers係今日篇文就想提提留學英國，同時想搵份好工嘅你有咩要注意同開始準備！無論係想搵Internship定Grad Job嘅同學，都一定要睇到最後拎埋Free Resources！😚

.

1️⃣英國學制大學只有三年，點影響到你報工？

英國學制大學只有三年，同香港四年大學有分別，咁係搵工上面，英國同學就會少咗一年時間（即係25%時間）去砌靚自己個CV，因此應對方法會稍有不同：

.

你可以考慮多讀一年碩士或defer一年，令自己可以有多番一年時間去搵工做準備。大家都知道如果大學得三年時間，你第二年嘅時候已經係penultimate year😳，而大部份投行銀行都要靠return Offer先會容易入到去，咁你喺year 2升year 2嗰年暑假已經要搵到一份好好嘅實習，並且表現得好好直接拎到return Offer

咁如果同學本身能力確實好好，加上搵工時有返啲運氣可以做到咁樣就梗係好，但如果你自己唔係咁有自信可以拎到Return Offer🙊，咁樣讀多一年書多一年時間去準備同搵實習就會容易好多。如果同學係選擇讀多一年碩士亦係一件好事，因為有唔少公司都比較喜歡有Master學歷嘅同學（如HKMA），你用同香港同學同樣嘅四年時間，可以拎到埋碩士嘅學歷，又可以搵多啲實習其實都值得嘅

.

2️⃣記得Join Spring Week

好多時同學第一年入英國嘅大學，都唔知道要參加Spring Week。其實spring week 類似於pre-internship program，老實講工作內容唔會太深入或technical，主要都係做一啲job shadowing或簡單工作，時間大概只會係一至兩個星期，但好處係如果你入咗某間投行或者係大銀行嘅spring week program，都會有機會拎到Summer Internship嘅機會，又或者下年報暑期實習嘅時候會有fast track，對cv 都好大幫助！

.

3️⃣咁搵工嘅時候應該集中報香港定係英國？

HKCareers建議同學集中選擇報其中一個地方嘅工，咁係因為要成功搵到好嘅Offer一般要報最少40-60份工，如果香港同英國兩邊都報，咁你要報80-120份工😵，係時間上面其實真係好難做到。例如香港嘅PwC Apt test 用game assessment ，英國嘅PwC 係用immersive test 做job stimulation，如果你兩邊都報曬，就兩個apt Test都要準備晒，除非你真係好確定自己好有時間，準備得切先至好咁樣做

.

4️⃣咁如果你真係想香港同英國兩邊嘅工作都一齊報，又有咩要留意？

如果你兩邊都報工，請記住你嘅時間係有限嘅，要做嘅準備功夫係無限嘅，所以要搵一啲最容易入headcount最多嘅部門去報，譬如英國嘅Consulting Headcount 通常會比香港多，你可以報嗰邊，而香港嘅Commercial Banking、Corporate Banking、S&T同Private Banking會有比較多HC，咁香港就主要報呢啲位，有多返啲策略會比較好。HKCareers之前聽過好多同學仔兩邊都報，但又有少少亂嚟😓，可能香港報渣打，英國報Citi，但都係隨便尼冇研究過點解要咁做，咁就係最傻嘅方法😂 又或者你可以參加HKCareers，等我地俾多啲Advice你應該Focus去報邊啲工

.

5️⃣咁報香港工有咩好處？

⭕️咁報香港呢邊確實有唔少好處，首先係Support比較多：英國大學嘅Career Centres一般有嘅資源唔會有香港本地咁多，可能連完整嘅Job opening list都唔會有，（其實可以讚讚香港好多大學嘅Career Centres真係做得唔錯），所以同學係英國搵工時好多嘢要靠自己，反而返到嚟香港好多嘢會有support，唔只係講HKCareers啦😛，就算係其他搵工嘅資訊喺網上或者其他討論平台都會比較流通同容易搵到，相比係英國搵工會易好多

.

⭕️喺英國搵工亦會有唔少文化差異嘅問題：雖然可能未到受歧視嘅程度，但人在外地要克服同面對嘅問題一定會比較多，返到嚟自己主場就冇咁多呢方面嘅問題（不過而家英國嗰邊疫情咁嚴重，相信好多同學都唔係好夠膽留喺嗰邊，唉大家係英國請繼續戴口罩洗手，小心保護自己！如果決定返香港都要乖乖隔離足14日，唔好掉以輕心！）

.

人在英國讀書返香港搵工要留意嘅事情一定有更多，除咗上面講嘅問題之外，我哋仲專為在UK嘅同學準備咗一本"A Step-By-Step Guide for UK Students To Secure Internship/Grad Job Offers in HK"📘，入面會逐步教你點樣係英國都可以砌靚CV，製訂適當嘅搵工策略！