top of page

2023地表最強PB私人銀行JPM係點樣做到?



【JPM被評為全球最佳Private Bank。佢地係點樣做到嘅?】同學要入投行,自然都想入最好嘅一間。而講到私人銀行/財富管理嘅領域,JPM又再次被Euromoney評為全球第一。但除咗要知道佢係第一,又或者佢哋嘅AUM有幾勁之外,你仲一定要睇吓佢地嘅面試問緊咩。唔只係為咗睇吓你面試要準備啲咩,仲係要睇吓人地一流嘅私人銀行,係點樣挑選同培養人才,令自己達到不敵之地。想知JPM Private Bank點解咁勁,快啲俾個Like再睇落去。

.

💡【JPM點解係2023第一Private Bank?】

JPM並唔只係Private Bank總冠軍:【2023年世界最佳私人銀行】咁簡單。佢地仲同時被Euromoney評為:

▶️2023年超高淨值個人最佳私人銀行(World’s Best Private Bank for Ultra-High-Net-Worth Individuals)

▶️2023年投資研究最佳私人銀行(World’s Best Private Bank for Investment Research)

.

JPM喺2021年實現咗77億美元嘅創紀錄收入,而且係2022年都持續增長。喺2022年第四季度,JPM嘅收入達到咗24.3億美元(上年同期不過係4.45億美元),喺2022年嘅最後三個月,JPM嘅資產同財富管理部門實現咗11.3億美元嘅淨收入,到去年年底,呢個部門管理嘅客戶資產總額達到咗4萬億美元


Euromoney嘅評價亦指出,JPM號稱同全球50%嘅十億富翁家庭建立咗關係,呢啲家庭至少擁有100億美元嘅流動同非流動資產,為佢哋提供投資建議、解決方案同埋個人及企業資產連接性嘅全球平台服務


💡【JPM私人銀行係點樣做到咁勁?】


【請到人嘅就係贏家】

如果同學你知道Talent War係投資銀行界係幾咁激烈,你就會知道,請到人才嘅投行,就會係贏家。JPM嘅Relationship Manager團隊不斷擴大,2022年銀行全球範圍內增加咗460位專業人員,令到顧問人數達到咗創紀錄嘅3136人。佢地喺美國市場佔有重要地位,有58個辦事處。除此之外,佢地都喺歐洲七個國家、拉丁美洲嘅巴西同墨西哥,同埋香港及新加坡設有Office,為富裕同超富裕客戶提供服務(其實佢地喺亞洲地區亦被評選為最佳國際私人銀行,喺香港獲得咗最佳家族辦公室Family Office服務獎項)。即係話,JPM嘅淨收入,係隨住佢地RM團隊人數,而一齊增長。


同學可能會覺得好疑惑。咩叫請到人就係贏家。JPM喎?仆都仆到入啦!點會請唔到人?【但請到咩人呢?呢個就係重點。】


💡【JPM點樣確保自己請到啲叻人?】


【係個制度:分PB Advisor同PB Solutions】

呢點 @IBankCoaching 已經寫文詳細解釋過,同時解釋咗▶️PB Advisor同▶️PB Solutions有咩分別,詳情同學可以去IBC睇返(小編會Share出去Story)


簡單而言,Advisor Team實行Single Coverage制,需要同時負責RM同IC,管理客戶嘅財務狀況同埋提供財務建議


而Solution就等於Product Team,負責提供market advice/insight供投資者作為參考,所以對Technical Knowledge要求就會比較高

【面試問題:人地請Summer Analyst已經考緊呢樣啦!】

JPM嘅面試關數唔算多,三關定生死:

▶️1st Video In

▶️2nd F2F / Phone In

▶️3rd Final Panel In / Superday

但考核內容絕對唔簡單,係最後一關Superday係絕對會做Case Study。簡單啲講,就係你之後返工實際要做嘅嘢,再講多啲,面試官會俾你一個客戶案例,包括佢嘅:

・客戶基本信息:如家庭背景/成員、年齡/目標退休年齡、生活方式、子女教育目標

・Risk Appetite:係咪進取/保守型投資者

・存款、過去投資項目及回報

・財務目標

・宏觀趨勢數等等


根據呢啲資料,你及同組成員需要完成不同任務,例如:

1)投資建議(推薦一個投資組合,可以支付佢對生活費用嘅要求)

2)主要挑戰(包括宏觀經濟環境對佢嘅投資有咩挑戰?)

3)需要向客戶提出嘅主要問題


以為就咁就完?當然唔係啦。係你同組員做討論之時,面試官仲會不時插嘴,話你知客戶有咩突發要求,同時去挑戰你地嘅Asset Allocation。除咗考你個腦夠唔夠靈活外,仲可以一次過做埋壓力測試,咁先可以確保最後收到Offer嘅Candidate夠料。


就係要做到咁,JPM先可以確保自己請到啲叻人,幫助佢地嘅私人銀行業務繼續節節上升。


JPM私人銀行可以做到全球之冠,同佢地嘅聘請策略有直接關係。如果你連人地面試考緊咩都唔知,又或者無能力Handle到,又點可能加入到最一流嘅私人銀行?


人地想請叻人,你就自然需要成為「嗰個叻人」


點先做到?立即Follow @HKCareers ,等我地為你更新:

▶️大學生最緊要嘅投行/銀行/大企業面試資料及

▶️Internship / Grad Job Market實況!

快啲Follow啦!





コメント


Categories
Recent Posts
bottom of page