top of page

2023 IB Movie推介——《玩謝華爾街行動》(睇電影學Hedge Fund做啲咩)


【吊頸都要睇戲咖?最近有咩投行相關電影值得睇吓?】同學應該都忙於準備Mid-term及面試,做完呢樣又要忙果樣,可能連尋日重陽都唔得閒拜山🤫雖然話報工好緊要,但都唔可以下下Chur到盡,所謂吊頸都要睇戲,今日我地就唔講面試進度,唔講Market News,一齊輕鬆講吓最近一套有關兩年前「散戶用GameStop打大鱷」嘅電影——《玩謝華爾街行動》🎞!等你可以一邊睇戲減壓,一邊認識華爾街重要事件,一邊了解Hedge Fund對沖基金嘅運作原理,一舉三得!仲唔快啲俾個♥️再睇落去😉?

.

🎬電影講啲咩?

《玩謝華爾街行動》(Dumb Money)改編自暢銷書《散戶打大鱷》嘅故事,重現一宗發生喺2021年嘅世紀股壇事件!網友「Roaring Kitty」用盡畢生積蓄,訓身買入一隻無人睇好嘅遊戲零售連鎖店股票-GameStop,仲拍埋片放上美國著名討論區Reddit。以為個post無人問津,點知就引嚟一眾網民跟風入市,令GameStop股價連夜爆升。唔睇好GameStop嘅華爾街對沖基金因而受到威脅,決定同一眾散戶正面對壘!

.

🤔當年GameStop發生咩事?

當時兩大陣營-散戶及華爾街,兩者對GameStop前景嘅睇法完全相反。散戶嘅代表「Roaring Kitty」就覺得對沖基金誇大咗GameStop嘅劣勢,認為GameStop仍然有優勢,例如依然有人買實體遊戲,所以決定同網民一齊訓身買入

.

華爾街嘅代表對沖基金、網上股票交易平台Robinhood就睇淡GameStop嘅前景,理論上Robinhood作為交易平台,要保持中立,但呢次事件佢聽從對沖基金吩咐,暫停 GameStop 交易,對沖基金更大手拋空,想整殘 GameStop 股價

.

由於有大批散戶不停買入GameStop,佢嘅股票隨即標升。雙方一買一拋,呢個「散戶打大鱷」嘅故事,就造就左《玩謝華爾街行動》呢套電影啦!

.

🐊對沖基金做啲咩?點樣透過拋空股票去賺錢?

對沖基金係一種投資工具,利用市場嘅上漲或下跌實現資本增值,嚟保護投資組合免受市場風險影響,同時搵機會獲取回報,而其中一種做法就係拋空股票

.

拋空股票係指賣出一支你無嘅股票,然後喺股價格下跌後再用更低價格買回。喺呢個方法下,就可以喺股價下跌中獲利,具體步驟如下:

1️⃣借股賣空:首先要向券商或其他機構借入一隻股票,再將股票賣出,獲得現金

2️⃣等股價格下跌:等股價下跌,睇好時機

3️⃣買回股票:當股票價格下跌到預期水平時,就用之前獲得嘅現金買翻這支股票

4️⃣還股歸還:最後將股票還翻比借出者

.

看似必賺嘅方法,其實都有風險,例如股價上漲就會損失資金,而且拋空股票係需要特定嘅交易許可和資金,唔係個個都做到㗎

.

相信同學理解完對沖基金之後,就更明白點解華爾街一方要用盡方法對付令GameStop 股價不斷爆升嘅散戶,不然一係就你死,一係就我亡!

.

咁當然啦,雖然GameStop事件都叫告一段落,但電影本身嘅結局小編都唔可以劇透到盡。有興趣嘅同學就要入場去睇啦!之前 @HKCareers 都寫過篇文,講吓〈十大準iBanker必睇嘅投行相關電影〉,會再Share返出去Story俾同學可以望吓!希望同學係壓力爆燈嘅時候,都可以搵到方法抒壓,畢竟以後你地出咗社會返工,人工愈高,工作壓力只會愈大🥺,壓力管理就變得無比重要

.

想HKCareers💡寫多啲呢類有趣但又寫用嘅資訊?快啲俾個♥️同Follow我地啦!

.

留言


Categories
Recent Posts
bottom of page