top of page

2024年拎投行Offer必讀:最「SMART」嘅目標實踐法!




【點解Market咁差,呢啲同學依然拎到咁靚嘅Offer⋯⋯?】今年市況有幾差,真係唔使IBankCoaching再重複(講到口都臭啦😤)。但你有無諗過,就算Market咁差,點解IBC嘅Mentees依然可以拎到咁多大投行、Hedge Fund同Asset Man Firm嘅Offer? 【同一個起步線,好多時勝出嘅人,都係贏在目標夠清晰,唔會用錯力。】或者可以話,佢哋贏嘅,就係夠Smart識運用呢個「SMART」目標實踐法!唔係玩食字咖!要一步一步做到目標,第一步當然係要識得訂立目標先啦🤫,你連目標都訂得唔好,咁又點會實現到任何嘢?到咗年頭重新訂立大計之時,就等IBankCoaching公開好多成功同學都用緊嘅目標設定法!你只要用3分鐘睇完呢篇文,跟住去訂立來年大計,咁下年個IB Offer就十拿九穩啦!快啲Save低篇文再睇落去!

.

【點樣有效地訂立目標?】

同學要謹記,目標一定要合符SMART嘅原則,咁先為之有效〜如果目標過分空泛嘅話,咁就好容易會lose track,到時咩都做唔到㗎喇!即刻睇吓點先做到SMART goal!

S (Specific) — 要收窄你嘅目標範圍,咁先可以有效地計劃下一步

M (Measurable) — 確保你可以長期keep track住自己嘅進度

A (Achievable) — 要確保你嘅目標係可以合理地喺指定時間內完成

R (Relevant) — 你嘅目標要同你長期嘅objectives對應

T (Time-based) — 定立一個可行嘅完成日期,咁就可以令自己更加有動力☺️

.

【5大目標要訂立】

1️⃣建立人際網絡

對想入投行嘅同學,建立人脈圈係非常重要嘅一個步驟。例如你可以參加mentorship program或career event,咁就可以有機會同不同公司嘅HR,甚至Director直接接觸。另外,同學仲可以利用LinkedIn呢個平台,同不同投行嘅VP/MD connect,約佢哋做coffee chat直接了解行業內幕都係一個好方法嚟!IBankCoaching小提示:完咗個活動/coffee chat之後,同學記得要同對方保持聯絡,咁先有用㗎!

.

2️⃣建立自己獨有嘅Market View

投行係一個複雜而且每日不斷變緊嘅行業,亦嚴格要求同學有自己對Market嘅見解,所以想入投行嘅同學每日都要緊貼時事,留意市場最新動態。之前IBankCoaching就有篇文教過同學點樣可以每日用30分鐘時間,就可以慢慢建立自己嘅Market View,小編會將篇文放返上story比同學作參考。

.

3️⃣確保自己報啱投行

投行可以分為唔同嘅類別,例如大型公司、中市場公司同埋精品公司。每一種類型嘅公司都有自己嘅文化、薪酬結構同埋職業發展路線。所以報之前要確保你申請適合自己嘅技能同埋目標嘅公司。同學可以整一份屬於自己嘅application tracker,詳細列明報工日期、公司名、職位,咁你就可以一眼睇晒自己嘅報工進度去到邊

.

4️⃣寫清楚pending apt test/video interview數目

喺自己每日嘅to do list上面,寫清楚有邊幾間公司嘅apt test/VI pending緊,mark清楚deadline日期。唔好睇小呢一小步,因為不同apt test及VI都只係得幾日時間俾同學做,如果錯失左個deadline,咁就會直接俾人reject,投訴都無門🥲

.

5️⃣為Plan B舖路

投行係一個出名難入嘅領域,尤其而家經濟低迷,令到競爭更加激烈。所以同學要諗定後備方案例如,有STEM底嘅同學可以考慮入Quant Trade呢條路,但入之前就要做足功課先。過兩日IBankCoaching就凖備咗另一篇文推薦5本同學必睇嘅書籍,幫你建立Tech Knowledge,同學就密切期待吓啦!

.

希望同學睇哂呢5大目標之後,由今日開始好好為來年嘅招聘季節做好準備!記住目標夠SMART先有用㗎!就等IBankCoaching繼續陪你行呢條路啦!

.

最後,如果你想第一時間掌握投行最新報工資訊及面試貼士,就即刻睇吓你follow咗 @ibankcoaching未!


Comentários


Categories
Recent Posts
bottom of page