top of page

4個大學生揀Intern Offer嘅重點!Accept Intern Offer又有咩要留意?


【Internship Offer 又用咩原則去揀選?】上星期五同學就學咗點揀選Grad Job Offer!今日HKCareers💡就想再講吓揀選實習Offer有咩要注意。喺呀!揀選實習同Grad Job Offer嘅原則真喺好唔同,你要考慮嘅事情都有分別,唔想Take錯Intern Offer?快啲俾個♥️就睇落去啦!

.

⭕揀選實習Offer同Grad Job 有咩唔同?

【人工同福利唔係最需要考慮嘅重點(重複三次)!】同學係揀選Offer 時當然會考慮人工同Package,但喺揀實習時,呢兩點真係唔係最重要!例如話如果同學收到兩個Offers: 1️⃣係A銀行Retail Bank Intern offer有17K

2️⃣係B銀行CMB只係得13K

某啲同學可能會為咗呢4K而選擇A銀行嘅Offer。但同學只要諗深一層,實習時間其實好短,就算俾多一萬八千你都唔差得幾遠,但如果B銀行個Offer更有助你之後嘅事業發展同鋪排,例如儲到CMB實習經驗,可以令你CV更快升級,咁你就唔應該為咗個4K而放棄一個更Value-added嘅Offer!

.

4️⃣大實習Offer揀選重點:

重點1️⃣:揀份最Value-added,可以令你砌靚份CV嘅實習

❗如果你已經決定左想入邊個行業🙆🏻:

實習最緊要係俾同學累積相關工作經驗,方便之後搵Grad Job,所以揀Offer一定要配合到你嘅Career Goal。如果你已經決定好自己想入邊行,就當然要揀同該行業有關嘅實習。如同學本身想入地產業,而你收到地產商同銀行兩個Offers,咁即使地產實習個Offer少好多錢,你都應該要揀做地產個Offer,配合自己嘅職涯規劃

.

❗如果你仲未決定好入邊個行業🙅🏻:

咁如果同學仲心大心細緊自己畢業後要做咩行業,就可以嘗試搵多啲唔同類型嘅實習,令到自己個CV更多元化,等自己之後進可攻退可守,決定入咩行業都得。例如有位同學上年做左IT Advisory嘅實習,但又未係百分百肯定自己之後係咪要入呢行,今年又再收到IT咨詢嘅實習機會,如果佢再Take埋就好容易被人定型咗只係做呢行,難轉返出去。所以佢其實可以考慮選擇唔同類型嘅Offer,等自己個CV多元化啲。如果同學夠勁,大學四年儲曬咨詢、銀行同地產等工作經驗,一睇就知係個全面嘅人才,搵Grad Job時無論報咩工都好容易過到Screening

.

重點2️⃣:增加自己係大公司嘅實習經驗:

同學砌CV時,仲要平衡到自己既有大公司,又有相關嘅工作經驗。好多時同學為咗有相關工作經驗,係Year 1 同 2做實習時都會揀啲細少少嘅公司,但係如果你已經儲左一定經驗,HKCareers都建議同學要開始儲多啲大公司嘅經驗

.

咁係因為大公司嘅Brand Name可以幫助你之後搵Grad Job時過到Screening,即使呢份實習經驗唔算最相關都值得考慮。例如我地之前有位同學想入銀行,已經儲左細Asset Man同PE Firm嘅工作經驗,咁今年佢又有一份細Fund House同細外資行嘅實習offer,由於呢位同學嘅CV上面完全無大Firm名,我地都建議佢可以選擇細外資行,開始增加CV上嘅Brand Name!

.

重點3️⃣:學到最多野

咁當然份實習真係學到野都好重要,如果同學好想做IBD,就需要識Financial Modelling,如果係實習時可以有實戰嘅經驗,等你係之後做面試時可以分享返!所以同學係揀offer前都要研究吓間公司可以俾到邊類經驗你😎會唔會只喺做入吓資料呢類簡單嘅工作!

.

重點4️⃣:有Return Offer機會

好多同學都唔知,銀行業同Big 4嘅Headcounts有好多都會俾左return offer🤭或Fast-track,如果同學係想入銀行或Big 4 Advisory就更加要留意,邊間公司有機會有Return offer。俾多個貼士同學,係take offer之前,其實可以試下同HR打探下呢份實習有無機會有return offer,收多啲風去做更好嘅選擇☺️!

.

如果你都有朋友考慮緊Take邊個實習Offer,當然要Share篇文俾佢參考吓!最後,當然喺Follow #HKCareers ,✅掌握大學生必知嘅Intern/Grad Job求職資訊,✅及搵工面試最實用嘅貼士☺️!

.

Comentários


Categories
Recent Posts
bottom of page