能力傾向測試Aptitude Test是甚麼?

大部分投行、銀行及大公司係收到同學嘅Application後,系統都會自動發送一個Online test或Video interview給同學完成。有部分公司,例如恒生Management Trainee,甚至需要你首先完成咗一個性格測試(Personality Test)先叫做完成咗個Applications!而呢類Online Test,無論考核嘅係Personality Test、Logical Test、Numerical Test或Verbal Test ,都可以稱之為能力傾向測試Aptitude Test。
.
能力傾向測試Aptitude Test點解咁重要?
簡而言之,如果你無辦法係Apt Test過關,無論你份履歷幾出眾都無可能過到Initial Screening!而從另一個角度而言,就算你份CV未夠好,如果你有能力完成Aptitude Test,都依然有機會打低其他競爭者,進入下一輪嘅面試!
.
既然Aptitude Test咁重要,一於繼續睇落去,睇下有咩方法可以精通各類能力傾向測試,等你無論收到邊類測試都能夠游刃有餘,收到想要嘅Offer!
.
常見能力傾向測試系統Apt test Systems
香港公司用緊嘅Apt test Systems其實有極多,以下就係2020/21年一啲常見系統及採用嘅公司:
● SHL (又名CEB/Gartner);公司例子:恒生銀行管培生
● Cut-e ;公司例子:Credit Suisse、ICBC及UOB
● Talent Q;公司例子:UBS、Jardine、HKMA及SCB
● GradACE;公司例子:HKEx
● CUBIKS;公司例子:HKTDC
● CAPP System;公司例子:HSBC、Barclays及Jardines
● Professional Learning Indicator(PLI)system;公司例子:DBS
● Skyrise/ other game assessment system;公司例子:JP Morgan及PwC
● Big Boss: Oliver Wyman, IBM system、Wonderlic system
註:好多銀行及公司每年都會採用唔同嘅Apt test Systems,所以以上資料真係只供參考。如果大家唔肯定公司用緊邊個系統,可以睇下條Link,通常會透露咗係邊個系統!
經典Apt test類型
Apt test主要分為1.Personality Test、2.Logical Test、3.Numerical Test、4. Verbal Test 四種類型。當然啦,不同Apt test systems會按比例及各間公司嘅要求去特別測試同學以上各種能力,唔會只考其中一樣,其中以下常見嘅系統包括:
SHL: 算係中間偏易少少嘅Apt test,但大家記得SHL係2019/20出左新Update,新舊SHL System都有公司用緊,去做準備就要小心啲!
同學可特別留意新版SHL有以下兩類:
▶️新版一:SHL General Ability Test:呢個基本上係將Verbal、Numerical同Logical test合埋一齊去做,雖然題型都有改動,但同舊SHL大概都叫做類似,大家都會覺得熟口熟面。
▶️新版二:SHL Talent Central:Talent Central會分開Verbal、Numerical同Logical test,題型同Format同舊SHL可以話係完全唔同!其中一點係Talent Central強調互動(interaction),唔會好似以前咁只係做選擇題(True/ False/ Can't Say)或MC
例如係數學題,佢會俾幾個Bar Chart你,然後俾啲Conditions你,要求你根據Conditions去拉動個Bar Chart嘅線去適合嘅位置,拉大或拉細個圖。所以同學要做嘅野就會同之前好唔同,如果同學唔係好熟習新玩法,就好容易會做錯啦,所以大家一定要練習一下個題型,唔好直接入去開始做!
又例如係Logical test,唔再係俾5 個圖型叫你搵邏輯,問你下一個圖型應該係咩。新玩法係俾圖型A同圖型B你,然後問你圖型A係點樣變成圖型B,跟住俾幾個答案你,叫你去選擇正確解答 🧐
Skyrise / Game Assesment:即係Personality test,大公司請人最怕用左一大舊錢請左啲無常識同無Sense,配合唔到公司文化嘅人,但係靠面試或AC短暫嘅接觸好難測試到大家嘅性格或個人做野合唔合理,所以係做Apt test或screen人嘅早期會加個Personality Test!
⭕Personality Test有無得預備?
性格測試似乎無得準備,始終性格測試唔同其他logical或numerical嘅Test,唔係話搵多啲source練多幾次就可以做到。畢竟性格測試唔會有標準答案,只係可以測試大家做選擇同做嘢嘅傾向。
但有一個Tips係同學做Personality Test前可以輕輕研究下間公司嘅文化,估計下佢哋想要咩類型嘅人,再盡量往呢個方面去回答問題。例如下面幾間公司,小編就列咗佢哋傾向會鍾意咩類型嘅人,同學做Personality Test時要諗下點樣展現自己呢方面嘅性格
⭕公司傾向:
✅恒生:銀行好怕有Compliance問題,所以好似恒生咁就好在乎同學嘅廉潔(Integrity)同誠實(當大家做Banking任何面試回答Behavioural Questions 時,都一定一定要以廉潔為先)
✅Deloitte 及KPMG:Big 4都係大公司,同事多,所以好重視大家嘅Teamwork,除此之外,Analytical、 fast-learning同Detail-minded亦好重要
✅Bloomberg:好似Bloomberg呢啲咁需要分析力嘅公司,當然需要大家係analytical同leadership style嘅人
✅P&G:P&G好鍾意醒嘅人,所以都係想搵勁有leadership同innovative嘅人 ,如果可以 think out of the box 同社交能力一流就更加分
✅Nestle:同樣要傾向Innovative 同teamwork嘅人
GradACE:考得比較多Numerical,算係比較難嘅Apt test,上年HKEX都用緊呢個System,如果同學有識朋友話做完HKEX個Apt test好懷疑自己嘅能力,唔好認錯,就係GradACE令到你咁難過!所以要Pass GradACE,最重要都係數口好!
Cut-e:同學需要參考6個Data File 完成30- 40題數學或者英文問題。同學仔可以先用30秒至45秒速讀各Data File 嘅內容一次,大概知道各Date File內容,當做問題時再對照返相關嘅Data File去揾答案。Cut-e問題難度唔係愈後愈難,如果遇到唔識既問題時,可以Skip!;Cut-e 嘅Logical Test就會用數獨形式考驗同學,開始嘅時候可以準備大量白紙,直接係白紙上畫會快啲。
Apt test必Pass秘技
注意系統是否會扣分:
不同Apt Test system的計分方法會有不同,同學遇上答錯不會扣分的系統,如SHL及Talent Q時,係時間唔夠嘅情況下,你可以試撞下答案,希望靠撞彩中返幾題;反之,同學若遇上答錯會扣分的系統,特別是Cut-e就絕對唔可以靠估撞答案,唔識做漏空比答錯反而更好!
留意答題時間:
不同Apt Test system亦有不同的答題時間限制,了解遊戲規則,可以幫助同學更易過關:
✅SHL:係限定時間內需要完成指定數量嘅題目,但因為個System比較容易,大部份(有準備既)同學都能夠完成全部題目,所以同學最好都要以完成所有題目為目標!
✅Capp System:雖然無指明要係限定時間內完成,但System 背後會計算同學嘅完成時間,盡快完成就最好
✅Cut-e:要同學係比極短嘅時間內做大量題目,只要完成八成左右題目己經可以,目標依然係要準確度夠高!
✅Talent Q:每一條題目獨立計時,所以壓力會比較大
.png)
Management Trainee 2023 / 2024 HK :
大學生報 Bank MT / Property MT 須知

大部分跨國企業和大公司也有舉辦Management Trainee的招聘計劃,項目內容一般會包括2至3年的訓練,讓MT輪流去到公司的多個部門,擔任不同的工作崗位,了解公司的業務發展和運作。之後,MT或GT會獲派到其中一個部門中,擔任Assistant Manager或Senior Officers等職位,同時接近更全面的訓練,幫助他們躋身為公司的管理階層。
除了MT外,個別公司也有提供Graduate Trainee (GT)或其他畢業生的招聘計劃。此類計劃的設立目標是要為公司的特定部門培訓具有不同技能的人才,如星展銀行的Operation and Technology Graduate Associate 及PwC 的Management Consulting計劃就是很好的例子。
⭕️以下為部分 IBANK/BANK Management Trainee 2022-2023 人工
大部分跨國企業和大銀行每年收到的MT/GT申請可達3000 - 8000 份,而且每個部門擁有的Headcount也是有限的,使競爭更加激烈。在投報Management Trainee前,了解每間公司或部門的Headcount有助你增加取得Offer的成功率,愈少Headcount的公司和部門,競爭自然愈激烈。
以2019-20的數字為例:
-
匯豐HSBC的Securities Services一般只會有兩個Headcount,而Private Banking可有10+以上Headcount;
-
中國銀行BOC往年會有10+個Management Trainee Headcount,而Graduate Trainee 就提供多達30+Headcount
假設以上四個部門均收到3000份申請,那麼競爭人數便是:
-
匯豐HSBC的Securities Services:3000 人 競爭 2 個Headcount,同學取得Offer的成功率僅有0.067%
-
匯豐HSBC的Private Banking:3000 人 競爭 10 個Headcount,同學取得Offer的成功率僅有0.33%
-
中國銀行BOC的Management Trainee:3000 人 競爭 15 個Headcount,同學取得Offer的成功率僅有0.5%
-
中國銀行BOC的Graduate Trainee:3000 人 競爭 30 個Headcount,同學取得Offer的成功率僅有1%
以上數字,甚至尚未把公司因應經濟及市場環境考量而作出的Headcount cut計算在內。正因競爭如此激烈,公司會設立多層關卡去評核同學的能力,層層篩選出精英中的精英,可以說同學若能躋進Final Round Interview已經非常不容易!
⭕️Management Trainee / Graduate Trainee 2023/2024 Recruitment 一般會有以下關卡:
-
CV Screening
-
Aptitude Test
-
Video-in / HR-in
-
Assessment Centre
-
Panel Interview
⭕每關內容及準備方法
1️⃣CV Screening:
在同學提交Online Application後,部分公司會先進行CV Screening,再決定是否邀請你進行Apt Test!
因此,想成為Management Trainee或Graduate Trainee,第一步便是有一份專業的履歷。很多同學會把有關自己的所有資料放入CV,以為愈長就愈好。但其實CV上每個項目都應該帶出你的不同能力、性格、經驗和特點,證明你能夠勝任Management Trainee,有潛質成為公司的管理層。如果亂寫亂Send,分分鐘連CV Screening 都過唔到!
2️⃣Aptitude Test:
目前市面上有嘅Apt Test Systems愈來愈多,香港公司常用嘅Systems包括:SHL/ Talent Q/ CUBIKS/ GradeAce/ Cut-E/Game Assessment等等。要成功Pass到Apt Test,一般要完成或做岩85-95%嘅題目。
值得留意嘅係,由2019-2020年開始,有好多公司開始選用新SHL!同大家係網上搵到嘅題型會有分別!你收到Apt test 時記得望清楚係新版定原版嘅SHL system!
3️⃣Video-In:
如果話「Video係請人嘅大勢」呢樣野應該冇人會反對,好多公司會用Video-In(包括HSBC/J.P. Morgan/ MTR等等)尼挑選同學進入下一round。亦有少量公司,如恒生如Citibank仲用緊HR Interview,而非Video Interview。所謂Video Interview,一般不會面對真人,同學需要係指定時間內登入公司嘅系統,回答預設嘅問題,而同學嘅回答會被錄低,經過AI及HR人手兩類挑選。
4️⃣Assessment Centre:
Assessment Centre顧名思義係指公司會將多項嘅Recruitment Process放係同一天入面完成。AC通常會包括:Written Test、Onsite Apt Test、Case Analysis and Discussion/Team Game/Role Play或Individual Interview等等Assessment,當中以Case Studies最難掌握,需要花較多時間預備。而地產或者某啲Conglomerates亦常進行Team Game去考核大家的團體合作能力!
Case Studies會做甚麼?
銀行/四大/咨詢公司/地產常做Case Studies,通常會安排6-8個人一組,要求同學係限定時間內閱讀一份10-20頁不等嘅Business Case(內容包括Financial Chart/Ratios/Company Info/ Product Info等等),跟住就會要大家做小組討論,分析Case裡面嘅問題,提出有效建議,再做匯報。
5️⃣Panel In:
通常去到Final In 或Panel Interview嘅Candidates水平都好高,Interviewers通常會係Division Head/Manager等,當中問嘅問題會涉及好多情境題同埋Technical Knowledge,不單要考核你嘅專業技能同處理問題嘅能力,更會睇埋你嘅性格係唔係適合。
⭕️針對Management Trainee Program一連串的面試及評核,HKCareers為大學生制報工策略,改善CV和Cover Letter,並提供面試訓練及模擬面試、Apt Test題庫、詳盡的面試題目和行業報告等等,從而大大增加同學拿到Offer的機會。