top of page

想入投行同學留意:四大投行被證監會重罰!下年仲報唔報IBD 好 ?


唔知各位同學有無留意🧐,證監會上星期發左公告,宣佈向美林、渣打、摩根士丹利同瑞銀四間投行作出譴責同處罰款共 7.9 億元👀,其中被罰最重嘅係瑞銀,因為「保薦人缺失」而被證監會罰款 3.75 億元同暫時吊銷牌照一年!😱咁係因為四間投行分別係擔任天合化工集團有限公司、中國森林控股有限公司同一宗未開名公司嘅上市申請做保薦人時,涉嫌無履行到應盡嘅責任。 . 呢排我地Career Training Program幾個攞左IBD 實習Offer嘅同學都係咁問點算好,我地都同佢地講要做定心理準備,下年好大機會無Return Offer😢。其實由上年開始,我地都叫本地同學仔決定報IBD/PB/AM/S&T時要諗得好清楚,一來IBD呢幾年基本上無點收本地同學,主要都係收內地生(因為九成九IPO同M&A客都係中國公司),二來IBD生意波幅好誇張,如果個市差可以一年可能都做唔成一單Deal 。依家四大行仲要被證監重罰,個市又咁一般,下年IBD Headcounts都有機會凍過水☃️。有個小提示俾大家,就算真係死都要報IBD,都要主打DCM Team(有部份投行將DCM放係IBD),下年幾間大行嘅IPO Team 唔請人就一定啦,但好多行家話M&A今年個Pipeline都麻麻地,特別內地大企做少左好多Cross-border M&A deal,所以主打DCM Team會係無咁安全入面比較安全嘅選擇🤭。 . 如想知多啲UBS被重罰的原因,可參考下面資料: . 證監會指,瑞銀無遵守《操守準則》作盡職審查,與其客戶進行的業務訪談,問題亦含糊不清。證監會調查發現,瑞銀最初曾要求與天合最大客戶(客戶A)在辦事處進行訪談,但天合以內地正在進行反貪腐行動為由,指作為大型國企的客戶A會拒絕任何第三方到其處所;瑞銀之後與A的代表完成訪談後,代表亦拒絕出示身份證及名片,並衝出會議室。證監會指,瑞銀對上述種種預警跡象,並未作任何跟進查詢,以確認該名訪談人士是A的代表。(資料來源:本港多份報章) . 如果無時間日日追新聞,最少要記得留意我地HKCareers個IG或FB!我地會努力為大家update 😎!為我地嘅努力Update俾個Like❤、Share💞同Tag💘返朋友仔啦。 #hkcareers #universitystudents #ibank #news#updates #IBD #careertraining

Categories
Recent Posts
Archive
Follow Us
  • Facebook Basic Square
bottom of page