.png)
香港有錢人「走資」對大學生報銀行工有咩影響？ Private Banking？ Asset Management？Retail Banking？
當下社會熱烈討論緊嘅其中一個議題，就係「走資」對香港金融界，甚至整個香港社會嘅影響。但對於作為大學生嘅你尼講，更加困惑嘅可能係所謂「走資」會點樣影響到你，究竟係目前嘅政經環境下，銀行界發生緊咩事？有邊啲部門受到嘅影響會比較大？對你之後嘅搵工方向同策略又有咩影響？如果你想了解以上幾點，等自己係下個Recruitment Season，無論係報工定準備面試都可以得心應手，咁就一定要Save低今日篇文！
.
⭕️關於「走資」要留意的3️⃣點
大家聽到「走資」時，當然會直覺諗到係有錢人同大公司將資金從香港嘅金融體系轉移走，但其實如果大公司或Ultra-high-net-worth individuals (UHNWI)要轉移資金時並唔係好似你打開Payme/FPS 按兩個掣，掃下指紋咁簡單，當中牽涉好多考量同過程，了解更多所謂嘅「走資」係咩一回事，有助我地係其後面試時回答相關嘅問題：
1️⃣轉幾多走？例如如果我有十億，係要轉走幾多個億先？留幾多係香港？一般尼講如果要轉錢走，都唔會直接把十億拎走，好可能係邊觀望邊行動，可能逐少逐少轉，同時繼續留一部分係香港，睇下之後嘅發展係點。所以嗰啲好誇張，一日間拎走曬啲錢嘅情況其實未必會發生
2️⃣轉移邊啲資產？有錢人/公司嘅錢通常唔會係現金，而係不同資產，如物產、股票或基金等，所以如果要「走資」，其實未必係現金撤離，而係資產轉移或修改Investment Portfolio，例如Bloomberg之前做過一個不具名訪問，受訪嘅UHNWI其中一個做法就係出售係香港嘅物業，改為投資到倫敦嘅物業（參見："Hong Kong’s Rich Are Preparing for a Worst-Case Scenario" https://au.finance.yahoo.com/news/hong-kong-rich-preparing-worst-210000264.html）所以大家去留意有關消息時，唔好只係睇香港嘅銀行儲備
3️⃣轉去邊？下一個問題就係轉啲錢去邊，會唔會倫敦物業？新加坡嘅金融體系？買美元或日元做避險？知道資產/資金轉移嘅方向，可以幫助我地之後面試時回答有關Investment Portoflio或銀行業務發展嘅問題
.
⭕️「走資」對邊啲投行/銀行部門最有影響？
而「走資」明顯地對某啲投行/銀行部門帶來較直接嘅影響：
🔺Private Banking/Asset Management：
1️⃣ 短期影響：似乎未必有大影響，大家可以想象如果有錢人/家族或公司去轉移資產時，會搵Private Banker或Asset Man Firms去咨詢或幫佢地執行，而且係香港嘅PB同Asset Man好少會只管係香港本地嘅錢，而係會幫有錢人/公司管理曬環球投資/資產，正如上文所言，「走資」更多嘅情況係重新修改佢地係全球嘅資產分配同投資Portfolio，所以短期內PB或Asset Man嘅生意同工作可能反而會有所增加🤔 相信短期內唔會大Cut Headcount
2️⃣ 長期影響：但PB同AM面對嘅影響其實係長期嘅，真正嘅挑戰係如果大家都進一步對香港嘅金融體系失去信心，全球嘅資產分配入面，香港佔嘅比例愈來愈少，當去到一定程度時，如果有錢人/家族放得太多錢係其他地方，例如可能係新加坡，咁佢地亦有可能同當地嘅PB及AM Firms建立咗信任同關係，到時或者就會有可能棄香港嘅PB同AM，起用其他地方嘅銀行幫佢地管理資產，咁先係最大嘅打擊
.
🔺零售銀行Retail Banking ：
雖然大家聽到「走資」時都會諗到有錢人/機構/公司，但並唔代表只有有錢人會諗呢件事，即使係普通市民，如果對香港唔夠信心時，都可能會考慮「走資」，由於普通人有嘅資產未必達PB嘅要求，佢地就可能會選擇係不同嘅外資行開戶口，方便慢慢轉走自己啲錢去離岸戶口，例如係5月尾時就有新聞報導，好多人去咗Citibank排隊開銀行戶口，可見所謂「走資」亦會影響到retail banking既Headcount，大家可以留意下
.
雖然咁講好似好老生常談，但同學報工時一定要留意新聞，就好似HSBC咁，之前話裁員，之後話停止，而家又話會可能會恢復栽員，真係唔跟貼啲都唔得🤭 唔好覺得啲事件同你無關，只有細細分析，就會發現好多事同你係息息相關嘅，#HKCareers 都會繼續幫你睇實嗰Market發展，隨時話你知有咩要留意！#achievewithus #hkcareersiBank #HKCareersBanking #hkcareers2020jun .
想成功拎到Offer又點只係睇篇文咁簡單🙈？如果想了解更多有關HKCareers點樣幫助過1000位同學拎到Investment Banking, Banking, Property/ Conglomerate, Advisory/ Consulting, FMCG, Regulators 同Big 4 Summer Analyst 或 MT offers？立即Click呢度了解更多（我唔會話你知入面有幾多Free Resources可以拎）！
