top of page

大學生報工必知!5類各大行業都會問嘅Final In題目!


【終於去到Final In!你同Offer嘅距離就只差一步!】同學報工最傷係咩?係過五關斬六將,捱到去Final Round先被踢出局👋🏾!而喺你同Offer之間,就只隔著一個Final In!今日HKCareers就為你整理咗:

✅Final In同之前嘅評核有咩唔同?

✅5類各大行業Final In必問題目;

✅特別Final Round考核內容(睇到最後有Bonus貼士)

唔想同Offer 擦身而過?快啲俾個♥️就睇落去啦!

..

✅Final Round同之前嘅評核有咩唔同?

1️⃣Interviewer👱🏽‍♂️:大部分MT或實習去到Final in時,面試官一定唔只係HR,而係阿頭grade嘅同事,甚至係你之後有機會跟嘅Supervisor!特別喺好多MT program做完訓練後會保證你可以升到某個Grade,而iBank Summer Analyst 又好有機會拎到Return Offer,公司花左咁多資源喺請人,去到最後一關時,當然要搵個大粒佬把關!

.

2️⃣問題深度🗣:做VI或HR In嘅時候,大家都會準備好多簡單嘅CV-based/Behavioural Qs。但去到Final In嘅時候,所有Candidates都有返咁上下水平,只係回答到簡單嘅:「點解報呢間公司/Program?」並唔能夠幫公司搵到最適合嘅人選💁🏻‍♀️問嘅問題都會近似返你以後返工要做嘅事情,仲會睇埋你嘅性格同佢地Team夾唔夾到等

.

✅你有咩問題要準備?

1️⃣有關公司嘅Strategic Planning✍🏼:Final In問題會Strategic啲,例如HKCareers日提夜提同學必須準備嘅Market views,唔只係問你知唔知單新聞,而係考你市況對公司嘅發展策略同業務有咩影響,公司要有咩應對方法等。例如好多公司今年終於問加息對公司業務嘅影響,真喺必Prep題目!所以我地之前亦寫咗一篇長文去介紹!

.

2️⃣Industrial Knowledge及Job duties:關於部門同職位嘅工作內容,你去到Final In時都應該要非常熟悉

.

3️⃣問下Brainteaser睇你夠唔夠醒🧠,好多時問急轉彎係想睇下你嘅Thinking Process!特別留意S&T嘅面試真喺好鍾意問急轉彎問題,如最近就有某大行S&T Final In問咗「1+2+3+4+5+6+7+8+9+10+11=?」之類嘅題目!

.

4️⃣你的性格如何你的Offer也必如何☺️:你係面試時嘅語氣態度可以反映出你嘅性格,雖然唔同行業嘅要求會有唔同,但有兩個共通點最好展現出嚟:一係自信,如果你之後會做管理層,連基本嘅自信都冇,點樣去同人溝通或者管人?二係親和力,你之後要代表公司去見客,如果你個人冇咩禮貌又唔有趣,連面試官都唔想同你講多兩句,咁間公司又點會請你返去做門面😥?

.

5️⃣Q&A要多問有Sense嘅問題👥!問問題代表你真心對間公司有興趣!而且對份工係有經過思考!咁呢點HKCareers上星期都出文講解咗啦!

.

✅特別Final In考核內容

今年亦有唔少公司嘅考核內容或更新非常特別,值得同同學分享下:

.

▶️投行及銀行:今年肉眼可見地多返Case Study,而唔只喺做個Panel In就完成。當中Citi某啲部門嘅Final In仲加多咗Case Study,難度高咗好多!

.

▶️Big 4:Big 4嘅Final In,眾所周之就係Partner In。但今年最大嘅分別,係Big 4可能為左縮短招聘時間,係AC個關當日,只要有房同Parter得閒,已經會邀請埋佢地比較鍾意嘅同學直接做埋Partner In,咁同學就唔使再返去In多次。即係話,如果你收到Big 4 AC,請記得Prep埋Partner常問嘅CV-based 及Behavioural Qs!因為有時候(但唔喺每個)AC已經變埋Final In!

.

▶️「Healthcare」出場率極高:如果同學咁乖睇到呢度,不妨俾多個Bonus貼士你地,可能喺因為疫情緣故,唔同行業各大公司嘅Case Study,有好多都不約而同地同Healthcare有關,例如喺俾間Healthcare公司案例,要求你同組員去討論公司嘅問題及提出建議等!粗略估算,最少有3至4成案例喺同「Healthcare」有關!喺一個重要嘅準備方向!

.

如果你仲想睇 #HKCareers 💡為你整理更多重要嘅Job Market更新同面試問題,就要記得Follow 我地,✅掌握大學生必知嘅 #Internship/#GradJob 求職資訊,✅及搵工面試最實用嘅貼士☺️!

.

Comentarios


Categories
Recent Posts
bottom of page