top of page

大學生揀選Grad Job Offer的5大重點!Accept Offer有咩要考慮?


【收咗多於一個Offer?應該點揀好?】來到12月,愈來愈多同學向HKCareers💡報喜,終於收到Offer啦🤩但隨之而來嘅Happy Problem,就喺Offer收多咗,唔知點揀好!除咗少數實習Offer可能有機會同公司協商到返工時間外,絕大多數情況入面,同學喺同一段時間裡,只能夠Take到一個Offer。好多同學喺揀Offer時,首先考慮嘅就喺人工!但站喺Career Planning嘅角度去睇,人工只不過喺選取Offer其中一個參考因素!今日HKCareers就會為同學分享挑選Offer必知嘅5大重點,唔想揀錯Offer?咁就俾個♥️睇落去啦!

.

⭕Grad Job 與實習Offer揀選方法不同!

一開始,同學首先要有個概念,就喺揀Grad Job同實習Offer要考慮嘅因素好唔同。畢竟實習只係短時間內進行,而Grad Job就會影響你未來幾年甚至一生嘅事業發展,今日我地首先講下點揀Grad Job。

.

重點1️⃣:人工


要考慮個Offer嘅人工就係人都知啦,但同學唔可以只係睇頭兩年嘅人工,記住你畢業後要工作起碼四十年,所以就算Grad Job高人地幾千蚊都唔算得係咩,重點係要睇份工或者個行業5到10年後個人工增幅你滿唔滿意。

.

例如Big4 Advisory同Audit一樣係17K-18K起跳(通常Mgnt Consulting會再高少少啦),好多銀行MT或地產MT都比佢地高人工,但要知道Big4 Advisory嘅人工加幅十分大,5年後就算唔跳槽最少都會有六萬月薪😏,仲未計有啲咨詢工種好似Risk Advisory同IT Advisory咁求才若渴,呢啲都喺同學需要考慮嘅!

.

重點2️⃣: 福利

短期睇落好似間間公司嘅福利都差唔多,但當你做到中級管理層,有啲公司福利好到等於俾多份人工你。例如做銀行好似HSBC咁出左名員工醫療保險好,會包埋家人,加上銀行年假多達20至30日,做銀行借錢買樓仲會有超低息同九至十成貸款😍;另外地產商亦會俾員工用低息貸款或有折扣去買新樓,福利都算唔錯。

.

重點3️⃣:分析行業(喺本地同外地嘅)前景

入錯行之後要轉行就等於從頭開始,所以入行前要諗清楚該行業值唔值得加入。而家仲有另一個重點,就喺好多同學會考慮移民,咁你揀選嘅行業喺外地又有無發展機會?近年來IT-related嘅工種,如IT Advisory、Data Analysis、IT Project Man喺香港同外地都有好唔錯嘅發展!同學就一定要留意啦!

.

重點4️⃣:短期事業規劃

同學可以試諗清楚自己未來五年🖐🏻嘅計劃,分析邊份工能令你達成目標。如果同學係想份工唔好太辛苦,可以俾你有多啲時間做其他野,如考CFA,咁入投行IBD、S&T呢類工作量大嘅工可能未必最適合。反而可以考慮下入Private Bank或Corp Bank做Relationship Manager,或入中後台做會輕鬆啲,有多啲自己時間

.

如果你係想自己係畢竟五年後取得一個專業資格,咁Big 4 Audit或Advisory 亦係唔錯嘅選擇,始終Big4會有好多考試訓練或Study Leave等實際支援

.

又如果你係想方便之後轉去某個特別行業,亦要考慮個Offer係咪能夠令你個CV增值。例如我地有位同學本身好想入地產商做MT,但最後佢只係拎左EO同Property Management Offer,雖然好多人睇牌面會揀做EO,但因為呢位同學想花多一年搏入大地產商做MT,最後都係揀左要Property Man個Offer,畢竟呢份工較能表現到佢對地產業嘅熱情,比做EO再報地產MT更有優勢

.

重點5️⃣:人生目標同性格

1⃣你想幾時退休?

如果你想係40-50歲就退休🧔🏻,可能就要揀投行前台呢啲搵得比較多錢嘅部門;但如果你想穩定啲係同一間公司做到60幾歲👴🏻,唔想轉工,穩穩定定咁升到部門主管,就可以適合入大Conglomerate 如Swire同Jardine

.

2⃣鍾意Chur 定 Hea?

同學可以諗下自己鐘意不斷學習,定做啲做熟左就唔使點用腦嘅野。如果你係前者,可以考慮下做投行前台;相反後者就可能比較適合做中後台,工作內容會傾向routine

.

每日都有好多同學DM問HKCareers要揀邊個Offer好,而如果你參考咗以上五大重點,咁就可以更清晰地作出選擇!當然啦,呢篇文只喺集中去講Grad Job Offer嘅選擇,如果你想#HKCareers 出多篇文講埋實習Offer點揀好,咁就一定要俾個♥️,過咗300個Likes小編就寫埋佢啦!

.

Comments


Categories
Recent Posts
bottom of page