top of page

邊間公司裁員或要求同事提早放假 ?




【Market已經差到咁啦🙁⋯⋯?】最近,HKCareers成日係到講Internship & Grad Job Market好差,同學或者都未必好有真實感。其實,公司做面試/出Offer嘅進度及數字,好多時會【提早反映】出公司今年嘅業績表現或者係請人方面嘅Budget。係同學未係好有感之前,HKCareers望住啲面試進度,其實已經會大概知道今年Market係咩料子!故此,我地係11月發現有唔妥時,就立即出Post提醒同學去準備Plan B。如果唔係,到你有感嘅時候,可能已經太遲啦😵而除咗面試及Offer數字外,最近亦有好幾單新聞,係關於同學一定會報嘅銀行同Big 4,似乎佢哋嘅HR都係到做緊嘢,嚟回應呢個咁差嘅市況⋯⋯想知佢哋做緊咩,咁你就一定要睇吓以下呢四單有關

▶️HSBC

▶️Citi

▶️PwC

▶️KPMG

▶️Deloitte嘅新聞整合!

咁你就會知道點解HKCareers咁鬼緊張,叫你快啲做好準備!

.

▶️HSBC真係裁員!

12月最爆嘅消息就當然係滙控宣布大裁員!由於大中華區缺乏併購活動,佢哋商業銀行開創部門計劃裁減人手,上星期《彭博》引述消息時,已經有至少4位駐香港嘅銀行家決定離職🙈

.

HSBC嘅商業銀行開創團隊主要負責推動銀行同中型客戶嘅投資銀行業務機會。不過,由於今年全球併購交易市場唔景氣,所以預計內地同香港嘅併購業務金額將跌至十年來嘅新低。所以滙控就只能跟住高盛同花旗嘅腳步,進行大規模裁員⋯

.

雖然今年依然見到滙豐有出Intern/MT Offer,而我哋經常都話,炒人往往係由中高級人員開始炒起,好少會郁Junior,但如果Market持續咁差,都唔知下個再裁員嘅部門會係邊個🥺幾時又會開始郁啲細嘅⋯

.

▶️Citi 又重組加裁員!

早係9月-11月,市場已經係咁傳話花旗會係年底有大規模嘅裁員(傳話裁員數字達一成),重災區有機會係合規和風險管理部門。而就係今日下午(23年12月14日),香港經濟日報就報導外電引述消息人士話,花旗正進行全面重組,預計將係明年3月完成,Citi會根據被裁同事今年嘅工作時間,去支付部分獎金。睇嚟裁員就事在必行,只係未知確切人數🙈

.

▶️KPMG-UK:Deals Advisory Team要裁員!

同學唔好以為,只有香港市況唔好,其實好多香港同學會報嘅UK Market同樣表現欠佳!

.

早係10月中嘅時候,路透社就已經報導,KPMG-UK嘅交易咨詢部計劃裁減約100個職位!消息人

士透露,裁員將影響KPMG英國Deals Advisory合共大約1700名同事,當中近6%嘅員工將會受影響,原因正正就係因為客戶需求下降(即係少咗Deals啦😢)

.

同學記唔記得,早兩個Post之前,HKCareers曾經分析過今年各個咨詢專業嘅招聘狀況(小編會Share返出去Story),當時已經提及,被同學視為第一選擇嘅Deals Advisory係重災區,唔單止香港,UK同學都一樣要留意!

.

▶️PwC要求無Job嘅同事放埋下年啲假?

裁員當然係慘,但除咗裁員外,PwC嘅做法則係要求EG Department員工係今年年底前放清所有年假同加班假。如果12月份無工作安排,甚至須預先放埋下年嘅年假。受影響嘅部門約有200至300名員工,重點嚟啦:【主要係主管級以下職位】

.

事實上,PwC嘅Bonus之前已經被削減,主管級以下員工只能獲得0.4至0.88個月嘅花紅,雖然PwC發言人話咁樣做係為咗同事身心健康,確保工作量合理,並提供足夠休息時間,但依然引起唔少揣測,擔心PwC嘅業務狀況

.

▶️Deloitte比PwC更早要求同事放假?

原來比PwC更早要求同事放假,甚至係無薪假嘅,仲有Deloitte。11月尾12月頭就有消息傳出,

Deloitte要求國內各城市分部嘅非審計部員工,需要係未來三個月內安排至少15日嘅無薪假期,同事可以一次過放曬15日,或者分三個月,每個月放5日。更重要嘅係,高層話如果公司嘅財務狀況無明顯改善,呢個無薪假政策可能會延長到明年5月底🙁

.

管理層強調,呢個係保護就業嘅措施,唔放無薪假嘅同事,可能會面臨被勸退嘅風險🙈

.

💡小分析

滙豐、花旗同Big 4可以話係大部香港大學生都必報嘅公司,佢哋每年提供嘅Winter / Summer Intern、Placement 及Grad Job/MT位,都唔知俾到幾多機會同學可以去建立profile。所以眼見呢啲公司採取緊各個削減開支嘅舉動,HKCareers擔心嘅,並唔只係今年嘅Headcount問題咁簡單,而係香港同學可能因為公司削減資源而少咗做實習,累積相關工作經驗嘅機會,呢點對於所有香港同學嘅Career Development,都將會帶嚟好深遠嘅影響😵

.

好啦,講到呢點,HKCareers都要出去繼續諗對策,睇吓可以點樣幫到更多同學啦!你就記得Follow @hkcarers,等我哋繼續為你提供所有大學生搵工面試最新最實用嘅貼士💡!



Categories
Recent Posts
Archive
Follow Us
  • Facebook Basic Square
bottom of page