.png)
引發60億美元市場崩盤｜改變整個香港金融市場嘅男人 —— David Webb
- Ellie Chun
- 1 day ago
- 3 min read
Updated: 10 hours ago
【David Webb喺金融界係真正嘅legend！到底有咩咁犀利？】最近喺投行界，大家都講緊David Webb呢位傳奇人物因為患癌，而決定從HKEx香港交易所同SFC證監會嘅收購及合併委員會退落嚟嘅消息。喺大家叫佢保重嘅同時，唔少人都睇返到底佢為香港金融界作出咗咩貢獻。而對想入S&T/PB/AM嘅同學嚟講，更加無可能唔識呢位金融界嘅傳奇人物。所以今日HKCareers就整理咗一個懶人包，直接話同學知David Webb到底點樣改變整個金融界？點解所有大學生都應該認識呢位傳奇人物。想知就俾個like再睇落去。
.
💡David Webb最出名係咩？
首先，David Webb係一個由投資銀行家變身成投資者維權人士嘅傳奇人物。
➡️ 2017年嘅《Enigma Network》報告：佢出咗一份報告，名為「The Enigma Network：50隻你唔應該買嘅股票」(人稱 ”謎網五十”)，畫咗張圖，展示50間香港上市小市值公司之間複雜嘅交叉持股網絡。原來上市公司無需要披露佢哋持有少於5%其他上市公司股份，某啲人就用呢個漏洞，透過多間公司互相持股，實際上由同一集團嘅人操控整個網絡，但表面上冇人知道。咁做仲可以避開「一致行動人士」需要向小股東提出全面收購嘅規定。 結果份報告一出，引發60億美元嘅市場大跌！更重要嘅係，呢份報告導致監管機構介入事件，自此David Webb就成為股壇上嘅「狙擊手」。
.
➡️ Webb-site.com：David Webb喺1988年創立咗一個突破性平台，叫「Webb-site.com」，免費提供公司同經濟數據，揭露企業不當行為，捍衛小股東權益，因此影響咗監管政策。
➡️ 2003年Project Poll：推動股東大會投票透明化，增加問責性。
➡️ Project VAMPIRE：反對稀釋股權嘅股份發行，保護小股東，仲促成咗香港交易所上市規則嘅改革。
➡️ 2013年起,佢做證券及期貨事務監察委員會收購及合併委員會嘅副主席，幫手制定更公平嘅市場規則。
➡️ 佢嘅數據驅動投資策略，據講自1995年以來年均回報達20%。除此之外，佢仲搞咗Webb-site Who’s Who數據庫，等投資者了解公司同董事會嘅底細，樹立咗透明度嘅標準。
P.S 本身David退休嘅時候，已經打算關閉成個網站，但後來經過深思熟慮之後，決定唔關閉成個網站。有興趣了解成個database嘅同學，都值得去睇睇（小編會放返條link喺story）。
.
💡點解大學生要以David Webb為榜樣？
想喺投行界闖出一片天，唔單止要技術，仲要嚴謹、道德同埋堅毅嘅心態。David Webb嘅職業生涯就完美展現咗呢啲特質。對於想入行Finance嘅你，絕對值得借鏡。
分析嚴謹係成功關鍵：Webb擅長搵到被低估嘅小市值股票同揭發詐騙，顯示出質疑數據同深入分析嘅重要性。作為一個summer analyst，呢啲技能會令你脫穎而出，從而拎到Return Offer。如果同學諗深一層嘅話，到底點解interviewer咁鍾意問你有無試過搵到團隊錯誤或報告錯誤數據？答案就係想測試你有無呢方面嘅能力。
掌握企業管治：喺金融同銀行業，誠信係無得妥協嘅。作為一個Analyst，你要幫客戶處理併購、集資或股票研究等，了解企業管治至關重要。Webb揭露差劣管治嘅例子，提醒你要優先考慮道德同可持續嘅策略。
用溝通影響他人：Webb係將複雜概念用簡單而有力嘅方式呈現出嚟，表達清𥇦得嚟又有説服力。呢啲係client orientated（.e.g 例如企業融資或銷售交易）嘅positions。想了解更多？可以去睇吓佢嘅Project Enigma網站 俾同學作參考。
.
最後，希望各位同學都對David Webb了解多咗，會以佢為榜樣，培養嚴謹、道德同埋堅毅嘅心態。如果你想HKCareers寫更多呢類型嘅資訊，咁就點兩點❤️同埋share個post俾你個friend啦！
.
Comments