恒生有4個Internship / Placement Programs，邊個最易入？最幫到你返去做MT？

呢兩個星期比較振奮人心嘅就係恒生終於開始請Summer Seed😚但上到去恒生個網時，好多同學會發現恒生嘅Internship / Placement 有分好幾種：1️⃣Summer Internship 2️⃣Summer Seed 3️⃣Fintech Program 4️⃣Co-op Program，究竟呢幾個Programs有咩分別？有無Return Offer？邊個最適合你？係呢篇文入面HKCareers會嘗試為你解答呢幾個問題，如果你都準備緊報銀行，咁就一定唔好錯過呢篇文啦！

.

⭕️恒生四個Internship/Placement Programs有咩分別？

1️⃣Summer Internship：咁恒生Summer Internship到小編截稿呢刻都未見有"Apply now"出現，但由於Internship Period已經出現左，相信不日內會開始收application，大家都要留意住！

📍Summer Internship會有多啲Division揀，例如今年會有Audit (INA) 、Commercial Banking (CMB) 、Financial Control (FIN) 、Global Markets (GM) 、Insurance (INS) 、Investment Services (INV) 、Operations, Services and Technology (HOST) 及Wealth and Personal Banking (WPB)

📍Year 1/2 報邊個好？同Summer Seed一樣，大部分收嘅同學都會係penultimate year。但經常有Year1/2 同學問HKCareers報唔報得，如果以Summer Seed同Summer Internship作比較，Year 1／2同學成功率比較多會係Summer Internship，因為Headcount會多少少

📍Summer Internship沒有Return Offer

.

2️⃣Summer Seed：其實Summer Seed真係一個特別嘅Program：

📍Headcount少，比較難入：傳聞中所有Division加埋都只係有10個左右Headcounts，而係今年Market嘅情況入面，少於十個都唔會令人好意外

📍Division有限：今年Summer Seed有4個Divisions：Commercial Banking (CMB) 、Global Banking (GB)、Global Markets (GM)、Wealth and Personal Banking (WPB)，其實已經叫左多左，早幾年只係得Retail banking有Summer Seed，而上年開始加埋CMB、GB同GM都有

📍只有Fast Track：好多同學問Summer Seed個句「Early selection of Hang Seng Management Trainee Programme for outstanding performers」係咩意思，其實係只有Fast track，沒有return offer嘅意思！做完Summer Seed表現好，下年報MT時會俾你由Assessment Center＋Panel Interview開始做起，可以Skip左Apt test同HR In，唯一問題係，Summer Seed嘅同學會一齊做Assessment Centre！咁入得Summer Seed都係Profile唔錯嘅Candidates，所以往年都有同學會覺得競爭反而會大左，分分鐘唔做Summer Seed，出去同其他街外同學一齊做AC，出選嘅機會會更高！

📍簡單而言，Summer Seed比Internship勁，但拎Return Offer上面著數唔算太大⋯⋯

.

3️⃣Fintech Program: 呢個Fintech Program係新開嘅，雖然傳聞話會有Fast track俾你去到MT，但係因為係新Program，所以真係唔可以100%肯定。但如果你對Fintech有興趣，呢個Program就一定好好，始終而家Market入面嘅Fintech Placement Program，除左HKMA就只係得恒生呢個⋯⋯

.

4️⃣Co-op Program：其實Co-op已經Close左啦，所以呢篇文唔會詳談。不過我地想提一點係，過去我地都會建議同學要考慮清楚做唔做Co-op / Placement (唔只係講緊恒生，係所有Placement)，因為Placement 一般要花最少六個月時間，又要Defer，又大部分都無Return Offer，但你學到嘅野唔一定會比Summer / Winter Internship多好多⋯⋯ 但由於今明兩年嘅Market情況真係有少少擔心，如果大家真係搵唔到summer internship，而又有大公司/銀行俾Placement Offer你，都確實係值得去做嘅，砌靚CV係首要目標！

.

希望今篇文可以幫到有興趣報恒生嘅同學 🙂記得share篇文出去，幫佢有興趣報銀行工嘅同學！而你自己當然唔好忘記Follow #hkcareers 🥰 #achievewithus #hkcareersInternship #HKCareersBanking #hkcareers2020mar