top of page

大型公司/投行會點「執笠」？SVB及CS為例 | 解釋Insolvency程序


【SVB及CS要「執笠」，唔只閂埋道門咁簡單？】上年呢個時間，相信我地都無人會想像到SVB及CS竟然會倒閉（或被併購），而大型金融機構要執笠，經歷嘅程序同方法自然同你街邊鋪頭仔關門大吉有好大分別。事已至此，同學正好用今次機會，睇吓大型金融機構嘅Insolvency程序。對你之後去報IBD、M&A及Restructuring咨詢相關嘅部門都好有用！今次HKCareers💡就邀請咗Consulting Coach Werner去為你講解吓SVB同Credit Suisse嘅Insolvency會經歷咩步驟，有興趣嘅同學就快啲點兩點俾個♥️睇落去啦！

.

✅公司資不抵債/破產要點處理？

首先同學可以留意Insolvency Procedures主要有5個類型：

1️⃣重組：當認為企業表現不佳但可挽救嘅時候，就可以申請重組業務（SVB母公司亦係23年3月申請破產保護）

2️⃣​自願清算：認為企業即將失敗，無盈利嘅可能性，所以自願申請清算。因為如果知道進一步嘅經營只會破壞價值，但唔選擇去及時清算公司，其實違反左對債權人嘅利益

3️⃣強制清算：當債權人對公司嘅破產感到不滿時，並可向法院申請將您嘅公司進行清算，希望可以從中攞返啲資產

4️⃣法定干預：當監管對你公司嘅compliance不滿或發現你不再負責任地經營時，就會為左公共利益而介入（姐係SVB嘅情況）

5️⃣為營救而發生嘅M&A：同一行業嘅競爭對手為左集體生存而合併。因為當同一行業嘅公司互相依賴彼此，當其中一間公司失敗可能會令行業整體崩潰，所以更具有競爭力嘅公司可能會與其競爭對手合併（就算無盈利）去度過艱難時期（而UBS同CS嘅情況就係咁啦）

.

✅破產程序會喺點？

📌第一日：如果公司被清盤或法定干預，破產管理人(IP)會黎全面了解公司情況。同時要掌管公司所有嘅帳目、記錄及主要資產，現有管理層的權力亦都會轉移比IP。另外IP需要完全取代HR部門，因為所有僱員合約已自動終止（呢個時候，IP就要決定會唔會透過短期合約，選擇性地留低某啲員工啦）

📌首週：IP需要同管理層交談，確認所有相關利益相關者嘅清單。亦要了解公司最新嘅財務狀況，有無緊急問題（例如，資產受到威脅），及處理與公司相關嘅法定義務

📌首月：IP要決定到底係立即清盤定係實行有序停業（公司需要係短時間內保持一切運作，而並非立即關閉同埋炒曬所有人。同時，開始出售關鍵資產，希望賣到個最高價格）通常有序停業對於敏感企業而言係更好嘅方法，因為一旦停止管理，公司價值會顯著下降

🤔而SVB其實就係實行緊有序停業。一方面Fed將SVB嘅存款轉移到由聯邦存款保險公司運營嘅橋梁銀行及進行管理。亦都應該係幕後管理緊SVB嘅其他業務部門。另一方面，佢哋亦一直積極推銷SVB嘅業務，相信同學仔都知，SVB嘅英國業務已經賣左比匯豐

📌之後：就要開始實施IP嘅策略。出售資產、管理業務、還錢比債權人。如有需要，仲要調查公司事務添

​💡小知識：其實IP都唔係話接手就接手，都要睇現有管理層合唔合作。呢段轉移權力嘅過程有可能會好長（5-10年的時間都有機會架）

.

✅破產程序點樣影響到大學生？

📌首先最基本嘅係，你之前睇到呢間公司嘅Job Ad都已經唔會再存在

📌加上係清盤或法定干預嘅情況下，所有conditional offer都會變無效，除非你已經係正式破產程序開始前簽左有效嘅合約

📌如果係公司重組期間，管理層有99%嘅時間都要重新考慮佢哋嘅業務計劃，而之前決定請你嘅決定都好可能被撤銷

📌如果係Rescue-type嘅M&A就仲衰，因為你可以預期公司係合併後就會進行巨大嘅裁員

.

✅SVB嘅破產程序喺點？

📌同大多數銀行一樣，SVB只持有少量現金形式的資產。佢哋嘅資產大部分係由國庫券及其他長期債務組成，（本來應該風險係十分低）。但同學仔都知Fed多次提高利率，導致呢啲債務（即SVB嘅大部分資產）嘅價值大幅下降

📌當SVB嘅客戶開始要求大量提款，而且通知時間非常短，SVB無其他選擇，只能以深度折價出售佢嘅債務。但就算咁樣，佢仍然無法籌集足夠嘅現金黎滿足呢啲提款要求。最終，美國政府不得不介入，利用當地法律，接管SVB嘅財產和業務

📌而同學仔亦可以預計到，一旦企業嘅控制權歸政府所有，企業主要目標就會變左公眾利益。所以政府無乜可能會係第一日炒曬所有員工，反而政府會逐步縮減公司

💡所以如果你係該公司嘅員工，你一定要搵過另一份工，因為個間公司一定無可能長期生存

.

✅CS嘅破產程序喺點？

📌其實CS一直都面臨住各種問題，包括間諜醜聞、管理層變動同埋投資失敗等。佢哋係COVID期間遭受左巨大嘅投資損失，過去3年入面仲被降級多次添

📌係2023年初，CS試圖借取大量資金去增強流動性，但可惜都係徒勞無功。連佢哋嘅頂級支持者沙特國家銀行亦開始緊縮對CS嘅資本支持

📌而由於面臨嚴重嘅流動性危機，CS嘅執行部門就係23年3月投票允許銀行被接管。而當時UBS就介入「合併」（實質收購）CS啦

📌UBS係呢次嘅「合併」入面佔絕大多數嘅發言權。例如，具有重複職能嘅部門可能會被合併或替換，某啲業務線/區域可能會被放棄，實際上只有少部分員工會被吸收到合併實體入面；所以CS員工可能會係裁員過程中被解雇

📌咁當然都有可能存在樂觀嘅例外情況，就係UBS保留CS嘅重複部分並通過緊急併購完全處置它。咁到時候CS嘅員工就可以繼續保住個飯碗啦

.

透過SVB及CS嘅例子，同學應該可以更清楚了解大型金融機構「執笠」嘅過程。事實上，Coach Werner仲準備咗一份好詳盡嘅Notes去解釋SVB及CS嘅破產程序同會點樣影響每個Stake Holders🥺小編睇完都覺得學咗好多嘢！如果同學都想要份Copy，老規矩，請​​喺16/5（二）或之前完成以下步驟：

1️⃣Follow @HKCareers 💡

2️⃣Like 呢個Post♥️

3️⃣Share個Post去你IG Story（記得要完成上載）↗️

4️⃣DM返個Screenshot俾我地！

咁HKCareers就會Send返份Template俾你啦！

.

今次份Material唔下載你真喺一定會後悔！快啲Share嗰Post去Story啦！


Categories
Recent Posts
bottom of page