2026將至｜新一年有咩必睇讀物？Bill Gates的冬季書單來了。

呢篇真係要收藏起來！

.

來到2025年尾，相信有唔少同學都計劃緊2026年嘅待辦清單。如果係咁，你就一定唔可以錯過Bill Gates每個冬季都會更新嘅書單，當中仲包括一啲你意想不到嘅讀物（不過可以肯定會係來年嘅暢銷書單榜上有名！）一齊望吓你又覺得啱唔啱睇：

. 

1️⃣ 呢本真係估你唔到 Bill Gates 都會鍾意！

📖《明亮燦爛的你》 (Remarkably Bright Creatures)📖

📝作者：Shelby Van Pelt

呢本書喺《紐約時報》暢銷榜霸榜超過一年，故事講一位70歲嘅寡婦 Tova，同一隻超聰明嘅太平洋章魚之間，建立咗一段好唔尋常嘅友情。Gates 話，呢本書令佢對「變老」有更深感受，亦開始諗：當我哋停低工作之後，究竟可以點樣為自己搵到新嘅人生目標？成個閱讀感覺好輕鬆、好療癒，但背後其實藏住好多關於生命意義嘅反思。如果同學最近想要一啲溫暖，或者想用唔同角度睇世界，呢本用「章魚視角」講故事嘅小說，真係一個好完美嘅開始。

.

2️⃣氣候變遷成日令人愈睇愈焦慮？

📖《Clearing the Air》📖

📝作者：Hannah Ritchie

第二本書喺由數據科學家 Hannah Ritchie 寫嘅《Clearing the Air》。Ritchie 將本來又複雜又沉重嘅氣候議題，拆解成 50 條關鍵問題，例如：「而家先行動會唔會已經太遲？」、「核能其實安唔安全？」全部都用清晰、實在嘅數據同你逐樣講清楚。Bill Gates 更形容，呢本係佢讀過「解釋氣候挑戰最清楚嘅書之一」。書入面一方面好務實咁承認風險存在，另一方面亦實實在在展示太陽能、電動車等範疇已經有嘅進展。如果你唔想再陷入情緒化爭拗，只想攞一個以事實為本、又帶住希望嘅氣候解決方案全景，呢本書係一個好選擇。

.

3️⃣一代媒體大佬嘅人生攤牌之作。

📖《Who Knew》📖

📝作者：Barry Diller

《Who Knew》係媒體大亨 Barry Diller 嘅回憶錄，佢一手參與過現代媒體、電影同科技界多個關鍵轉捩點。Bill Gates 都話，呢本書「比起一般商業回憶錄，坦白同真實得多」。Diller 喺書入面完全唔避忌，直講自己事業上嘅高低起伏、對競爭嘅睇法，仲分享咗佢喺今年 83 歲高齡公開出櫃嘅個人經歷。Gates 形容佢一直都好擅長「喺諗法仲未成形之前就敢落注」，呢點亦貫穿佢成個人生。如果同學對幕後點樣運作、商業世界入面嘅競爭哲學，或者點樣面對人生中突如其來嘅巨大轉變感到好奇，呢本書一定會俾到你唔少啟發。

.

.

4️⃣成日溝通唔順？關鍵可能喺呢度。

📖《When Everyone Knows That Everyone Knows》📖

📝作者：Steven Pinker

社會心理學家 Steven Pinker 嘅《When Everyone Knows That Everyone Knows》，拆解一個睇落好簡單、但其實極之影響日常溝通嘅概念——「共同知識」。本書講緊嘅唔只係「我知唔知」，而係當我哋知道「對方都知道某件事」嗰一刻，點樣即時改變整個社交氣氛，令合作更順、溝通線索更加清晰。Bill Gates話，雖然主題本身好複雜，但本書寫得出奇地易入口又好實用，令佢用一個全新角度去睇平時習以為常嘅社交互動。如果你想提升溝通效率，或者想搞清楚「共識」其實點樣撐起成個社會運作，呢本心理學之作可以一讀。

.

5️⃣點樣先可以將好諗頭變成現實？

📖《Abundance》📖📝作者：Ezra Klein and Derek Thompson

《Abundance》由兩位重量級作者 Ezra Klein 同 Derek Thompson 合著，直指一個好多人都覺得矛盾嘅問題：喺資源充裕嘅美國，點解基建、能源呢啲「應該要起到」嘅項目，反而步步為艱？呢本書唔係淨係發牢騷，而係提出一個相當尖銳嘅分析——如果真係想令好點子落到地，我哋就必須徹底調整而家嘅經濟、政治同監管系統。Bill Gates 都認同書中嘅觀點，強調所謂進步，唔單止靠創新本身，更取決於有冇一套制度，可以令創新真正擴散同實現。如果你關心公共政策，或者成日喺度諗「點樣先可以將好諗頭變成現實」，呢本充滿洞察、又呼籲系統性改革嘅作品，絕對值得一讀。

.

睇完條Booklist，當然唔只要Save低佢啦！仲要立即Share俾你嗰個好鍾意閱讀嘅朋友，問佢諗住由邊一本開始睇起！

.

最後當然係Follow @HKCareers ，一齊養好你嘅演算法！

#hkcareers #hku #cuhk #hkust #cityu