#placement

top of page

能力傾向測試Aptitude Test是甚麼？

$Math Notebook and Calculator$

大部分投行、銀行及大公司係收到同學嘅Application後，系統都會自動發送一個Online test或Video interview給同學完成。有部分公司，例如恒生Management Trainee，甚至需要你首先完成咗一個性格測試（Personality Test）先叫做完成咗個Applications！而呢類Online Test，無論考核嘅係Personality Test、Logical Test、Numerical Test或Verbal Test ，都可以稱之為能力傾向測試Aptitude Test。

.

能力傾向測試Aptitude Test點解咁重要？

簡而言之，如果你無辦法係Apt Test過關，無論你份履歷幾出眾都無可能過到Initial Screening！而從另一個角度而言，就算你份CV未夠好，如果你有能力完成Aptitude Test，都依然有機會打低其他競爭者，進入下一輪嘅面試！

.

既然Aptitude Test咁重要，一於繼續睇落去，睇下有咩方法可以精通各類能力傾向測試，等你無論收到邊類測試都能夠游刃有餘，收到想要嘅Offer！

.

常見能力傾向測試系統Apt test Systems

香港公司用緊嘅Apt test Systems其實有極多，以下就係2020／21年一啲常見系統及採用嘅公司：

● SHL （又名CEB/Gartner）；公司例子：恒生銀行管培生

● Cut-e ；公司例子：Credit Suisse、ICBC及UOB

● Talent Q；公司例子：UBS、Jardine、HKMA及SCB

● GradACE；公司例子：HKEx

● CUBIKS；公司例子：HKTDC

● CAPP System；公司例子：HSBC、Barclays及Jardines

● Professional Learning Indicator（PLI）system；公司例子：DBS

● Skyrise/ other game assessment system；公司例子：JP Morgan及PwC

● Big Boss: Oliver Wyman, IBM system、Wonderlic system

註：好多銀行及公司每年都會採用唔同嘅Apt test Systems，所以以上資料真係只供參考。如果大家唔肯定公司用緊邊個系統，可以睇下條Link，通常會透露咗係邊個系統！

如想了解更多Apt Test 試題，可按此連結下載「Aptitude Test Sample 題庫」

經典Apt test類型

Apt test主要分為1.Personality Test、2.Logical Test、3.Numerical Test、4. Verbal Test 四種類型。當然啦，不同Apt test systems會按比例及各間公司嘅要求去特別測試同學以上各種能力，唔會只考其中一樣，其中以下常見嘅系統包括：

SHL: 算係中間偏易少少嘅Apt test，但大家記得SHL係2019／20出左新Update，新舊SHL System都有公司用緊，去做準備就要小心啲！

同學可特別留意新版SHL有以下兩類：

▶️新版一：SHL General Ability Test：呢個基本上係將Verbal、Numerical同Logical test合埋一齊去做，雖然題型都有改動，但同舊SHL大概都叫做類似，大家都會覺得熟口熟面。

▶️新版二：SHL Talent Central：Talent Central會分開Verbal、Numerical同Logical test，題型同Format同舊SHL可以話係完全唔同！其中一點係Talent Central強調互動（interaction)，唔會好似以前咁只係做選擇題（True/ False/ Can't Say）或MC

例如係數學題，佢會俾幾個Bar Chart你，然後俾啲Conditions你，要求你根據Conditions去拉動個Bar Chart嘅線去適合嘅位置，拉大或拉細個圖。所以同學要做嘅野就會同之前好唔同，如果同學唔係好熟習新玩法，就好容易會做錯啦，所以大家一定要練習一下個題型，唔好直接入去開始做！

又例如係Logical test，唔再係俾5 個圖型叫你搵邏輯，問你下一個圖型應該係咩。新玩法係俾圖型A同圖型B你，然後問你圖型A係點樣變成圖型B，跟住俾幾個答案你，叫你去選擇正確解答 🧐

Skyrise / Game Assesment：即係Personality test，大公司請人最怕用左一大舊錢請左啲無常識同無Sense，配合唔到公司文化嘅人，但係靠面試或AC短暫嘅接觸好難測試到大家嘅性格或個人做野合唔合理，所以係做Apt test或screen人嘅早期會加個Personality Test！

⭕Personality Test有無得預備？

性格測試似乎無得準備，始終性格測試唔同其他logical或numerical嘅Test，唔係話搵多啲source練多幾次就可以做到。畢竟性格測試唔會有標準答案，只係可以測試大家做選擇同做嘢嘅傾向。

但有一個Tips係同學做Personality Test前可以輕輕研究下間公司嘅文化，估計下佢哋想要咩類型嘅人，再盡量往呢個方面去回答問題。例如下面幾間公司，小編就列咗佢哋傾向會鍾意咩類型嘅人，同學做Personality Test時要諗下點樣展現自己呢方面嘅性格

⭕公司傾向：

✅恒生：銀行好怕有Compliance問題，所以好似恒生咁就好在乎同學嘅廉潔（Integrity）同誠實（當大家做Banking任何面試回答Behavioural Questions 時，都一定一定要以廉潔為先） 

✅Deloitte 及KPMG：Big 4都係大公司，同事多，所以好重視大家嘅Teamwork，除此之外，Analytical、 fast-learning同Detail-minded亦好重要

✅Bloomberg：好似Bloomberg呢啲咁需要分析力嘅公司，當然需要大家係analytical同leadership style嘅人

✅P&G：P&G好鍾意醒嘅人，所以都係想搵勁有leadership同innovative嘅人，如果可以 think out of the box 同社交能力一流就更加分

✅Nestle：同樣要傾向Innovative 同teamwork嘅人

GradACE：考得比較多Numerical，算係比較難嘅Apt test，上年HKEX都用緊呢個System，如果同學有識朋友話做完HKEX個Apt test好懷疑自己嘅能力，唔好認錯，就係GradACE令到你咁難過！所以要Pass GradACE，最重要都係數口好！

Cut-e：同學需要參考6個Data File 完成30- 40題數學或者英文問題。同學仔可以先用30秒至45秒速讀各Data File 嘅內容一次，大概知道各Date File內容，當做問題時再對照返相關嘅Data File去揾答案。Cut-e問題難度唔係愈後愈難，如果遇到唔識既問題時，可以Skip!；Cut-e 嘅Logical Test就會用數獨形式考驗同學，開始嘅時候可以準備大量白紙，直接係白紙上畫會快啲。

Apt test必Pass秘技

注意系統是否會扣分：

不同Apt Test system的計分方法會有不同，同學遇上答錯不會扣分的系統，如SHL及Talent Q時，係時間唔夠嘅情況下，你可以試撞下答案，希望靠撞彩中返幾題；反之，同學若遇上答錯會扣分的系統，特別是Cut-e就絕對唔可以靠估撞答案，唔識做漏空比答錯反而更好！

留意答題時間：

不同Apt Test system亦有不同的答題時間限制，了解遊戲規則，可以幫助同學更易過關：

✅SHL：係限定時間內需要完成指定數量嘅題目，但因為個System比較容易，大部份（有準備既）同學都能夠完成全部題目，所以同學最好都要以完成所有題目為目標！

✅Capp System：雖然無指明要係限定時間內完成，但System 背後會計算同學嘅完成時間，盡快完成就最好

✅Cut-e：要同學係比極短嘅時間內做大量題目，只要完成八成左右題目己經可以，目標依然係要準確度夠高！

✅Talent Q：每一條題目獨立計時，所以壓力會比較大

We Help you to get into Investment Banking, Banking, Conglomerate and Consulting In Hong Kong, Singapore & London
Mentored 2000+ Grads Since 2014 | 150+ Professional Coaches | 4500+ Offers across Hong Kong, Singapore & London

Learn more about the Career Training Program 24/25

一篇文睇哂summer及off-cycle利與弊邊個容易啲拎到offer

一篇文睇哂summer及off-cycle利與弊邊個容易啲拎到offer

一篇文睇哂summer及off-cycle利與弊邊個容易啲拎到offer

【報summer定placement好？各自有咩好處同壞處？】呢排最多同學問嘅問題就係「如果summer同placement同一時間接受申請，報邊個好啲？」，事實上，由於有唔少考慮因素，好難用三言兩語就可以俾到一個好好嘅答案。有見及此，今日HKCareers就想同同學分享吓...

Jul 30

大學生入投行/銀行前台必學： 3分鐘學識做Equity Research Report

大學生入投行/銀行前台必學： 3分鐘學識做Equity Research Report

大學生入投行/銀行前台必學： 3分鐘學識做Equity Research Report

【睇完即刻Ready去做投行及銀行前台面試？】無錯！無論係投行前台S&T、PB、AM同IBD，定係Corp Bank嘅面試，都有機會問你識唔識做Investment Research Report✍️！所以學識點樣分析股票或宏觀經濟環境，可以幫助你順利過到所有前台面試，將O...

May 22, 2024

入投行前台必學：點先寫到一份好嘅Equity Research Report？

入投行前台必學：點先寫到一份好嘅Equity Research Report？

入投行前台必學：點先寫到一份好嘅Equity Research Report？

【睇完即刻Ready去做投行及銀行前台面試？】無錯！無論係投行前台S&T、PB、AM同IBD，定係Corp Bank嘅面試，都有機會問你識唔識做Investment Research Report✍️！所以學識點樣分析股票或宏觀經濟環境，可以幫助你順利過到所有前台面試，將O...

Sep 21, 2023

大學生入投行及銀行前台必學！3分鐘學識寫Macroeconomic Research Report！

大學生入投行及銀行前台必學！3分鐘學識寫Macroeconomic Research Report！

大學生入投行及銀行前台必學！3分鐘學識寫Macroeconomic Research Report！

【睇完即刻Ready去做投行及銀行前台面試？】除咗Equity Research外，Macroeconomic Research Report亦係投行前台面試常問嘅另一種Investment Research Report！學識點樣分析宏觀經濟環境，對於去見1️⃣Rates...

Jun 22, 2022

Categories

Recent Posts

十年過去了。點解依然有咁多大學生將S&T視為目標？

9大院校Winter Break大比併

所有2028/2029畢業生留意！好多Insight Programs已經開始接受申請...

HSBC私有化恒生！Headcount會有變動嗎？！

十個大學生S&T、PB及AM面試，九個漏咗Prep Commodities？

2025 及 2026畢業生注意！最新Non-Bank MT /GT Headcount Prediction！

一篇文睇哂summer及off-cycle利與弊邊個容易啲拎到offer

【Urgent UBS Live Briefing 🇭🇰🇸🇬｜Intern已經賺緊45K+港幣💰？｜2026 Internships】

Goldman Sachs Live Briefing｜2026 Full-Time & Summer Analyst招聘正式展開！

突發！25/26 Recruitment Season全面展開！8大投行BB Banks有5間開咗｜新一年Headcount預測係點？

Archive

Follow Us

bottom of page