大學生入bank做mt 既四大難關

香港銀行一般請mt 有四round assessments, 到最後只會有少於5%既人有offer 1. Apt test: 一般銀行都會用一D 大型apt test provider 既apt test, 例如shl。不過近年亦有些銀行如渣打會用自製apt test 2. Phone interview/ video interview: 近年有些銀行唔再用phone interview, 轉用video interview 。video interview 會用一個網上平台，會有一些問題出現，你要用web cam錄低你既答案。無論phone 定 video interview ，都係有三大類問題。第一類係basic question, 例如係問你點解有興趣做銀行，知唔知銀行有咩主要業務。第二類問題就係CV based Questions, 主要會叫你詳細解釋下你上莊，case comp或intern 學到咩。第三類問題就係behavioural questions, 例如問你如何面對壓力，如何跟客戶保持良好關係等。呢part 其實主要睇你英文水平，同埋講野有無邏輯。我地建議同學做interview 前準備定script, 確保表達夠清楚 3. Assessment centre: 主要有三種：group business case study, individual presentation, role play。group business case study: 佢地會俾個business case 你，之後會有大約10-20分鐘俾你read case, 40分鐘俾你一group 人討論，最後會有大約十分鐘做group presentation。individual presentation: 佢地會有份20頁既case 俾你用大約一小時prepare, 跟住要你present 15分鐘左右。role play: hsbc/恆生特別興用呢種方法。佢地會俾一d產品資料你，然後叫你扮演corporate sales，推銷產品。呢part 主要想睇吓你有無做corporate sales 既潛質。 4. 1-3 rounds Panel/individual interview: 主要會係d senior manager 去單獨見你，一般會問Cv- related questions, behavioural questions 或technical question。technical question 方面佢地會問一d比較深入既technical 問題，例如叫你解釋下ipo, syndicated loan或trade finance 。同學要多加準備