BBA同學點樣畢業4年內買樓？

最近全城熱話，個個都話而家大學生上車好難，平均要草14年錢。其實如果入到比較好Prospect 既Program，都可以4-5年內可以上車，因為有啲公司會比Allowance同Discount員工買樓。

如果入到Banking Field既同學仔，如果想既話，基本上第一年就可以買樓。 第一：因為大部份銀行都提供95%-100% 按揭俾員工，所以所需要既首期係好小好少，不過佢會有個Cap，就係揭俾大概係人工既100-200倍左右。 第二：員工所需要比既Interest Rate亦都低好多，如果出面係一釐，員工可以比0.25釐左右。（雖然講就好似好易咁，但如果比咁少首期，萬一樓價跌，有機會比銀行Call Loan，隨時變負資產。）

不過值得留意嘅係當你離職唔做間銀行時，你就唔可以再享有員工價嘅按揭優惠，當然啦，如果你轉去第二間銀行，都會有員工優惠。 另外為咗防止員工炒樓，佢淨係會俾你做一套樓嘅按揭。

如果入到地產商做MT既，好多時公司都會俾優惠員工去買樓，例如新世界員工買返自己啲樓就有10% discount，如果係600萬既樓會Discount成60萬，所以好著數。又或者以低mortgage借錢俾員工買樓。

另外，好多大公司都有提供好多housing allowance。例如MTR 會俾員工揀一次過攞幾十萬資助你買樓或者揀攞rental allowance。不過呢啲係講緊MT Program之後1-2年。

至於Big4，好似冇咩呢啲Scheme助員工買樓。

如果淨係計草錢，做Bank既大概4年可以草到100萬首期，頭兩年年薪30-50萬，後果二年，年薪40-60萬，當草五到六成，就差唔多100萬。至於做Property同Conglomerate既人就可能需要多一年啦，因為人工升幅較低，頭兩年年25-30萬，後三年35-45萬。如果有另一半既，兩個一齊草，又會快啲啦。

不過其實唔係咁多Young Professional可以咁快上車，其中一個原因係⋯⋯佢地洗得太多錢，閒閒地一個手袋都幾皮，一年去幾次旅行⋯⋯我地有聽過一個係銀行做既人，頭兩年年薪60-70萬，做左三年野都冇錢淨，因為好多洗係拍拖，買野，旅利果度。

當然我地明白做野唔係只為買樓，以上只係理性分析同只供參考！