點先可以拎到Return Offer？

近年愈來愈多公司會留headcount俾return offer，換言之搵MT / Grad job offer會愈來愈難，如果同學想增加自己入到MT Program嘅機會，或者唔想最後一年搵工搵得咁辛苦， 一定要努力爭取return offer。想知要點做？就快啲睇落去啦～

.

⭕甚麼是Return Offer？

大部分銀行或大公司Internship Program都會有Return Offer ，係指同學如果係Internship期間表現良好的話，公司就會俾個Return Offer你，等你畢業後再返去做。大部分Return Offer的期限只會係一年（即係你如果係Year 2做Intern，就好少會拎到return offer），通常只會俾暑期實習嘅同學，所以對升penultimate year 的同學黎講搵一個好嘅internship program係咁重要，因為咁會提高左你入Bank MT、Property MT或大公司嘅機會

.

⭕邊啲公司有Return Offer 或Fast track？

Return offer: JP Morgan、匯豐、渣打同Big4都會有Return Offer✔

.

而有某啲公司，好似恒生、Swire及Jardines咁，雖然無return offer，但就會有Fast track，實習做得好的同學可以係Grad Job/MT interview時直入Final round 或Panel interview，所以都會有一定優勢

.

⭕點決定你拎唔拎到return offer？

☝🏼對平時工作表現的評估：

每一個實習生都會有一個direct Supervisor，可能係你嘅Line Manager、Team Head或Director，佢會持續評估你嘅表現，然後寫一份evaluation report 或appraisal，對你拎唔拎到Return Offer起碼會有一半影響力

.

✌中期或最後的Presentation：

另一半影響就會黎自同學實習期間做嘅報告，好似渣打同匯豐咁，每個實習生都有Presentation 或project要做，係實習中期或最後做報告，有機會要計分，所以同學都要努力做好佢

.

⭕如何增加拎return offer 的機會？

1⃣ 同學日常工作一定要做好，好多同學會問使唔使日日留到10點先走，扮到好勤力咁？其實我地就唔係好建議，因為你有幾多野做，supervisor唔會唔知，如果你都無咩做但坐左係到發夢，佢地就會覺得你好奇怪。咁當然如果真係有好多野做，就一定要做好曬佢，或者OT一兩個鐘都可以，但就唔好太假太誇張

.

2⃣如果無野做點算好？其實有好多intern都唔會太忙，反而會係無咩做。如果同學都遇到呢個情況就最好要問下supervisor，係drive入面有咩文件係可以睇嘅，之後自己好好咁做左self-learning 先， 又或者嘗試發掘下有咩可以做，例如你係Global Market到做實習，你真係未必會有機會可以落order 做trade，但係你就可以試下做啲news summary或其他同trade support有關的research咁

3⃣係返工的頭兩日內要嘗試熟悉曬所有環境，例如電腦點set up、電話啲內線點打、影印機點用或文具係邊咁，同學可以嘗試整個清單，諗下有咩自己要知，如果有問題，最好係supervisor或同事同你做briefing時一次過問曬，唔好分太多次問係咁煩住人地，而且自己都要醒醒目目，多啲觀察同耹聽其他同事嘅做法，咁就唔使每事問啦

.

4⃣要盡快了解同適應條team嘅文化同進入工作狀態：每一個工作環境都一定會有唔同的文化，例如有啲team head 可能鍾意同事用email 問佢野，等佢有時間先覆你;有啲就唔鍾意你不停傳電郵，塞爆佢個mail box，係呢啲時候同學就要醒目啲，留意同配合返佢地嘅做法；而且同學第一次去到新工作環境都唔好咁興奮，記得要沉穩同專業啲，唔好俾人覺得你仲係小朋友👶🏻

.

5⃣做野要有交帶：

返工最重要其實係有交帶，如果老細俾左啲task同死線你，你當然要盡量做好，而做唔到時都要記得盡早報告返佢地知，唔好去到過曬deadline,人地問你先話未做好；又或者好多公司都會安排intern 去參加trainings, 同學都要記得預先通知supervisors,唔好突然失左蹤無出現咁。一旦留左個無交帶嘅印象俾supervisors,就會好影響到拎return offer的機會

.

要爭取return offer 當然仲有好多細節要留意，唔只以上5個重點。同學如果仲想知埋其他tips,可以下篇文到再睇下！#achievewithus #hkcareers