.png)
Market唔好時一定要報HKMA, SFC, HKEX同HKIA？ 話你知做監管機構Regulators嘅四大優勢同難度指數！
除左政府工外，其實仲有一類機構係無咁容易受到市場或經濟動盪影響而大Cut headcount嘅，講緊嘅就係監管機構Regulators！入Regulators工作可以話係Market唔好時進可攻，退可守嘅選擇，既可以有政府工穩定嘅好處，又唔會同市場脫軌。有見及此，HKCareers係今篇文就想為你講解下入監管機構工作有咩優勢同難度！等你知道點先可以係經濟低迷、失業率飆升嘅情況下依然搵到份好工！記得Save同睇清楚今日篇文！
.
⭕️點解係呢個市況下，你一定要報Regulators？
✅Salary Package吸引，不遜於銀行及其他大公司：監管機構有少少似係半政府類嘅機構（Half-government Body），人工及福利亦非常吸引，以HKMA為例，2020嘅Internship人工係HKD10,500，而MT嘅人工更可達HKD40,000，甚至比IB middle and back office更高！
.
✅容易轉返入市場工作，出路多Prospect好：相比起好難轉返出去其他行業嘅政府AO或EO尼講，監管機構因為同Market嘅關係密切，如果同學之後想轉返出去其他行業做亦非常容易，Exit Path肯定比公務員好！而且係當下Market不穩定嘅情況下，監管機構後面因為有政府撐住，較少出現截員或Cut Headcount等情況！因此絕對算係進可攻，退可守嘅選擇！
.
✅Exposure不錯，不只做Compliance-related工作：監管機構嘅工作內容當然同Compliance息息相關，但同學千祈唔好以為Regulators就只會做Compliance-related嘅工作，其實係Regulators入面有好多不同嘅學習機會！以HKEX為例，如果你入左嘅係Market或Market Development Division，就有機會參與OTC Derivatives Product Development，亦會推銷一啲Clearing服務同產品俾資產管理公司（Asset Man-agement Firms），亦都即係話HKEX有部分工作內容其實同投行Sales & Trading 嘅Sales非常類似！所以話Regulators工作時Exposure一啲都唔少！
.
✅係監管機構做只係成Paper Work，完全無對外交流？
好多人認為監管機構做Compliance，就只係做Papar work，日日寫寫Policy就完成。但其實做監管機構好多時要做埋Supervisory及Enforcement，例如HKMA或SFC經常要派人入到去大小公司入面，研究同調查公司嘅交易及内部控制（Internal Control）程序、核算公司盤數、調查Sales有無誤解或誤用左不同監管條例，甚至係放蛇等。所以監管機構唔單止係制訂監管條例，仲要「走入市場」去睇每間公司嘅實施情況，變相係做完監管機構後，大家就會對不同公司嘅實況非常了解，例如你係SFC做，負責監管嘅公司有Blackrock或JPM等，你就會對Blackrock或JPM嘅Internal Control 非常熟悉，咁你之後想轉入呢啲公司工作都會易好多
⭕️入Regulators工作有咩難度？
✅Headcount本身就唔多，競爭好大：既然入Regulators有以上咁多好處，自然會有好多人競爭！而且Headcount真係唔多，佢地只會挑選一啲最勁嘅Candidate！如果同學想爭入去，就更加要做好準備，Build up好自己個Profile！
.
✅難度指數：
咁係香港只有四間主要嘅Regulators有做Recruitment：HKMA金管局、SFC證監會、HKEX港交所及HKIA保監局，以難入程度尼排就會係（最難到最易）：
▶️HKMA金管局：比較喜歡請有Master Degree嘅同學
▶️SFC證監會：Major in Business Law嘅同學會有優勢
▶️HKEX：HKEx其實同HKMA及SFC有少少唔同，會企得比較入Market入面，EX本身甚至亦係間上市公司，所以Exposure好唔錯！
▶️HKIA：由於HKIA個機構本身都好新，佢地個MT Program亦只係搞左2-3年！識嘅同學比較少，所以反而會易入啲！
.
之前有好多唔同Major嘅同學DM問HKCareers，佢地嘅出路係點，其實Regulators亦會考慮好多非BBA畢業嘅同學，如果你有同學仲疑惑緊自己嘅出路，不妨係下面Tag/Share篇文俾佢，話佢知Regulators呢個選擇🙂！
