top of page

2023年尾大學生報工5件大事回顧:今個招聘季度,香港同學(你)究竟經歷緊啲咩?



【2023年大學生係報工時,究竟經歷緊啲咩⋯⋯?】Internship及Grad Job Market每年都發生緊好多事;雖然話每屆嘅同學都會有各自嘅難處,但當HKCareers💡咁貼身陪住你去經歷2023/24年呢個Recruitment Season時,我哋確確實實可以睇到,今年嘅同學真係比過去兩年辛苦同困難好多🥺唔只係Market差,而係方方面面都多咗好多難處!去到2023年尾二呢個Post,小編就想同各位香港大學生一齊做返個報工大事回顧,一齊睇睇今年香港同學究竟經歷緊啲咩!如果你都親身感受/經歷咗以下5件大事,就記得俾個♥️話俾小編知道啦!

.

💡2023年尾大學生報工5️⃣件大事回顧:

1️⃣投行Headcount大跌——Return Offer跌,整體競爭更激烈!

同學可能都有聽過或親身經歷,投行唔只Headcount cut咗,連return offer都cut咗唔少。即係話,好多CV上拎住勁靚經驗嘅同學(講真,會出Return Offer嘅,又有邊間大投行同銀行嘅Brand Name係唔靚呀?),就不得不湧返出Market重新報工,甚至選擇defer去繼續報實習。今年【所有公司】嘅競爭都因此變得更加激烈,令好多本身今年需要儲第一份投行/銀行實習經驗嘅同學都被逼食白果,受影響嘅同學絕對唔係少數🥺

.

2️⃣更多香港同學投報外國公司

唔只講緊係UK讀書嘅香港同學會報英國工,今年亦多咗香港本地嘅同學,會試吓越洋去報UK或新加坡等地嘅公司(特別係投行啦)!雖然都有見到極少量嘅成功例子,但係同學去報外國公司時,必須要留意,全球經濟其實都唔係咁好,報外國工唔一定會易過香港!加上有好多大投行/公司嘅招聘系統其實係全球通用,而佢哋只係接受申請者遞交一份表,即係你報完香港,就唔可以再報外國Office,唔係就好容易被取消資格!

.

3️⃣所有行業嘅面試都多咗Tech Qs 及ESG元素

同學都應該對AI / ChatGPT唔陌生,不論工作、讀書、搵工上都幫到我哋提升效率!正正因為咁,市場競爭大咗,面試各方面嘅standard亦都高咗,例如:面試問題technical knowledge嘅含量、Behavioral答案嘅標準、每間銀行唔同嘅職位都會要求你有tech sense,唔淨只係Back office或Tech / Ops,而家就算Sales或Marketing嘅role都要識Tech,去運用AI 及唔同嘅tools!除此之外,各大公司都幾重視ESG awareness,所以頗多面試問題都會關於ESG!

.

4️⃣間間公司都要做Online Test:Apt Test及Video In準備時間倍增!

以前並唔係所有公司都有Apt Test及Video In,但今年確實見到更多公司使用Apt Test、Game-based Assessment或者Video In,由於每間公司用嘅system都唔同,變相同學準備同練習嘅時間都會增加。加上啦,而家都多咗Source流出,以前唔知題目類型就話大家都唔使Prep姐,而家多咗Source,你都唔好意思唔準備吓。好處係,你如果認真做準備,咁就一定會有回報(無咁易Prep咗啲唔關事嘅嘢);麻煩位係,每位同學都花多咗時間去做Training!

.

5️⃣F2F面試數量回升!

上年同前年仍舊受到疫情影響,好多公司依然會做Zoom interview,但今年開始好多公司 (例如Banking、Finance、Consulting) 要求同學做返Physical interview。Virtual同Physical In嘅數字大概係一半半啦,由於兩種面試嘅類型同準備唔同,而同學近年較少練習F2F面試,到時就可能會無咁慣或者in得唔係咁好喇!

.

所以話,今年香港大學生去報工,真係特別唔容易🙈能夠拎到Offer嘅你,或者已經好努力行到去Final In嘅你,全部都辛苦曬啦。至於仲努力緊嘅同學,係睇完今日呢篇文,了解完2023/24年嘅報工實況,相信你係2024年都可以更好地做準備!

.

當然要記得 #認同請分享 ,將個Post分享出去Story,話俾呢個世界知道,今年我哋真係好努力咖啦🥺!!2024我地一定會拎到靚Offer💡!

.



Categories
Recent Posts
Archive
Follow Us
  • Facebook Basic Square
bottom of page