DSE考生排JUPAS必讀：DSE考生排JUPAS必讀：科大/ 城大 / 浸大學生搵工有咩優劣勢？

【JUPAS揀科，你睇埋科大/ 城大 / 浸大同學搵工嘅優劣勢未？】HKCareers💡之前就為DSE同學分析吓港大/理大/中大同學搵工嘅優劣勢，估唔到唔只DSE同學有興趣，連好多大學生都想知道，自己院校嘅：

✅時間表

✅GPA成績評核準則

✅學科優勢

相對於其他大學有咩唔同！今日就等HKCareers為你再分析埋HKUST、CityU及HKBU呢三間院校嘅同學喺搵工上有咩優/劣勢，記得俾個♥️再睇落去啦！

.

🔥HKUST 科大

✅科大Sem Break長，喺最容易做到Winter Intern嘅一間大學🥰！

科大嘅Winter長達一個月，令到科大同學最有本錢去報Intern嘅同學！雖然話香港有開Winter嘅公司唔算太多，但只要科大同學勤力啲去報，能夠拎到Offer嘅機會率都好唔錯（因為少好多人爭），大學四年時間，就等於佢地比其他院校嘅同學多咗3個機會去砌CV！喺一個好明顯嘅優勢！

.

✅ 科大讀書壓力大，好難拎到靚GPA🥺？

科大嘅GPA採用4.3制，一傾到成績相關事宜時，好多UST同學第一個反應都喺：「我地讀書壓力真喺好大！開學第一日拉把已經坐滿溫書嘅人！」其中一個原因喺大部分科目拉curve都拉得好勁，舉例來說，某科100%嘅分數分佈，可能會喺：

📍10% Projects

📍10% Presentations

📍10% 出席率/Participations

📍30% Midterm

📍40% Final

只要有其中一樣達唔到mean嘅話，你可能都好難攞到A grade。因此科大同學一定要好辛苦同努力確保自己每一科每一樣評核都要全力以赴！

.

✅Broad BBA Program設計，可以俾你體驗完再揀主修科！

科大商學院世界排名頗高，認受性好好！而同學喺入學前，如果仲未諗好之後想專注喺邊個商業領域，科大嘅課程設計就非常好啦——Broad-based BBA Program，意思喺你Y1會先讀曬金融、管理、Marketing、Econ及Coding等嘅課程，等你了解自己嘅能力同興趣，再決定之後揀咩做主修！

✅揀選心儀Major，競爭好大？

但喺揀Major之上，科大同學嘅困難之處，就喺競爭好大，唔喺你想揀就會揀到！如同學若想讀學位比較少嘅Fin，金融嘅基礎課程必須達到B+至A嘅成績，先能夠確保你入到！不過FIN、ISOM、Accounting同Mgnt呢啲主修，都只喺需要你喺升Y2時報名，唔需要特別做面試

.

如果你想報嘅喺「神科」，Y1時就已經需要報名，呢啲科系除咗有GPA要求外，仲要睇埋你CV同面試等嘅表現！據聞GPA：3.0會有GBUS嘅面試機會、GPA3.3有RMBI/ECOF嘅面試機會、Best 24 credits GPA 3.7就會有QFIN嘅面試機會！不過雖然難度有返咁上下，呢啲「神科」嘅同學要拎到靚Offer，又真喺容易好多嘅，唔喺都唔會咁多人爭啦！ .

✅轉主修同 Double Majors都唔算太難！

不過科大亦俾學生好大自由度去轉主修科！有科大同學分享俾我哋知：佢有朋友Y1直入咗RMBI，但讀讀吓發現自己更想讀QFIN，最後只要Fulfill學系要求，就可以成功轉咗主修科！可見科大都俾同學唔少多機會去探索自己嘅方向，所以Y1先發現自己唔太適合某個科目時都唔使太氣餒！

.

另外，科大同學畢業要先完成120 credits嘅要求，如果同學對electives & common core冇興趣嘅話，可以選擇做雙主修科，例如比較受歡迎嘅組合有：GBUS+FINA、ACCT+FINA、FINA+ISOM、MARK+MGMT等，令你喺搵工時更有競爭力！

.

（小編注：同學如果發現科大嘅貼士寫得特別長，唔喺因為HKC偏心，而喺因為我地做訪問時，科大同學聽到要俾貼士DSE同學，佢地嘅反應就超級踴躍，令到以上資料可以咁詳盡！喺呢度都要特別多謝每位做分享嘅同學🙏🏼！）

.

🔥CityU 城大

✅城大返學時間鬆動，搵實習極容易？

如果同學有留意HKC之前比較各大院校Sem Break篇文，應該已經知道城大嘅時間表比其他院校有彈性😝唔只暑期可以返到兩份實習，好多城大同學只要揀科揀得好，一星期仲可以安排到1-2日/半晝嘅時間去返PT，自由度相當高！

.

✅城大同投行/Big 4有合作，提供實習機會（同時賺埋Credit！）

城大同學同HKC分享，佢哋嘅商學院亦同好多投行/Big 4有合作，同學去報某幾個credit-bearing嘅課程（如AC4383），學校就會幫助佢同呢啲大公司做配對，同學既可以儲到實習經驗，又可以賺Credit，為之後嘅發展鋪路！🥳

.

🔥HKBU 浸大

✅浸大學生揀Econ有助拉高GPA？！

浸大嘅同學，如果想拉高GPA，都可特別選讀經濟學嘅課程，由於某啲經濟學課程嘅成績分佈相對較高，甚至可以俾出超過100%嘅成績😮，加上有浸大同學分享：有啲經濟嘅Intro Course，課程內會同DSE Econ有唔少重疊，讀過DSE Econ都會有好大優勢，同學不妨揀經濟學科目為自選科，對提升GPA有幫助，當然同時亦要留意有關課程嘅更新啦！

.

✅文社科、傳理及中醫藥等科系非常出名！

而喺商科之外，浸大嘅文社科、傳理及中醫藥等科系亦非常出名，當中傳理及中醫藥都會有不同Placement機會，喺搵實習/求職之上，同學嘅安排都會比較明確！

.

睇到呢度，相信各位DSE同學對不同院校嘅搵工優勢都會多咗認識！最後，當然要分享個Post俾你嘅同學/師弟妹，叫佢地一齊留意吓JUPAS排位有咩要留意！

.

#achievewithus #Internship #summeranalyst #hkunistudents #hkust #cityu #hkbu #dse2023 #dse2024 #hongkong