top of page

大學生銀行入門基礎投行同銀行嘅「財富管理」部有咩分別?


【財富管理原來咁複雜?】如果話係投行同銀行報工上,有邊個部門名最容易引起誤會,咁就一定係「財富管理」😮!唔知同學有無留意到,原來投行同銀行嘅Wealth Man,係兩個完全唔同嘅部門!難入程度差天共地!唔想自己報錯Team?想知投行嘅Wealth Man- Private Banking及銀行嘅Wealth Man - Retail Banking有咩分別?咁就要俾個♥️再睇落去!

.

⭕️Wealth Man係投行同銀行代表兩個唔同嘅部門?

➡️投行嘅WM一般係指前台 - 私人銀行Private Banking,即係服務UHNW有錢人嘅部門,所以有部分投行亦會將私人銀行改咗名做PBWM!

.

➡️銀行就好常用WM呢個字去代表零售銀行Retail Banking,即係負責服務我同你呢啲零售客戶嘅部門,例如HSBC嘅零售銀行就係叫做「Wealth & Personal Banking 」!

.

⭕️銀行嘅Wealth & Personal Banking - Retail Banking做啲咩?

➡️零售銀行服務咩客?

零售銀行主要服務普羅大眾。但同學唔好誤會,以為零售銀行嘅Intern及MT就一定要坐落分行或櫃位。事實上,零售銀行嘅Intern或MT好多時都係負責做Strategic Planning、Product Development及確保銀行服務係完善,而令到客戶使用嘅經驗係正面嘅!

.

好多大銀行仲會將Digital Bank放係零售銀行架構之下。所以想入數碼銀行嘅同學,亦都要去報Wealth & Personal Banking啦!

.

➡️零售銀行要做啲咩?

主要提供以下產品:

1️⃣Loan貸款 : 貸款就係客戶向銀行借錢。常見貸款有私人貸款,樓宇按揭,汽車貸款,信用卡等。Loan有分secured(有抵押)同unsecured(無抵押)。Mortgage係Secured loan ,當你無力償還貸款,銀行會收番作為抵押嘅物業。Secured loan風險較低,所以額度較高,年期較長,利率更低

.

2️⃣Deposit存款:存款就係銀行向客戶借錢。常見嘅定期存款要求客戶將錢放係銀行一段時間,屆滿後就可以收番本金及利息

.

3️⃣Insurance保險 :通常銀行sell嘅係儲蓄保險,具備意外,醫療保障。儲蓄保險除左保證回報,亦有非保證回報,所指嘅係受投資組合表現影響嘅浮動回報

.

4️⃣Treasury Product e.g. FX/IR Swap - 財資產品包括外匯掉期、利率交換等。即係透過買賣唔同貨幣,賺匯率升跌嘅差價

.

⭕️投行嘅WM - Private Banking做啲咩?

➡️私人銀行服務咩客?

而投行嘅私人銀行雖然都好常叫做財富管理,但工作內容同服務客戶就同零售銀行差好遠啦!Private Bankers服務嘅係high-net-worth或者Ultra high-net-worth individuals,即係有錢人中嘅有錢人。佢地需要同客戶直接接觸,建立私人關係

.

➡️PB要做啲咩?

PB主要有兩個職能:

1️⃣RM: 負責同客戶溝通。客人如果想做任何買賣、選用任何產品,都會同RM聯絡。佢地要做嘅Paper work 較少,需要花多啲心機係建立關係上。銀行內部亦會搞好多富豪社交活動,例如係馬會搞晚宴、賽馬觀賞日或去遊艇會搞活動等,所以Private Banker有好多機會擴展網絡,出入高檔地方🤩而幫客戶做財富傳承(Wealth Transfer)或稅務計劃(Tax Planning)亦係私人銀行好重要嘅工作

.

2️⃣Investment Specialists:有錢客需要俾高昂管理費,採用嘅投資策略固然比Retail複雜得多,會用上一啲複雜嘅投資產品、結構性衍生產品,或者由RM轉介去投資對沖基金或私募基金咁。而除左RM外,私人銀行入面亦會有專責提供建議嘅Investment Specialists

.

⭕️不同銀行WM分工——花旗及渣打篇:

但同學亦請留意,不同銀行嘅分工可以有好大分別!例如喺2022/23年Recruitment Season:

▶️花旗:將零售銀行拆咗做Consumer Bank、Consumer Ops及 Citi Global Wealth三個部門。同學請特別留意Citi Global Wealth其實都喺做緊零售銀行嘅財富管理,例如喺mutual funds、structured products及保險等,並唔喺投行PB嘅意思

.

▶️渣打:而渣打嘅CPBB就更加複雜,囊括曬所有財富管理相關部門!簡單直接去講,就喺無論你想做投行PB或零售銀行,報渣打時都要直接報咗CPBB先!

.

同學可能都無諗過只係「財富管理」呢個字都已經有更多野要留意!但無論你係想入零售、私人定其他銀行部門,都一定要繼續Follow #HKCareers ,✅掌握大學生必知嘅 #Internship/#GradJob 求職資訊,✅及搵工面試最實用嘅貼士☺️!

.


תגובות


Categories
Recent Posts
bottom of page