Guosen

想入iBank 但又覺得外資行太難入？😢

同學想入外資行IBD/S&T/PB/Asset Man難度有幾高大家都知，幾個月前小編係其中一篇文提及過中資既iBank (劵商)其實有啲都做得過。 👌 👌 👌

好想入呢一行既同學，呢個時候不如考慮下中資大型劵商同投行。小編覺得中資投行，例如：CICC,ICBCI,BOCI比大行Com Bank/Corp Bank/ iBank Middle & Back Office難入，不過其他十大中資劵商就比 Com Bank MT易入。雖然底薪好多都會底過20K，令不少同學抗拒。🌚🌚🌚

中資劵商同投行底薪係就係唔太吸引，而且工作時間又長，不過近幾年中資劵商既生意實在Grow得太勁， 令Bonus都幾和味。十大中資劵商不時都聽到可以有十幾個月Bonus，普普通通果啲都有六至十個月，咁整體package就還可以。🌞

而大型中資劵商中，國信證券（Guosen Securities）會係一個唔錯既選擇。國信係中國證券市場中最早經營既三家劵商之一，近年係中資劵商排名都算穩定，長期保持係五至十位。而MT Program雖然出價比海通低而又無咁well-structured，但就比較易入，口碑幾好。不少Junior Candidate 都表示人工同培訓會比其他十大劵商如廣發、國泰君安(全行出名人工低) 、銀河、招商證券等好啲。

而特別既係國信做IPO Team真係唔錯。2015年以來，由於 A股上市公司數量快速增長，多左IPO Deals，而不少A股上市都係由中資券商負責，所以中資券商既IPO承銷收入上升不少。2015年至今，IPO承銷收入排名前四既中信證券、廣發證券、中金公司、國信證券，共保薦225家公司做IPO，承銷費收入93.67億元，佔成個市場總承銷費用的26.62%，可見國信IPO Team有幾勁。🔥

不過做中資劵商要跳返外資行都唔係話咁易，起碼你Deal Record 一定要好出色先會考慮。另外，中資係Products同Operational Flow比起外資仲有好大改善空間，變相令中資劵商有好有唔好啦！🌓

🔆重點！！！小編Brainstorm 緊，下星期寫MTR好，定Jardine好，定其中一間Big4好，同學仔不如比下意見，我地會簡多人想知既果間公司去寫下。📊

👍睇完記住比個LIKE啊！(IG=hkcareers)