top of page

3️⃣大必學建立LinkedIn Profile貼士！


【可以利用LinkedIn幫你搵到份好工？】

相信大部份同學都會有聽過「LinkedIn」呢個平台，有唔少投行MD間唔中喺嗰度分享工作趣聞，唔知同學有冇諗過其實呢個平台可以拉近你同各大投行MD嘅距離？只要同學行前一步，仲可以同MD安排coffee chat，分分鐘仲會多個面試機會！想知點先可以更有效地利用LinkedIn呢個平台建立人際網絡，俾個like睇埋落去啦！(拉到最後包你唔會後悔！)

.

【LinkedIn超簡介】

⭕️LinkedIn 係一個專業嘅社交平台，幫助用家同唔同行業嘅專業人士connect、分享資訊同埋尋找工作機會。用家可以喺度展示自己嘅學術背景、工作經驗同埋專業技能。簡單嚟講，LinkedIn 係一個擴闊你職業圈子同埋提升專業形象嘅好地方！

.

【建立LinkedIn Profile必知貼士！】

要玩好LinkedIn呢個社交平台，首先當然係要建立一個吸引人同埋令人信服嘅profile page！IBankCoaching就為你整理咗3️⃣大必學貼士！

1️⃣好好整理你嘅學術背景及工作經驗： 用清晰同埋簡潔嘅語言描述你嘅專業技能同埋成就

2️⃣花時間影一張專業嘅LinkedIn propic：同學試諗吓employer決定同唔同你connect，第一印象就係張propic。如果第一眼已經可以吸引到employer撳入去你嘅profile裏面睇你嘅工作經驗，你已經成功咗一半！所以一張專業嘅propic係超級超級重要！

3️⃣寫多啲工作細節：當同學寫工作經驗嘅時候，記得一定要精簡地表達過往嘅工作細節，咁樣employer先會更快地判斷你嘅工作經驗符唔符合公司嘅要求。好彩嘅話，如果公司覺得你合適，就會直接LinkedIn聯絡你，邀請你同相關部門面試。

.

【點樣可以透過LinkedIn搵實習工作？】

⭕️搵工係LinkedIn 其中一個主要功能。喺「Jobs」嗰度搜尋你嘅職業目標同埋興趣。LinkedIn 會根據你嘅個人資料同同學輸入嘅資料推薦相關嘅職位同埋公司。

⭕️另外，同學都可以喺「My Connection」度connect你有興趣、行內專業人士。透過建立關係同交流，set up一個coffee chat，咁就可以有更直接對話，透過呢個機會，同學可以了解多啲行業最新趨勢同埋公司內幕消息。

⭕️唔少公司都喺 LinkedIn 上招聘intern/ grad analyst，你可以喺度搵到同你學術背景相符嘅工作機會。所以同學一定要記住喺個人資料內突顯你嘅專業技能同埋成就，令潛在僱主睇到你嘅價值同潛力先係最緊要！

⭕️同學可以喺呢個平台同業界專家、校友同埋同學連接，分享最新工作方向。同學仲可以透過文章分享嘅功能展示你嘅獨特見解同埋寫作能力，絕對有可能會引起潛在僱主嘅注意！

.

【LinkedIn仲可以學到書本以外嘅知識？】

⭕️除咗建立個人profile同埋connect其他專業人士，LinkedIn 仲提供一個寶貴嘅學習資源——LinkedIn Learning。同學可以透過數千個線上課程，學習各種職業技能同埋行業知識。由營銷策略到數據分析，由領導力到最近大熱嘅編程都應有盡有

⭕️同學可以根據自己嘅興趣同埋職業目標自由選擇課程。透過不斷學習同埋增值自己，提升自己嘅競爭力同埋不同skillset，LinkedIn仲會喺「Skill」度幫你展示出嚟，令你嘅profile更上一層樓！

.

不過咁，以上只係一個簡化版嘅貼士，IBankCoaching今次仲準備咗一個LinkedIn懶人包，一次過話你聽所有重要貼士！想要免費領取嘅同學，就請你喺6月2日(五)之前：

1️⃣Follow IBankCoaching

2️⃣Like呢個Post

2️⃣Share呢個post去你IG Story

3️⃣DM返個Screenshot比我哋

咁IBankCoaching就會send個懶人包比你㗎啦！

.

最後，如果你想知我哋嘅coaches可以點幫到你拎投行offer，就記得去 ibankcoaching.com 參加program demo啦！



Categories
Recent Posts
bottom of page