3月最新Market News懶人包

【用3分鐘了解哂成個市場發生咩事！】市場每日都變得好快，網上亦會有不同方面嘅資訊湧埋嚟，搞到同學有時好難分辦邊啲新聞對你嘅面試幫助最大，即係話，當面試官問你最新market news嘅時候，可能你會答咗啲完全同個role無關嘅新聞，唔單只impress唔到個面試官，仲好難表現到你係最適合加入投行嘅一個Candidate，咁就好難成功進展到下一round😟有見及此，IBankCoaching就請教咗我哋嘅投行Coaches，為你分析4個大學生必需知道嘅行業發展，包括：

✅Equity市場

✅Crypto市場

✅地產業

✅晶片、電動車、房地產

想用一篇文去了解成個市場最新趨勢，就俾個❤️再睇落去！

.

💰Equity Market

美聯儲主席鮑威爾曾經提到「討論緊減息」嘅言論，全世界對呢個消息亦持正面態度，所以股市都係升緊，甚至跑贏左通漲，中國股市更因此錄得96億美外資淨流入！不過，始終未知減息幅度幾多，所以都有暗湧，而且美國大選、全球地緣政治局勢都令股市存在風險，但如果聯儲局喺今次減息中實現經濟「軟著陸」，咁相信未來股市會表現唔錯！

.

▶️對同學有咩影響？

股市造好，生意自然多，變相投行會請多啲人應付工作量，headcount會有正面影響✅

.

💰Crypto

受股市帶動，Crypto市場亦表現不俗！作為投資工具，投資者預測減息，會將資金由美國國債同定存放入股市或Crypto，需求大就自然升。除此之外，Bitcoin預計嚟緊會有每4年發生一次嘅 Halvening，簡單黎講，就係會令新比特幣產量減半，喺供應大幅減少嘅情況下，令Bitcoin價格今年已累積積升超過60%，甚至有機會繼續升。

.

除此之外，美國證券交易委員會 (SEC) 更批准咗市場上第一隻比特幣ETF，連埋減息同Halvening嘅出現，Crypto真係好難唔升！

.

▶️對同學有咩影響？

Crypto市場表現咁好，同學仔可以留意吓細型Crypto公司嘅招聘，嘗試接觸下呢個行業；同時未來比特幣ETF相信會愈來愈多，所以S&T及PBAM嘅headcount係會增加㗎！

.

💰Property

喺地產界入面，最大嘅新聞莫過於政府決定「撤辣」，住宅物業交易唔洗再比額外嘅印花稅、買家印花稅及新住宅印花稅。呢個措施並唔係話令本地需求增加咁簡單。同學要知道，喺已發展地區買樓嘅成本其實唔低，例如喺新加坡要比額外買方印花稅（ABSD），稅率高達60%！香港呢次嘅「撤辣」係大大降低交易成本，吸引大國際炒家／買家嚟香港買樓，就算樓市會跌多20％，都唔會比喺美國、英國嘅稅率多，變相無蝕到！當地產市場表現良好，發展商自然會推出更多樓盤，買家又再買樓，令資金回籠，形成一個良性循環。長遠而言，對香港嘅經濟可以話有支撐作用。

.

▶️對同學有咩影響？

既然樓市向好，同地產相關嘅headcount當然會上升，除左傳統發展商新鴻基、新世界，相信有地產業務嘅conglomerate，例如太古、怡和嘅headcount都會有所增加！

.

💰晶片、電動車、房地產

不過喺晶片市場嚟講，就有啲暗湧啦，雖然中國晶片市場銷售上升，但由於存在政治風險，美國有傳會加碼制裁；中國電動車市場一直擴展緊，預計今年會佔市場份額78%，但地緣政治因素令出口造成挑戰；房地產市場更加唔洗講，恒大爆煲都仲未拆掂，種種消息都令消費者對房地產失去信心。

.

▶️對同學有咩影響？

喺投行面試嘅時候，面試官最鍾意問嘅問題就係「Tell me a recent news」，喺呢個時候，同學就需要答得出詳細嘅行業分析啦！

.

最後，市場每日都變幻莫測，即使呢一刻市場表現好，但下個月有可能因為唔同因素而好大上落。所以如果同學想第一時間掌握最新市場趨勢，就記得follow @ibankcoaching ，每個月為你提供最新Market Update☺️

.