top of page

免費跟前IBanker學Pitching技巧


【有得免費跟前IBankers學做Pitching技巧？】想入投行前台嘅同學都知道面試經常會做pitching，但網上好難揾到凖則去定義咩先為之好嘅pitching，搞到同學準備完都唔知自己做成點。唔洗怕，機會來了！IBankCoaching今日就話你聽，Youtube有個節目叫「Shark Tank」，可以直接跟前IBanker學做pitching🤩連同學熟悉嘅Coffee Meets Begal都曾經上過去，但當年係失敗收場，到底係咩原因造成？今日就等IBankCoaching為同學一一探討：

✅節目小簡介

✅有邊3大pitches同學好值得去學？

Share個post俾你朋友再睇落去！

.

【節目小簡介】

▶️Shark Tank係一個美國嘅電視真人秀。節目中，企業家須向五位風險投資家（被稱為「sharks」）組成嘅評審團進行 business presentation，評審團會決定係咪投資落呢啲公司

.

▶️評審團通常評價企業家產品、業務模式或公司估值。如果評審團成員對企業家嘅business presentation感興趣，企業家可以喺節目度同佢哋達成口頭協議🤝 但如果所有sharks 選擇退出，企業家就會空手而回

.

【喺前IBanker身上學pitching skills！】

Justine 同 Adrian 兩夫婦曾經有高薪厚職，Adrian更係最年輕嘅華爾街 IBanker，有多年喺Equities工作嘅經驗！但一直以黎都幫「成功人士」投資嘅佢，開始失去當初入行嘅快樂，於是，為咗尋找理想就造就咗The Woobles嘅誕生。

.

為咗用公司 5% 嘅股權換取 25萬美元投資💰，佢哋有好好利用pitching skill （其中最重要嘅就係storytelling），Adrian強調The Woobles係一間「教育公司」，希望鉤織套裝能夠作為提升自信、學習新事物嘅契機，令人突破自己，隨後講述公司 2年內獲得5.3M 毛利嘅成就，突顯公司嘅價值同強大嘅潛力，吸引sharks投資。呢個pitching就成功為佢哋以 6% 嘅股權超額獲得 45萬美元嘅投資。

.

除咗用故事講述公司嘅價值，同學仔有兩大方面可以學習Adrian嘅pitching skills！

1️⃣語氣要展現自信：佢地都以天真活潑嘅語氣介紹The Woobles，更配合肢體動作，不但能為自己留下印象，也能更具體令對方清楚你嘅goal，咁就能散發自信，說服對方！

2️⃣用數據說話：當sharks問到The Woobles利益、成本分佈時，Adrian都能夠快狠準地用啱嘅數據證明公司嘅實力，令對方有信心投資！

.

【史上最高Valuation｜咩先係強勁negotiation skills?】

Justin 間公司發明世上第一個自潔水瓶，水樽有專利技術自行消滅細菌，甚至進行清潔消毒。佢希望可以用公司 1% 股權獲得 50 萬美元投資，有 shark 聽到佢獅子開大口🦁當然問點解夠膽提出咁大估值，佢就用數據 support，話大型飲用水市場喺全球層面值 3000 億美元，而可重複使用水樽嘅市場只佔 7%，所以好有潛力！🤩

面對啲 sharks嘅質疑，Justin 繼續用數字理論，雖然佢嘅Staistics證明到公司有潛力，但係見到個valuation咁高，唔少 sharks 都走夾唔抖，甚至有 shark 串佢得到嘅 valuation offer 只會越來越低😤 但面對呢個情況，Justin無放棄，繼續拋出唔同嘅negotiation嚟遊說，最終成功爭取以 4% 嘅股權換取 100 萬美金，可以話有驚無險！😎

.

同學仔可以發現即使proposal 不停比人ban，都唔代表做得唔好，所以千祈唔好氣餒，要保持冷靜，聽對方疑惑嘅地方，再分析要點樣說服，咁就可以好似 Justin 咁逐步得到sharks信任！

.

【Coffee Meets Bagel上過去｜最後失敗收場】

相信同學都有聽過Coffee Meets Bagel 。呢間公司希望徹底改變人搵愛情嘅方式，將交友 app 同社交網絡結合，為單身人士提供最高質素嘅交友服務💖 起初佢哋希望可以融資 50 萬，換取公司 5% 嘅股權。

.

一開始 sharks 都對呢個proposal幾有興趣，但當 shark 問依家個 app 有幾多 active users，佢地就隻字不提🫢 後來問到profit，先話佢哋年薪只得幾千美金💸 所以，sharks 覺得佢哋嘅公司係一場 賭博🎲 即刻選擇唔投資❌ 當大部分sharks 決定退出時，最後一個shark Mark Cuban竟提出用 3000 萬買起間公司，但最後pitcher就無接受呢個offer，空手而回🥲

.

睇到呢度，相信同學都明白pitching時用數字說話有幾重要，雖然佢哋 pitching 令 sharks 心郁郁，但當佢地唔肯分享數據時，sharks 就會覺得件事好奇怪而退出，所以同學仔如果令 pitching 成功機會大增，就記得用多啲實際數字去 support 自己嘅 proposal 喇！ ☑️

.

其實 Shark Tank呢個節目好多地方都有，可以俾企業家展示佢哋嘅創業理念，同埋籌集資金。YouTube都有好多其他pitching嘅視頻，好值得同學借鏡，記得分享呢個post俾你朋友，一齊睇「Shark Tank」學pitching啦！

.


Categories
Recent Posts
bottom of page