top of page

全球10大Consulting firms排名來了！


【有間Big4都喺頭十當中？】雖然經濟仲未完全復甦，仲有好多新聞提及不同投行/銀行有layoff plan嘅打算，但係同學有無諗過喺呢種情況之下，反而有個行業生意會越做越好，講緊嘅就係「Consulting」啦！咁係因為當投行/銀行做得差嘅時候，佢哋就會諗辦法轉strategy，所以就需要Consulting公司提供專業嘅建議嚟做restructuring。因此，同學喺嚟緊6月開始報工嘅時候都要留意住consulting公司嘅opening。為咗方便同學知道全世界有邊啲龍頭consulting firms，HKCareers就參考咗Management Consulted網站整合出嚟嘅頭十間Consulting公司排名，想知就俾個❤️睇落去！

.

【排名係根據邊啲原則作考慮？】

排名主要根據3大原則嚟rank嘅，分別係：

1️⃣收入

2️⃣聲望： 最高、高、中等、小型

3️⃣員工考慮：professional opportunities、work-life balance、compensation等等

.

🔟Porsche Consulting

❇️Porsche Consulting係2024年先升上頭十名。呢間公司喺1994年由同名嘅跑車製造商分拆出嚟。呢間公司主要專注於為客戶提高業績，有三分之二嘅業務喺德國進行，而公司喺美國、歐洲及其他地區（例如：亞洲同南美洲）都發展得好快。

.

❇️Porsche Consulting嘅業務好多都同汽車行業相關，唔止呀，呢間公司對其他行業都好specialised，包括：航空航天、工業產品、消費品同埋建築等等。

.

💰年度收益：21.2億歐元

🌟聲望：中等（歐洲聲望較高）

🤩員工考慮：規模唔大，所以有高度自主性

.

9️⃣Oliver Wyman

❇️相信同學對Oliver Wyman都唔會陌生，而呢間公司亦發展得好快，同歐洲及亞太地區有緊密嘅聯繫。呢間公司出咗名career progression好快，每18至24個月就會進入一個新嘅晉升週期。而更有趣嘅係，《Fortune》雜誌指出Oliver Wyman並無要求candidates擁有advanced degree。

.

💰年度收益：25億美元

🌟聲望：高

🤩員工考慮：愉快工作環境

.

8️⃣OC&C Strategy Consultants

❇️OC&C係一間以做Strategy Consulting為主嘅公司，亦淨係做呢個範疇嘅工作。而其中一個較為出名嘅business line就係幫Private Equity做due diligence。OC&C喺倫敦成立，但喺美國迅速擴大佢嘅業務。呢間公司大部分時間都喺五個行業進行項目：Consumer Goods、Retail & Leisure、Business Services及Media & Technology傳媒同科技。

呢間公司喺11個國家設有14個offices，採用flat organisational structure，亦即係意味住任何級別嘅staff都可以同公司內嘅任何人合作 ─ 無論係實習生定合夥人。所以如果你想搵一間以能力決定career progression嘅策略顧問公司，OC&C Strategy Consultants就幾適合你。

.

💰年度收益：1.5億英鎊

🌟聲望：小型

🤩員工考慮：純專注於strategy work，輕鬆嘅工作文化

7️⃣L.E.K Consulting

L.E.K. Consulting係一間Management Consulting公司，喺1983年由三位來自Bain & Co. 嘅合夥人 James Lawrence、Iain Evans同 Richard Koch 創立。呢間公司主要提供企業策略、併購以及運營方面嘅服務。佢採用一個generalist model，涵蓋所有主要行業，包括：國防、航空、生命科學、醫療保健、能源、娛樂、交通、零售、消費品、金融服務同私募股權方面。而喺咁多個範疇裹面，大多業務專注喺Life Science & Healthcaare。L.E.K為咗吸納人才，仲會offer bonuses同埋incentive programs。

.

💰年度收益：7.5億美金

🌟聲望：中等

🤩員工考慮：工作時間長、人手不足問題、好強嘅mentorship文化、有bonus & incentive programs

.

6️⃣Kearney

Kearney（前稱A.T. Kearney）係一間美國全球Management Consulting公司，專注於為企業、政府及機構提供策略上同埋營運上嘅顧問服務。Kearney喺全球超過40個國家都設有offices。有趣嘅係，呢間公司大力倡導women leaders，特別係喺印度等國家，仲有提供幾個programs係以diversity同埋inclusion為主

.

💰年度收益：16億美元

🌟聲望：高

🤩員工考慮：工作文化好、做到work-life balance

.

5️⃣EY- Parthenon

Ernst & Young（EY）喺2014年收購咗The Parthenon Group，進一步增強咗作為四大咨詢公司之一嘅實力。EY-Parthenon專注於strategic consulting，目前喺全球擁有超過9,000位員工。EY仲為多個行業嘅C級主管、企業及組織領導者提供咨詢服務，包括消費品、多元化工業產品、教育、金融服務、醫療保健、生命科學、石油及天然氣、私募股權以及科技、媒體和電信等領域。

EY-Parthenon作為世界企業巨頭之一，仍然可以保持著其公司嘅文化特點真係好難得。喺呢間公司工作最正嘅地方就係有良好嘅同事氛圍、創業環境和透明管理。

.

💰年度收益：〜190億美元

🌟聲望：高

🤩員工考慮：超正嘅professional development

.

4️⃣Advancy

Advancy係一間專注於strageic consulting嘅公司，起源於法國。雖然團隊唔算大，但係就勝在夠靈活，主要為客戶提供深入嘅行業見解，專注於Consumer Goods、Life Science同Chemicals。成間公司大概有300人，。而最正嘅地方係公司每年都會舉辦一次員工旅行，成個團隊可以一齊去trip retreat吓😍

💰年度收益：9千萬美元

🌟聲望：小型

🤩員工考慮：無乜travel嘅要求、laid back文化、above average嘅work-life balance

.

3️⃣McKinsey

McKinsey一直被評為咨詢行業中最有價值嘅公司。自1926年成立以來，間公司已經喺全球超過120個offices，擁有超過38,000名員工。McKinsey出咗名招聘過程好competitive，鍾意請啲Ivy League背景或者有好多相關work experience嘅同學。除此之外，呢間公司亦出名請一啲非business degree嘅同學㗎！

.

💰年度收益：135億美元

🌟聲望：最高

🤩員工考慮：young adults嘅turnover rate頗高、好多career opportunities、工作時間長、需要constant travel

.

2️⃣BCG

Boston Consulting Group (BCG) 係咨詢行業中以創新思維領先嘅公司，專注於strategic consulting。全球大約有25,000名員工，分佈喺90個offices。BCG一直被評為最佳工作場所之一，即使需要長時間工作。該公司亦會為表現良好嘅員工提供獨特的programs，例如：Strategy Lab及BCG fellow program。BCG還提供多個以diversity為重點嘅programs及實習機會（呢個亦係其中一個公司的核心價值）

.

💰年度收益：117億美元

🌟聲望：最高

🤩員工考慮：工作時間長、demanding嘅工作文化

.

1️⃣Bain & Co

Bain & Co.係全球頂尖三大consulting firms中最年輕嘅一間。呢間公司非常重視團隊合作，依家喺全球50個offices裹面，已經擁有超過13,000名員工。雖然喺Bain & Co.嘅工作時間好長，但係就可以換嚟處理一啲有趣嘅project同埋超好嘅exit opportunities。間公司仲採用咗local staffing model，即係話啲projects嘅locations盡可能都會靠近每一間local office。

.

💰年度收益：60億美元

🌟聲望：最高

🤩員工考慮：工作時間長

.

不過咁，都要提返同學，每個人對公司嘅工作文化/感受都可能唔一樣，所以以上資訊只係俾同學作為參考。唔知同學又想入邊間做實習呢？不如去【hkcareers.hk】免費報名Program Demo & Career Advising Session，咁先可以徹底了解自己嘅profile最適合apply邊間conslting firm㗎嘛！快啲去免費報名 ，睇吓我哋點幫到你快人一步殺入Consulting行業啦！

.


Categories
Recent Posts
bottom of page