六大銀行Office大比拼！

【六大銀行嘅Office又有幾靚幾大😍？】之前HKCareers分享咗9大BB Banks喺香港嘅寫字樓分別喺邊！除咗投行外，相信同學同樣會想知嘅，就喺六大銀行嘅辦公室又會喺邊，有無投行嘅咁靚？今日HKCareers💡又整理咗六大銀行：匯豐、渣打、恒生、星展、東亞及中銀喺香港嘅地理位置，當然唔少得佢地辦公室有咩特別之處：✅無敵大海景、✅Open area、✅Food Bar同✅交通方便等因素，想知你之後會喺邊區返工？快啲俾個♥️睇落去！

.

▶️HSBC匯豐

其實HSBC除咗同學好熟悉嘅中環總行，佢係西九龍大角咀都有設立後台office㗎！HSBC Center共有三座，分別服務公司唔同嘅分行同部門。除咗食肆外，HSBC Center嘅辦公環境非常舒服，除咗有桌球台，員工專用嘅Café，最重要嘅係公司外牆係落地大玻璃！想像吓面對住全海景工作，返工心情都舒暢好多啦！

.

▶️SCB渣打

除左位於中環德輔道中，主要供前台部門使用嘅Standard Chartered Bank Building外，位於觀塘區嘅Standard Chartered Tower則主要供後台部門使用。Standard Chartered Tower位於創紀之城，鄰近APM同觀塘地鐵站，無論係同朋友同事聚餐，定係收工之後落APM shopping睇戲，都超級方便（唯一怕嘅可能就喺「哪裡只塞駿業里」😂）

.

▶️HASE恒生

恒生銀行嘅寫字樓名為恒生113，位於九龍城區亞皆老街113號。你又知唔知呢棟大樓選址同名稱都別有意思？「11」代表嘅係恒生上市號碼，而「3」則係寓意「永恒生長」。除咗嗰名以外，恒生113嘅設備非常貼心，例如有育嬰室，充分照顧到唔同同事嘅需要，不愧係以人為本嘅銀行呀

.

▶️DBS星展

星展DigiHub位於觀塘Two Harbour Square，佔地七層，主打「共享工作空間」，除咗有按摩椅、足球機同自助美食車外，竟然係happy hour仲會提供啤酒任飲🍻！既有舒服嘅工作空間，又有各種活動俾同事放鬆，注重work-life balance嘅你又點可以錯過？

.

▶️BEA東亞

除咗渣打銀行，原來東亞亦將佢嘅後台部門設於觀塘。東亞銀行嘅寫字樓位於觀塘創紀之城5期，office設有open area同food bar等，俾同事可以take break，傾下計，咁做嘢嘅效率都高啲啦！

.

▶️BOC中銀

中銀同匯豐可謂係棋逢對手，兩間銀行除咗總行位置挨近，佢地嘅後台辦公室都係鄰里嚟㗎。Bank of China Centre位於西九龍大角咀，鄰近奧海城一期。餐廳嘅選擇非常多樣，由平民小食到中高檔餐廳都有，咁食lunch嘅時候就多啲選擇啦！你又會唔會想係呢度返工呢？