.png)
瑞信債券歸零對Bond Market 影響！Sales & Trading FICC/ Asset Management 面試必知
瑞信AT1債券一夜歸零變廢紙就好多同學都知，但投行Sales & Trading FICC 面試究竟會問到你幾深入？想知點樣解釋對債券市場（Bond Market)影響? 你就要點一點俾個Like，繼續睇落去啦。 【什麼是Bond Market 先？】 了解Credit Sussie 債券發生咩事，首先要清下D 基本概念。債券市場（Bond market）是指買賣債券的市場，債券是一種固定收益證券，發行者向投資者募集資金，承諾按照一定的利率支付利息，並在債券到期時償還本金。在債券市場上，投資者可以買進或賣出各種不同種類的債券，包括政府債券、公司債券、抵押債券等等。Sales and Trading入面嘅Credit Team就係負責公司債券。 【瑞信AT1債券變成廢紙？！】
瑞銀UBS同意用 30 億瑞郎（約 32.4 億美元）收購瑞信，包括500億法郎嘅損失，呢筆由政府斡旋達成嘅交易目的係恢復金融市場嘅穩定，而瑞士金融監管單位FINMA同時勒令將瑞信發行的AT1債券減記為零，做為收購案的附加條件之一，令大約 160 億瑞郎嘅債務變到完全無價值。
【破壞市場穩定 令投資者震驚 】
政府為左達成交易，可以話無所不用其技，最基本喺銀行破產嘅情況下，債務通常先過股權被優先處理。但呢次交易就完全無視，令債權人手上AT1清袋。 而其實銀行監管機構制定「巴塞爾III規則」(Basel III rules)，希望銀行資本做得到喺壓力情況下吸收損失。銀行將AT1 被視為固定收益，但佢哋可以推遲償息、無法定到期日，同埋包括減記功能。銀行 AT1 會 offer 更高嘅收益率 (yield)，或者派更高嘅償息 (coupon)，以補償投資者要承擔嘅額外嘅風險。
雖然償息推遲或者減記係已知嘅風險，但瑞信嘅 CET1（普通股權一級資本比率）係 14.1%，遠高於7.0% 嘅觸發點。反映比例無充分表示出瑞信AT1債券危險之處。
銀行AT1市場係一個價值 2500 億美金嘅資產類別，瑞信 AT1 嘅 160 億美金減記佔咗市值嘅 6.4%。呢個數字有一定嘅意義，市場可能會短期內重新評估 AT1 市場，令價格波動較大，不過預期市場，尤其係評級較好嘅 AT1，可能會谷底反彈。
【投行Sales & Trading 面試必問 對全球bond market 影響 】
當面試S&T/PB/AM 時，考官經常會問你如何為客戶因應最近情況提供投資建議，呢個時候你就可以提議先檢視吓 AT1 投資組合，考慮升級佢哋嘅投資組合。就信貸建議嚟講，大型銀行例如匯豐、瑞銀同埋歐洲銀行例如巴克萊 (Barclays)、巴黎銀行 (BNP)、勞埃德銀行 (Lloyds) 同埋National West (Natwest) 既Market Bond令人比較放心。
另外，投行好大機會會問呢件事對Bond Market影響。全球以美元計價的AT1 bond市場估值達到2750億美元，有高流動性，主要由投資級別的歐洲實體發行，大型交易平均每筆達到13億美元。在亞洲，當地貨幣計價的AT1市場更大，達到5692億美元，其中近80%為人民幣計價的中國發行品佔據。日本也是AT1債券的活躍發行者。另一方面，以美元計價的發行額，主要來自香港和中國實體，僅為420億美元。在於瑞信事件，部份資金可能會避險到高質量投資，資金從風險較高的AT1債券轉移到由高度評級的發行者（如新加坡政府）提供的高質量、短期限債券等。
IBankcoaching 建議同學喺睇新聞嘅時候，多思考每個新聞對投資銀行客戶以及唔同Asset Classes嘅影響，最重要係作為一個interviewees，如何能帶出獨特觀點，去impress 面試官。
最後，如果你唔想錯過投行最新消息，第一件事當然喺 Follow @ibankcoaching ，同Click 條Link https://bit.ly/HKCWhatsappBroadcast，Subscribe IB WhatsApp Broadcast，掌握大學生必知嘅投行資訊！
