一篇文睇明8大投行BB Bank強項！

【同樣都係外資，原來入美資同歐資投行好大分別？】2024招聘季又快開始啦，同學差唔多要準備自己嘅報工計劃/策略！識報嘅同學，當然會想報外資行，特別係8大BB Bank！但雖然我哋經常扯埋8大投行去講，原來美資/歐資行，每間都有唔同嘅：

1.招聘風格/要求

2.做得特別出色嘅前台部門（直接影響Headcount）

3.人工花紅水平等等

除咗㩒掣報工外，仲有好多嘢要留意。你都想知點樣揀啱自己報嘅部門同投行？甚至係聽吓投行HR點講？（係呀今次我哋搵到資深投行HR親身去做分享！）快啲Save低篇文再睇落去！

.

【歐資行】

⭕️DB

DB有4個主要部門，分別係Corp Bank, IBD, PB同AM, 比較少中台位置，雖然19年DB因為經營不善導致巨額虧損，不過佢哋之後嘅重組都略見成效，喺S&T同PB嘅表現都幾出色㗎！不過呢幾年DB生意麻麻，所有部門嘅HC都平均地少；即使係表現出色嘅PB都得3、4個HC，而由於S&T唔再做equities得番FICC，HC都係得6、7個，所以同學仔跟番自己興趣報就可以！另外值得留意嘅係，DWS就係DB Asset Man Arm嘅名稱，同學唔好誤以為係另一間公司！

.

⭕️UBS

UBS係Private Bank (Wealth Man) Arm、IBD、S&T同AM，及其他中後台都會有招聘。收購左CS嘅UBS，雖然有唔少重組問題需要處理，但WM 同S&T整體表現強左；再者，UBS同CS嘅PB係行內都好強，S&T嘅 equity又做得好好，而UBS嘅PB同 Equity Sales都拎過唔少大獎，所以想入UBS PB嘅同學仔就記得要入PWMA，因為UBS PB HC都係比哂參加過program嘅同學仔！反觀IBD生意麻麻，所以HC唔會多

.

⭕️Barclays

Barclays嘅亞洲業務集中喺S&T同IBD，不過佢哋反而無乜中後台招聘，通常得Compliance。業務方面最強就係S&T，雖然新加坡同埋香港兩邊都無開Retail，但今年喺兩地就新成立Corp bank ／PB分支！不過收嘅人唔多，想入企業銀行或PB嘅同學就要考慮埋其他BB銀行或者英國嘅Barclays先得！

.

【美資行】

⭕️Citi

花旗有三大類部門，包括IB-related (如IBD、PB、S&T），企業銀行相關 (Treasury & Trade Solution、Corp Bank）同零售銀行（Consumer Bank Ops／Consumer Bank Global Wealth)，亦都由於佢哋嘅產品多元化，所以喺培訓計劃嚟講，同學可以試更多唔同業務範疇，再加上近年佢哋想擴展CMB，仲出超過50k嘅offer去吸引人才，未知想做咩而想試多啲嘢嘅同學可以留意多啲Citi嘅消息！

.

⭕️JPM

JPM絕對係Top 3 BB銀行，業務非常全面，有AM/WM、企業銀行、S&T、IBD同Tech等超過40個分類，唔同背景嘅同學都一定可以搵到部門去報

.

⭕️BoA

BoA提供嘅部門都幾全面，總共有九個部門，除咗基本嘅前台，佢哋仲有Sustainable Finance等，BoA招聘較多中台位置，例如比較少有嘅internal audit及COO。雖然佢哋英國PB做得好，可惜喺香港同新加坡佢哋都無PB招聘

.

而BoA同JPM就比較專注喺國際/大型機構嘅deals，亦都由於佢哋有企業銀行，咁就可以refer 啲客俾DCM／M&A／S&T，所以美資行嘅sales synergy普遍做得唔錯。

.

⭕️GS

GS係穩定Top 3嘅 BB bank，主要業務喺IBD, S&T同PBAM，雖然佢哋無企業銀行，但由於本身品牌名同表現好強，Product Expertise 又係行業領先，基本上唔會影響佢哋搵客。例如佢哋M&A同 IPO deal flow近五年都稱霸，複雜嘅衍生產品又做得非常好，基本上每種asset class都好強。

.

⭕M字頭US BB Bank

同GS一樣，都係穩定Top 3嘅大投行，主要業務喺S&T、Capital markets、IBD同中後台。雖然呢間行上年有大規模裁員，喺香港炒左30、40個Junior，但亦都好大機會代表今年有機會會增加翻人手。IBD HC估計會上升兩至三成

.

【究竟歐資行同美資行有咩分別？】

一般而言，美資行嘅人工都會比歐資行高大概一至兩成，特別係呢幾年美資行嘅生意比較好，連埋花紅嘅話，佢哋嘅薪酬就更加可觀😍不過佢哋嘅文化上競爭比較大，亦都因為deals嘅數目較多，自然都會比較忙，而歐資行雖然人工比較低，但相對而言較著重生活同工作平衡。

.

當然，8大投行、美資/歐資需要知道嘅事情又點只咁少？嚟緊HKCareers就好榮幸，邀請到係行業入面工作咗超過十年嘅資深GS前HR Ms. Virna Dio，為同學舉行一個Webinar，為你分析：

✅2024/25招聘季：8大投行嘅報工策略

✅美資行同歐資行嘅Headcount、Shortlisting criteria、面試貼士、Prospects及exit opportunities

✅點樣按照你個人嘅Profile、狀況、興趣去設計來年嘅報工策略

✅點樣從其他Elite students嘅Profile/面試入面突出你嘅申請等