top of page

阿爺下令國企禁用Big 4 ？四大會計師樓可以點化危為機？


【識得幫公司化危為機，你先會喺求職時嘅贏家!】會計界最近最爆嘅消息，莫過於阿爺下令國企禁用四大會計師樓！令人非常擔心Big 4嘅生意會唔會受到重創，甚至影響嚟緊嘅招聘。由於Big4由Summer/ Winter Intern、Placement、PT到Grad Job每年請過千人，喺俾同學累積經驗嘅好地方，對於之後加入Accounting/ Advisory/ Banking & Finance等行業都極為有用！為幫助同學了解今次事件對Big 4香港Office，以及對這你搵工有咩影響，HKCareers就特別請咗我地非常受歡迎嘅Big 4 Coach Eddie去深入分析今次事件，【唔只要講Big 4可能受到嘅負面影響，更重要嘅喺Big 4可以點樣化危為機！只有學識咗俾好嘅建議公司，你先可以成為求職時嘅大贏家！】快啲俾個♥️再睇落去！

.

▶️事件超簡介：

內地政府上個月促請國企更換會計師事務所，唔可以再用Big 4，需要轉用2nd tier或者當地會計師事務所。目的係確保內地嘅數據安全，及加快內地會計行業嘅發展

.

▶️對行業同經濟整體有幾大影響？

呢件事對整個金融行業同經濟有極大嘅負面影響。站喺投資者嘅角度，如果國企轉用當地會計師行，就會擔心當地會計師樓嘅質素控制追唔追得上四大。頭先就提到auditor嘅責任係做好把關者嘅角色。如果local firms因為經驗不足而查唔出任何異常嘅數目嘅話，咁就會提高咗做假數嘅風險。相對上，信譽同服務質素無四大咁好，自然投資者對國企信心就會減弱；開始減少喺國企投資；市場少咗現金流動，經濟活動就會減少

.

▶️點解咁多公司會選用四大 Audit？

四大 Audit嘅服務質素同信譽相比當地會計師行會高好多。有呢下3️⃣個原因：

⭕️四大歷史悠久：例如Deloitte喺呢個行業打滾咗過百年，已經建立左一套完善嘅auditing approach，同埋內部有唔同團隊覆核會計最新標準，確保財務報表符合最新要求

⭕️信譽保證：如果用2nd tier或者當地會計師樓，就未能確保配套有冇四大咁完善，同埋未能確保當地auditors嘅能力或者經驗有冇Big 4 auditors咁多。呢啲問題都會令外界有所疑慮

⭕️質素控制：四大同一般會計師行最大嘅分別係：四大內部有個 quality control部門，確保所有數目都正確及檢查audit engagement有無漏洞。部門亦都會模擬當external parties查數嘅不同情況。正正係因為四大做多一步內部審核，呢個步驟令到Big Four嘅質素更加有保證

.

▶️對Big 4業務只喺得負面影響？

⭕️事件對香港Big 4有幾大影響

無可否認，呢件事對內地四大業務有一定嘅影響。但相對上，香港Big 4受嘅影響未必咁大！咁係因為好多喺香港上市嘅公司都係民企，變相唔會受到呢件事影響。其次，如果香港公司喺歐洲或者美國上市嘅banking group，佢哋就會搵香港嘅核數師嚟核對返香港嘅營運。例如香港花旗喺美國上市，就算全球都有營運，佢都會用返本身香港嗰間auditor做香港業務嘅審計；呢類型engagement就唔會受到北京政府嘅限制，仍然可以用到四大嘅服務

.

⭕️有危就有機！呢件事可以點為Big 4業務帶來新機遇？

當然，同學喺聽到呢件事時，可能都會為Big 4感到有啲擔心。但Big 4 Coach Eddie就反而有唔同嘅諗法！認為每件事都可以帶來唔同嘅機遇！例如Big 4嘅業務並唔只審計，仲有好多同學都有興趣加入嘅Advisory！一般來說，Big 4作為auditor，如果想為客戶同時提供其他會計相關嘅服務，可能會有利益衝突；即喺同時提供審計及咨詢服務時，就會因為independence嘅原因而有掣肘

.

如果四大真喺因為阿爺今次下禁令而損失咗audit客，或者亦等於佢地可以喺其他範疇進行擴展，搵多啲項目做！其中一個實例就係滙豐，佢地幾年前曾經係KPMG嘅Audit客，但之後就轉左去用PwC嘅審計服務，KPMG自然喺audit呢部分少咗revenue。但係，KPMG並無從此失去呢個大客，反而轉為提供咗好多咨詢服務俾滙豐，變相喺咨詢方面增加收入！

.

▶️總結：同學喺見到好多駭人聽聞嘅市場消息時都唔好太過擔心住。最重要嘅喺，深思一吓呢啲事件喺咪只有危而沒有機，如果你作為公司嘅一份子，又可以點樣俾到有效嘅建議佢地，令公司可以化危為機！咁樣先可以證明到你喺最有價值嘅Candidate，公司自然會追住上嚟想請你啦😉！

.

驚自己唔夠深入了解行業狀況，無辦法提供最有價值嘅建議俾公司？唔使擔心，#HKCareers 有過7️⃣0️⃣位來自不同行業嘅Career Coach，每位都熟知行內情報，為你分析同分享大學生最需要知道嘅Insights，肯定連AI Tools都要甘拜下風！仲唔快啲Follow @hkcareers ，同去click條Link訂閱WhatsApp Broadcast https://bit.ly/HKCWhatsappBroadcast，確保你成為間間公司都爭住請嘅人才💡



Categories
Recent Posts
bottom of page